RAIS SAMIA ATEMBELEA MABANDA YA MAONESHO YA NANENANE JIJINI DODOMA

Tarehe 8 Agosti 2025, viwanja vya Nzuguni Jijini Dodoma vilikua kitovu cha shughuli nyingi wakati wa Maonesho ya Kitaifa na Kimataifa ya Nanenane, yakikusanya wadau wa sekta ya kilimo, mifugo, na uvuvi kutoka ndani na nje ya nchi.

Miongoni mwa matukio yaliyojiri ni uoneshaji wa teknolojia mpya za uzalishaji mazao na ufugaji, mafunzo ya kilimo bora, maonyesho ya bidhaa zilizoongezewa thamani, pamoja na huduma za kifedha na masoko kwa wakulima na wajasiriamali. Washiriki walipata fursa ya kujifunza mbinu za kisasa za kilimo, ufugaji wa kisasa, usindikaji wa mazao, na matumizi ya nishati mbadala katika shughuli za kilimo.

Aidha, kulikuwa na majukwaa ya mijadala na semina za kitaalamu zilizoandaliwa na taasisi mbalimbali, zikilenga kuhamasisha matumizi ya sayansi na teknolojia ili kuongeza tija na ushindani wa bidhaa za kilimo katika masoko ya ndani na ya kimataifa.

Maonesho haya, yanayoendelea kila mwaka, ni sehemu ya maadhimisho ya Siku ya Wakulima Nanenane, yakibeba ujumbe wa mwaka huu: “Kilimo ni Biashara, Shirikiana na Wadau kwa Maendeleo Endelevu”.