Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, ameongoza Kikao cha Baraza la Mawaziri kilichofanyika tarehe 22 Juni, 2025, katika Ikulu ya Dar es Salaam.
Kikao hicho muhimu kimewaleta pamoja Mawaziri na viongozi wakuu wa Serikali kujadili utekelezaji wa mipango ya maendeleo, kupitia changamoto zilizopo, na kuweka mikakati ya kuboresha utoaji wa huduma kwa wananchi katika sekta mbalimbali ikiwemo elimu, afya, miundombinu, makazi na ustawi wa jamii.
Rais Samia, akiwa Kiongozi Mkuu wa Serikali, alisisitiza umuhimu wa uwajibikaji, ubunifu na kasi ya utekelezaji katika kufanikisha dhamira ya Serikali ya Awamu ya Sita ya kuleta maendeleo jumuishi na endelevu kwa Watanzania wote.
Aidha, kikao hicho kimekuwa jukwaa la tathmini ya utekelezaji wa mipango ya Taifa na sera mbalimbali zinazolenga kuinua maisha ya wananchi, kukuza uchumi na kuhakikisha Tanzania inaendelea kuwa nchi yenye maendeleo ya kweli.
Baraza la Mawaziri ni chombo kikuu cha maamuzi ya kisera na utekelezaji wa majukumu ya Serikali. Kikao hiki cha Juni 22, 2025, kinadhihirisha dhamira ya Serikali ya kuendelea kusimamia kwa karibu masuala ya msingi ya maendeleo ya Taifa letu.
No comments:
Post a Comment