Seminar with Mwalimu Mwakasege from Tanzania

Pigo la kwanza kwa Makamba

Nape Nnauye aitikisa CCM

UAMUZI wa Baraza Kuu la Umoja wa Vijana wa Chama cha Mapinduzi (UV-CCM) wa kumvua uanachama Nape Moses Nnauye, sasa unaonekana dhahiri kukitikisa chama kizima.

Mtikisiko huo umedhihirika kufuatia kauli za wazi za kutoridhishwa na kustushwa na uamuzi huo wa Baraza Kuu, ambazo zimetolewa na makada waandamizi wa chama hicho, wakiwemo Mawaziri Wakuu wawili wastaafu Cleopa David Msuya na Frederick Sumaye.

Licha ya kauli hizo za wazi za makada hao waandamizi, taarifa kutoka ndani ya Kamati Kuu (CC) na Halmashauri Kuu (NEC) ya chama hicho, hadi jana bado ilikuwa ikitambua nafasi za Nape, ambaye ni mwana wa aliyekuwa kada mwandamizi wa CCM marehemu Brigedie Moses Nnauye.

Kauli mpya ya Katibu Mkuu Yusuph Makamba, kwamba Nape bado atabaki na nafasi zake ndani ya chama ni ishara pia kwamba, chama ikiwemo CC na NEC hazijabariki maamuzi ya Baraza Kuu la UV-CCM.

Mtoto akatwa uume wote akitahiriwa

MTOTO Franciss Gasper, mwenye umri wa mwaka mmoja na mwezi
mmoja (pichani) anakojoa kwa kutumia mpira maalumu baada ya kukatwa uume wake wakati akitahiriwa kwenye zahanati inayofahamika kwajina la Olorein iliyopo Mererani mkoani Manyara.
Mama wa mtoto huyo aliyejitambulisha kwa jina la Spola Onero, 24, aliiambia Mwananchi kuwa alimpeleka mtoto wake katika hospitali hiyo Juni 15 mwaka 2008 kwa nia ya kumtahiriwa na alimkuta dakrati aliyemtaja kwa jina la Elisha Elunde na kumfahamisha kuwa anaweza
kufanya kazi hiyo.
Aliendelea kusema kuwa kabla ya hapo mwanae alikua
akisumbuliwa na maradhi (lawalawa) na kuona umuhimu wa kumtahiri ili kuondokana na maradhi hayo. Lakini baada ya kumtahiriwa mtoto huyo alilia sana na alimrejesha katika zahanati hiyo lakini daktari huyo, alimtoa wasiwasi na kumwambia kuwa uume wa motto wake utarejea taratibu.
"Nilimrudisha hospitali na nikamweleza kuwa mtoto hawezi kukojoa na daktari Elunde akanimbia kuwa nirudi nyummbani na nisimwambie mtu
mpaka mtoto atakapopona. Lakini nikaona mtoto anazidi kulia na uume
hakuna," alisema Bi. Spola kwa masikitiko.
Aliongeza kuwa mara kwa mara alipomrudisha mtoto kwa
daktari huyo alimwambia kuwa anaomba iwe siri na anafanya jitihada za kumpa dawa ili uume wa mtoto urejee katika hali ya kawaida.
Naye baba mkubwa wa mtoto huyo aliyejitambulisha kwa jina la
Ray Maseli alisema kuwa aligundua kuwa daktari huyo hakuwa na uwezo wa kumtahiri mtoto huyo baada ya kufanya uchunguzi na hivyo wakaripoti suala hilo kituo cha polisi Mererani na daktari huyo kukamatwa.
Aliongeza kuwa daktari huyo pamoja na kukamtwa aliachiwa huru
siku chache baadaye na kesi haikufunguliwa.
"Tulirejea kituo cha polisi kutoa taarifa upya na ndipo siku ya Alhamisi alikamatwa tena na kupelekwa katika kituo cha polisi kilichopo wilayani Babati. Habari na Hemed Kivuyo, Arusha.

Maamuzi mazito CCM

HATIMA ya mwanasiasa kijana, Nape Nnauye na jina la mgombea wa ubunge ya jimbo la Tarime Mjini ndio mambo yanayotarajiwa kukuna vichwa vya wajumbe wa Halmashauri Kuu ya CCM (NEC) baada ya vichwa 39 vya Kamati Kuu kujadili jana hadi usiku wa manane.

