Rais Kikwete na Mama Salma Kikwete waenda kutoa pole nyumbani kwao Sajuki

Rais Jakaya Mrisho Kikwete akiweka saini kitabu cha maombolezo nyumbani kwa msanii wa filamu Marehemu Juma Kilowoko ‘Sajuki’ nyumbani kwao wafiwa Tabata Bima jijjini Dar es salaam.

(PICHA NA IKULU)

Rais Jakaya Mrisho Kikwete na Mkewe Mama Salma Kikwete wakiwa nyumbani kwa msanii wa filamu Marehemu Juma Kilowoko ‘Sajuki’ Tabata Bima jijjini Dar es salaam leo ambako walienda kutoa pole.

Mke wa Rais Mama Salma Kikwete akiweka saini kitabu cha maombolezo nyumbani kwa msanii wa filamu Marehemu Juma Kilowoko ‘Sajuki’ nyumbani kwao wafiwa Tabata Bima jijjini Dar es salaam Januari 4, 2013.

 

Rais Jakaya Mrisho Kikwete akiweka saini kitabu cha maombolezo nyumbani kwa msanii wa filamu Marehemu Juma Kilowoko ‘Sajuki’ nyumbani kwao wafiwa Tabata Bima jijjini Dar es salaam.

PICHA ZA MATUKIO MAZISHI YA SAJUKI JIJINI DAR LEO

 Waombolezaji wa Msiba wa Msanii wa Filamu hapa nchini, Marehemu  Sadick Juma Kilowoko wakibeba jeneza lenye mwili wake tayari kwa taratibu za kwenda Mazikoni,wakitokea Nyumbani kwa Marehemu Tabata Bima.Sasa hivi mwili wa Marehemu upo katika Msikiti wa Sheahk Adhir,Kariakoo kwa ibada ya Kusalia Mwili na baada ya Swala ya Ijumaa,Mwili utazikwa kwenye Makaburi ya Kisutu jijini Dar es Salaam.

Mwili ukipakiwa kwenye gari.

Dua ikisomwa kabla ya kuondoka na Mwili wa Marehemu kwenda mazikoni.

Rais wa Shirikisho la Filamu Tanzania,Saimon Mwakifwamba akimpokea Mbunge wa Jimbo la Kigoma Kaskazini,Mh. Zitto Kabwe alipokuwa akiwasili msibani hapo.

Mwili ukiondoka nyumbani.
CHANZO  http://mrokim.blogspot.com/

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

 
 Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,

  Picha juu alipopiga picha na Viongozi mbalimbali wa Chadema

Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni.

---

 Na Mwandishi Maalum

Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police.

Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa akivaa ngua hizo za jeshi kwa miaka mingi na wananchi wa Mererani wanamtambua kama mwanajeshi.Kujua Habari zaidi jinsi mambo yalivyokua Bofya Hapa na Hapa.......>>>

Waziri Mkuu Wa Kenya Raila Odinga aondoka Dar baada ya kumaliza mapumziko mafupi na familia yake na kusikindikizwa na Dr John Magufuli

Waziri Mkuu wa Kenya Mhe. Raila Odinga Akipanda Ndege kwenye Uwanja wa Ndege wa Kimataifa Mwl. Julius Nyerere VIP Terminal jijini Dar es salaam baada ya kumaliza mapumziko yake mafupi na familia yake jijini Dar es Salaam

 Picha Juu na Waziri wa Ujenzi Mhe. John Magufuli akimsindikiza  Rafiki Yake wa Karibu  Waziri Mkuu wa Kenya Mhe. Raila Odinga kwenye Uwanja wa Ndege wa Kimataifa Mwl. Julius Nyerere VIP Terminal jijini Dar.

 Picha Juu na Waziri wa Ujenzi Mhe. John Magufuli akiagana na Rafiki Yake wa Karibu  Waziri Mkuu wa Kenya Mhe. Raila Odinga kwenye Uwanja wa Ndege wa Kimataifa Mwl. Julius Nyerere VIP Terminal jijini Dar.

 Waziri wa Ujenzi Mhe. John Magufuli(kushoto)akifurahia jambo na  Mke wa Waziri mkuu wa Kenya Mhe Raila Odinga katika Uwanja wa Ndege wa Kimataifa wa Mwl. Julius Nyerere VIP Terminal jijini Dar katikati ni Waziri Mkuu wa Kenya Rais Ondinga

Pichani juu ni familia ya Dk. John Magufuli na Raila Odinga wakiwa katika Uwanja wa Ndege wa Julius Nyerere jijini Dar es Salaam wakati Raila Odinga akirudi nchini Kenya. Dk Magufuli amemsindikiza Raila leo baada ya kukaa nchini kwa siku kadhaa.Picha na mdau Evo Morales

Maendeleo ya msiba wa Sajuki nyumbani kwao Tabata Bima

Baadhi ya Wasanii wa Filamu nchini wakiwa kwenye msiba wa Msanii mwenzano,Marehemu Sadick Juma Kilowoko ama Sajuki aliefariki Dunia mapema leo asubuhi,kwenye Hospitali ya Taifa Muhimbili jijini Dar es Salaam alikokuwa amelazwa kwa matibabu.taratibu za Mazishi ya Sajuki zinakwenda vizuri na Mwenyezi Mungu akijaalia Siku ya Ijumaa,Marehemu Sajuki  atasikwa kwenye Makaburi ya Kisutu jijini Dar,Majira ya Saa tano asubuhi kwa mujibu wa mtoa taarifa.
Naibu Waziri wa Mawasiliano, Sayansi an Teknolojia Mh. January Makamba (mwenye fulana ya njano) akisikiliza maelezo ya juu ya maendelea ya Msiba wa Msanii Sadick Juma Kilowoko a.k.a Sajuki aliefariki dunia leo kwenye Hospital ya Taifa ya Muhimbili jijini Dar es Salaam alikokuwa amelazwa.Taarifa hiyo ilikuwa ikitolewa na Rais wa Shirikisho la Wasanii wa Filamu Tanzania (TAFF),Saimon Mwakifwamba

Wasanii wa kila wa tasnia mbali mbali hapa nchini wakiwa msibani hapo.

