Uongozi wa Shirika Mkoa wa Arusha umefanikisha uvutaji wa bomba la maji safi kutoka umbali wa Kilomita1.5 kama sehemu
ya kuwezesha mradi wa ujenzi wa nyumba za gharama nafuu katika mji mdogo wa
Safari City kuanza mwaka ni kama ilivyopangwa.
Hatua hiyo muhimu imechukuliwa kutokana na ukosefu wa maji
katika eneo hilo la Safari City na gharama kubwa ya kupeleka maji kutoka eneo
la mashamba ya Magereza ambapo Shirika linalenga kusukuma zaidi ya lita
3,000,000 kwa siku ili kutosheleza mahitaji ya jiji lote huko baadaye.
Aidha, kiasi cha lita 100,000 ambayo imewekewa hifadhi inatosheleza
kabisa kwa malengo ya sasa ya ujenzi wa nyumba za gharama nafuu kwa lengo la
kuutangaza mji huo na kuwapeleka wakazi wengi kwa muda mfupi.
Wafanyakazi wa Shirika ofisi ya Mkoa wa Arusha wakifurahia mafanikio hayo ya maji kufika katika mradi wa Safari City. Kufika kwa maji haya kunaashiria kuanza kwa mradi wa ujenzi wa nyumba za gharama nafuu ambazo zilikwama kutokana na ukosefu wa maji.
Wafanyakazi wakipata
maelezo na ufafanuzi zaidi kuhusu matumizi ya maji hayo, ukubwa wa hifadhi hiyo
ya maji na uwezo wa kuhudumia zaidi ya nyumba 100 bila tatizo lo lote. Hifadhi hiyo ni ya lita 100,000 na upo uwezo wa
kuongeza maji kila siku kwa karibu lita 60,000.
Wafanyakazi wakikagua
kazi kubwa iliofanyika kuhakikisha maji yanayosukumwa yako salama, yanalindwa na
yanatumika kwa malengo yaliokusudiwa.
Baadhi ya wakina mama wakiwa katika foleni na ndoo zao wakisubiri kupata maji kwa mara ya
kwanza kabla ya uzinduzi. Katika muda usiozidi dakika moja presha ya maji hujaza ndoo ya
lita 20.
Bomba la maji yaliyounganishwa na NHC Arusha likitiririsjha maji muda mfupi baada ya kuzinduliwa
Comments