Hakuna uamuzi uliotangazwa jana baada ya Kamati Kuu, chini ya uenyekiti wa Rais Jakaya Kikwete, kujadili masuala hayo, pamoja na agenda nyingine za NEC kwa vipindi viwili, cha kwanza kikianza saa 9.00 alasiri na kingine saa kikianza saa 3:00 usiku.
“Wameamua kupumzika kwa ajili ya futari na tumeambiwa kuwa watakutana tena saa 3:00 usiku kuendelea na kikao cha maandalizi ya NEC,” alisema mmoja wa wafanyakazi kwenye jengo la CCM Makao Makuu mjini Dodoma.

Rais Jakaya Kikwete aliwasili Dodoma jana mchana na aliingia kwenye chumba cha mkutano, akiwa na lundo la nyaraka, hali iliyoonyesha kuwa kikao hicho kilikuwa na shughuli kubwa ya kujadili kabla ya kuyasukumia masuala hayo moto kwenye kikao cha leo.

watoto jamani

Vipaji vya watoto huanza kujichomoza mapema wangali wachanga hebu cheki kama hapa hawa watoto wanaonekana kuwa na vipaji vingi, wengine hapa ni madaktari, wengine watakuwa wanasiasa na wengine ndo hivyoo maji lazima yafuate mkondo wake.

Rudisha chenji bwanaaa

Abiria waliokuwa wamepanda kwenye dala dala aina ya Hiace, linalofanya safari zake kati ya Ubungo na Tabata jijini Dar es Salaam (kulia na kushoto), wakimkwida kondakta wa dala dala hilo kutokana na kutokukubaliana naye kuhusu nauli baada ya kushuka katika kituo cha Tabata Relini jana. Picha na Kassim Mbarouk.

Miss Utalii 2008

Vaileth malkia wa Miss Utalii Tanzania
Na Jessca Nangawe
MREMBO Vaileth Timoth kutoka Dar es salaam jana alifanikiwa kutwaa taji la Miss utalii baada ya kuwabwaga wenzake 20 na kunyakuwa gari mpya aina ya Nissan Premira yenye thamani ya shilingi mil.15 katika kinyang'anyiro cha kumsaka miss utalii Tanzania lililofanyika kwenye ukumbi wa New World Cinema, Mwenge.
Shindano hilo lililokuwa la kusisimua na lenye ushindani wa hali ya juu jumla ya warembo 21 kutoka mikoa mbalimbali ya Tanzania walipanda jukwaani katika mavazi tofauti tofauti yaliyokua yakiutangaza utalii na utamaduni wa Tanzania.
Katika hatua ya kwanza warembo kumi walifanikiwa kuingia katika hatua ya kumi bora ambapo kila mmoja alitakiwa kuelezea utalii wa Tanzania kwa jinsi anavyofahamu.
Waliofanikiwa kuingia katika hatua ya tano bora ni Zulfa Hahya (Kagera), Elizabeth Kilya(Kilimanjaro),Evalyne Julius (Manyara), Aneth Kanora (Arusha) na Vaileth Timoth Dar es salaam.
Aidha mshiriki kutoka Mkoa wa Mara, Josina Henry aliibuka Miss Vipaji mara baada ya kuonyesha umahiri mkubwa katika kuimba na kuonyesha uhalisia wa utamaduni wa Kitanzania katika shindano lililofanyika mkoani Morogoro wiki iliyopita na kujinyakulia kitita cha shilingi laki 5.
Zawadi kwa mshindi wa pili alikuwa ni Shs mil.2 ilikwenda kwa Aneth Kanora (Arusha) , wa tatu mil 1.5 Evalyne Julius (Manyara) wa nne Elizabeth Kilya (Kilimanjaro) na wa tano Zulfa Yahya (Kagera) pamoja na Miss vipaji waliondoka na laki 5 kila mmoja.
Naye Waziri wa Maliasili na utalii Shamsa Mwangunga ambae alikua mgeni rasmi katika shindano hilo alimtaka mrembo huyo kuiwakilisha Tanzania vema kwa upande wa mambo ya utalii katika mashindano ya Dunia.
"Tumekuwa na warembo ambao wamekuwa wakiwakilisha nchi kwenye mashindano ya dunia sasa ni wakati wako kuipeperusha vyema bendera ya Tanzania,"Alisema Mwangunga.
Aidha Waziri alisisitiza waandaaji wa shindano hilo kutoa zawadi kwa wakati na ili walikusudia kwa nia ya kurudisha imani ya washiriki na wazazi kwa ujumla.