WANAKIJIJI ITUNDU KATA YA MLANGALI WATAKA FILIKUNJOMBE KUENDELEA UBUNGE WAMCHANGIA TSH 65,200 ZA FOMU

Mwanamke  mkazi   wa kijiji  cha Itundu kata ya  Mlangali  wilaya ya  Ludewa akimchangia  mbunge  wa  jimbo la  Ludewa Deo Filikunjombe wa pili  kushoto pesa ya fomu ya  ubunge wa kwanza kushoto ni katibu wake Bw Stany Gowele

Wananchi  wakimchangia mbunge  Filikunjombe pesa za kuchukua fomu ya ubunge

Mbunge Filikunjombe  akichangiwa  pesa  ya  kuchukulia  fomu ya  ubunge muda ukifika

Mbunge  Filikunjombe akifurahia  kuchangia pesa  ya kuchukulia  fomu ya ubunge

Wananchi wa kada mbali mbali  wakimchangia mbunge Filikunjombe

Filikunjombe akikabidhi sare  kwa madereva  boda  boda Mlangali

Kwaya  ya  vijana  wakiimba  wimbo  wa  kulinda amani  wakati wa mkutano wa mbunge Filikunjombe.

Mbunge  Filikunjombe  akizungumza na  wananchi  wa kijiji  cha Itundu kata ya Mlangali Ludewa.

Filikunjombe akitoa  mfano  wa mshikamano  wa  kimaendeleo  unavyoweza  kuleta mabadiliko makubwa.

Mbunge  wa Ludewa Deo  Filikunjombe  akikabidhi   vifaa vya  michezo kwa timu zote 8 za  vitongoji  vya kijiji cha Itundu  kata ya Mlangali

Na matukiodaimaBlog,Ludewa

WANACHAMA  waasasi  za

fedha   vijijini kutoka   vikundi zaidi ya saba  vya Vicoba na

Sliki pamoja na  wananchi  wa kijiji

cha Itundu kata ya  Mlangali  wilaya

ya  Kilolo mkoani Njombe  wamemchangia

mbunge wa  jimbo la  Ludewa

Bw  Deo Filikunjombe kiasi cha Tsh

65,200 kwa  ajili ya  kuchangia fedha  za

kuchukua  fomu ya  kuwania ubunge kwa muhula wa  pili katika

jimbo  hilo la Ludewa.

Pamoja na kuchangia   pesa  hiyo

pia   wakazi wa kata   hiyo

kupitia   wazee  wa kijiji

cha  Itundu  walikitaka

chama  cha  Mapinduzi (CCM) kutoruhusu wana CCM

wengine  kuchukua fomu ya ubunge

katika   jimbo la Ludewa ili wao  kuweza

kuendelea na  mbunge  wao

wa  sasa  kutokana na

utendaji kazi  wake kiasi cha  kuwakomboa

wananchi  wa Ludewa . 

Wananchi  hao  waliyasema

hayo  jana   kwa nyakati

tofauti wakati  wa   hafla

ya uziduzi wa vikundi hivyo  na

mkutano  wa hadhara  uliofanyika katika  viwanja wa Stendi katika kijiji

hicho cha Itundu .

Mzee  Augustino

Msemakweli  na mzee Herbert Kayombo   walisema

kuwa  ni  mbunge

wa kwanza kwa  jimbo hilo la  Ludewa

kati ya  wabunge  zaidi ya 6

waliopata  kuongoza kufanikisha  utekelezaji

wa ahadi zake kwa  wakati na  kuwa wao kama 

wazee wa kijiji  hicho na  ni miongoni mwa  wazee wa jimbo la Ludewa ambao ni makada wa

CCM kilio chao  kwa  sasa ni kuona mbunge  huyo anaendelea kuongoza jimbo  hilo zaidi

pamoja na kuwasaidia kuwapigania

wazee  ili kuweza  kuliptwa mafao  ya uzeeni kutoka  serikalini.

Mzee  Msemakweli  alisema

kuwa  amepata  kusoma moja kati ya gazeti la wiki  kutoka Zanzibar  na

kuonyesha ni kiasi gani serikali ya Mapinduzi ya  Zanzibar

ilivyoweka mkakati  wa

kuwasaidia  wazee  kwa

kupanga  kumlipa mafao mzee  kila mwezi

kiasi cha kuanzia Tsh 20,000 hivyo

kuomba mbunge  wao kuendelea  kuungana

na  wabunge wengine  ili nao

waweze kulipwa mafao ya uzeeni.