Waombolezaji wenginwa wakiwa wamekaa kwenye mtaro

Mazungumzo ya hapa na pale.

Rais wa Shirikisho la Wasanii Tanzania (TAFF),Saimon Mwakifwamba (kushoto) akizungumza na baadhi ya waombolezaji wengine msibani hapo.

Waombolezaji wa msiba wa Sajuki wakiwa Nyumbani kwa Marehemu.

Kisomo kikiendelea.

TANZIA: Msanii Sajuki afariki dunia

Msanii Juma Kilowoko (SAJUKI) amefariki dunia leo alfajiri katika hospitali ya Taifa Muhimbili.

Kwa mujibu wa Katibu wa chama cha waongoza Filamu Wilaya ya Ilala, Rajabu Amiri hivi karibuni Sajuki alikuwa anasumbuliwa na tatizo la upungufu wa damu.

Sajuki kama ambavyo anajulikana na wengi kwa sinema zake za kashkash alikuwa akiugua maradhi ya muda mrefu mpaka kufikia hatua ya kupelekwa India kwa matibabu zaidi (Ref: Jamani inasikitisha hali ya afya ya Sajuki mme wake Wastara )

Sajuki ambaye ameacha mjane ambaye pia ni msanii aitwaye Wastara ambaye ni mlemavu wa mguu mmoja ambao ulisababishwa kwa kupata ajali mnamo mwaka 2008 siku chache kabla ya ndoa. Hata hivyo Sajuki aliamua kumuoa hivyo hivyo kwani alikuwa ameshapeleka posa kwa kina Wastara.

Tukio hilo liligusa hisia za watu wengi na kumchukulia Sajuki kama shujaa na mwanaume mwenye mapenzi ya kweli kwa kitendo hicho alichokifanya.

Mwaka 2011 haukuwa mzuri kwa Sajuki kwani ndio mwaka ambao maradhi yaliyomsumbua muda mrefu yalipamba moto

Inajulikana kuwa Sajuki aliumwa na kufikia kipindi cha kudhoofu mwili wake kitu kilichopelekea wasanii wenzake na watu wengine waanzishe mchango wa kumchangia Sajuki (Ref: Jamani tumsaidie msanii SAJUKI ).

Waasanii, wanasiasa, wananchi walifanikisha zoezi hilo na kumfanya aweze kwenda India kwa matibabu zaidi.

Alirudi na kuonekana kapata nafuu kidogo jambo ambalo lilileta nyuso za furaha na amani miongoni mwa watanzania (Ref: PICHA: Sajuki shavu dodo, sasa Mungu mkubwa ).

Hata hivyo alikuwa hajapona sawa sawa na alikuwa anajiandaa kurudi tena India kwa matibabu zaidi.. na hii alikiri kwenye kipindi cha 'Mkasi' kinachoendeshwa na kituo cha televisheni cha EATV.

Sajuki ambaye ni mngoni ameshacheza maigizo na filamu na wasanii wengi karibia wote wenye majina hapa Tanzania.

Sajuki kwa kusaidiana na mkewe walifungua kampuni ya productions kwa ajili ya filamu (movies) za hapa hapa nchini.

Bwana ametoa, bwana ametwaa jina lake lihimidiwe

RAIS JAKAYA KIKWETE ALIVYOUKARIBISHA MWAKA MPYA 2013 KIJIJINI KWAKE MSOGA NA WANAKIJIJI

Wanakiji wa Msoga wilayani Bagamoyo mkoa wa Pwani wakiangalia fashifashi wakati wa sherehe za kuukaribisha mwaka mpya kijijini hapo. 

Rais Jakaya Mrisho Kikwete na mkewe Mama Salma Kikwete wakichangayika na wanakijiji wenzao wa kijijiji cha Msoga, wilayani Bagamoyo mkoa wa Pwani, kuukaribisha mwaka mpya kwa fashifashi na ngoma za utamaduni

 ms3:Rais Jakaya Mrisho Kikwete akimtambulisha kaka yake Mzee Selemani Kikwete kwa  wanakijiji wenzake  wa kijiji cha Msoga, wilayani Bagamoyo mkoa wa Pwani, wakati wa sherehe za  kuukaribisha mwaka mpya kwa fashifashi na ngoma za utamaduni

 Rais Jakaya Mrisho Kikwete na mkewe Mama Salma Kikwete wakipeana mkono wa heri na wanakijiji wenzao wa kijiji cha Msoga, wilayani Bagamoyo, Mkoa wa Pwani, wakati wa kuukaribisha mwaka mpya kwa fashifashi na ngoma za kienyeji. Picha na IKULU