Wakati   mzee

Kayombo  akieleza kufurahishwa na

utendaji wa Filikunjombe na  kusikitishwa

na mbinu  chafu za upinzani katika

kata   hiyo  inayoongozwa na diwani  wa chadema na mwenyekiti wa Chadema kuwazuia wananchi kulima katika

mabonde ( Vinyungu)na  kuwa  wanafanya

hivyo  kwa  lengo la

kukwamisha jitihada za  mbunge

wao.

Kwani  alisema  katika

kijiji  hicho wananchi miaka  yote

walikuwa  wakilima kwenye  vinyungu

kutokana na  eneo hilo  kutokuwa na chanzo  cha maji na

hata  umeme  wanaotegemea 

kupata  hauzalishwi katika  kijiji

hicho  .

Alisema  kuwa serikali

ya  kijiji  inawataka

wananchi  kutolima umbali  wa mita 60 ya

mto  wakati umbali  huo ni mkubwa

ukilinganisha na ukubwa wa

eneo   hilo.

Kuhusu mtazamo

wa  wananchi  wa

Ludewa juu ya utendaji kazi wa mbunge

huyo alisema  wao kama  wazee wamefurahishwa na kazi zinazofanywa na mbunge  huyo na

kuwa wao kama  wapiga kura

wanahitaji mtu na  sio  chama na kama chama kitaona Filikunjombe

hawafai  wao kama  wananchi hawatakuwa tayari kuunga mkono

maamuzi  yoyote  nje ya matakwa  yao.

Hata   hivyo  alisema

kuwa changamoto  kubwa ya  kijiji

chao kwa sasa ni maji na umeme na kumshukuru mbunge kwa kuwasaidia

gari la  wagonjwa katika  kijiji na kata yao  ya Mlangali .

Kwa  upande wake Emmanuel

Mpogole akizungumza kwa niaba ya wanachama

wa vikundi  vya kifedha  vijijini alisema  kuwa kumekuwepo na hamasa  kubwa ya uanzishwaji  wa

vikundi  hivyo toka  alipoingia mbunge  huyo madarakani na kuwa hali ya  uchumi wao

imezidi  kuboresheka  zaidi.

Akizungumza na

wananchi hao  mbali  ya kuwashukuru kwa mchango wao wa  fedha za

kuchukulia fomu Bw  Filikunjombe

alisema kuwa  imani ambayo  wananchi

wanaionyesha kwake ni  kubwa na

kuwa mbali ya  kutumia kiasi cha Tsh  milioni 75 kwa wilaya  nzima kila mwaka  kusomesha

watoto zaidi ya 20  kila kata  bado kata

hiyo ya Mlangali  ndio kata  pekee ambayo

mmoja kati ya  wanafunzi

aliowasomesha  alifika kushukuru na   hivyo kwa mwaka   mwakani kata

hiyo atasomesha  watoto 30 badala

ya 25 kama kata  nyingine.

Pia  alisema suala la

maji bado  wa kulaumiwa ni  viongozi wao wa  kijiji ambao hata katika taarifa ya kijiji

kwa mbunge hawaonyeshi kama  wana tatizo

la maji kama  viongozi wa vijijini  vingine ambao taarifa  zao

hueleza  wazi changamoto mbali

mbali .

Bw  Filikunjombe  alisema mbali ya viongozi wao kutoeleza

tatizo hilo la maji ila kwa upande wake analichukua  ili

kuanza kushughulikia kumaliza

kero ya maji katika  kijiji  hicho .

Mbunge  huyo

katika  kuunga mkono  vikundi vya

kifedha  vijijini aliahidi  kusaidia

kutoa mafunzo  ya ujasliamali

kwa  wanachama  wote

wa vikundi  zaidi ya 7 vya  kifedha

vijijini pamoja na  kila  kikundi kukichangia kiasi cha Tsh 500,000

huku  kikundi  cha boda boda akikichangia kiasi cha Tsh

milioni 2.