TUZINGATIE UTU, SHERIA NA HAKI KATIKA UTEKELEZAJI WA MAJUKUMU YA ULINZI WA RASILIMALI ZA TAIFA- DKT KIJAJI

 

Na. Joyce Ndunguru, Morogoro.

Waziri wa Maliasili na Utalii, Mhe.Dkt Ashatu Kijaji (Mb) amewataka watumishi wa Mamlaka ya Usimamizi wa Wanyamapori Tanzania (TAWA) kuzingatia utu, sheria na haki katika utekelezaji wa majukumu ya ulinzi wa rasilimali za Taifa.

“_Sisi watumishi wa umma tunapaswa kutoa huduma kwa wananchi kwa haraka na kwa viwango huku tukizingatia haki, sheria na utu wa wananchi tunaowahudumia_” amesema Dkt. Kijaji. 

Mhe. Dkt. Kijaji ameyasema hayo, leo Novemba 24,2025, katika ziara yake ya kwanza ya kikazi katika Ofisi za Makao Makuu ya TAWA zilizopo Mkoani Morogoro kwa lengo la kujifunza, kujionea jinsi shughuli za uhifadhi na utalii za TAWA zinavyofanyika na kujitambulisha kwa Taasisi zilizopo chini ya Wizara ya Maliasili na Utalii.

Pia, Dkt. Kijaji amesisitiza kuendelea kuimarishwa kwa ulinzi wa rasilimali ya wanyamapori katika maeneo ya hifadhi kwa kuongeza ufanisi katika doria, ujenzi wa vituo vya askari na matumizi ya teknolojia kama ndege nyuki (drones) na visukuma mawimbi (GPS Collars).

Sambamba na hayo, Mhe.Dkt. Kijaji amezindua vitendea kazi ambavyo ni magari (4) ya shughuli za doria, pikipiki (33) kwa ajili ya shughuli ya kudhibiti wanyamapori wakali na waharibifu pamoja na pikipiki ya miguu mitatu (Bajaji) iliyokabidhiwa kwa Askari wa Uhifadhi, Elihuruma Rashid aliyepata changamoto za kiafya akiwa katika kutekeleza majukumu yake ya kikazi.

Naye, Naibu Waziri wa Maliasili na Utalii, Mhe. Hamad Chande (Mb) amesema kwamba, vitendea kazi hivi vilivyozinduliwa leo ni jitihada zilizofanywa na Rais wa Jamhuri ya Muungano wa Tanzania, Mhe.Dkt. Samia Suluhu Hassan katika kuendeleza sekta ya wanyamapori.

Kwa upande wake, akitoa neno la shukrani Mwenyekiti wa Bodi ya Wakurugenzi ya TAWA, Mej.Jen (Mstaafu) Hamis Semfuko amesema kuwa Bodi itahakikisha kuwa maelekezo yaliyotolewa yanatekelezwa kwa ubunifu na weledi wa hali ya juu.

Aidha, Mej. Jen (Mstaafu) Semfuko ameongeza kuwa TAWA itaendelea kuhakikisha kuwa jamii zinazopakana na hifadhi zinafaidika kutokana na rasilimali zilizopo katika maeneo hayo.

Awali, akimkaribisha Mhe. Dkt. Kijaji, Kaimu Kamishna wa Uhifadhi wa TAWA, Mlage Yussuf Kabange amesema TAWA ina jukumu kubwa la kuhakikisha rasilimali za wanyamapori zinalindwa katika maeneo yanayoisimamia yakiwemo Mapori ya Akiba na Mapori Tengefu hivyo kuongezeka kwa vitendea kazi hivi kutachagiza ufanisi wa shughuli za doria katika maeneo mbalimbali.

Kadhalika, Kamishna Kabange ameongeza kuwa jitihada mbalimbali zilizofanywa na Rais wa Jamhuri ya Muungano wa Tanzania, Mhe. Dkt. Samia Suluhu Hassan katika kukuza sekta ya utalii zimeweza kuongeza idadi ya watalii kutoka katika mataifa ambayo awali yalikuwa hayana idadi kubwa ya wageni.

“_Jitihada hizi za Mhe. Rais zimewezesha TAWA kupata kampuni ya mwekezaji wa kwanza kutoka Nchini China aliyewekeza katika shughuli za uwindaji wa kitalii,_” amesema Kamishna Kabange.

Katika ziara hii, Mhe. Kijaji aliambatana na Naibu Waziri wa Wizara ya Maliasili na Utalii, Mhe. Hamad Chande, Katibu Mkuu wa Wizara ya Malisili na Utalii, Dkt. Hassan Abbasi na Viongozi wengine wa Wizara ya Malisili na Utalii.

MAKAMU WA RAIS NCHIMBI AFANYA MAZUNGUMZO NA WAZIRI MKUU WA SLOVAKIA KANDO YA MKUTANO WA AU-EU

Luanda, Angola — Makamu wa Rais wa Jamhuri ya Muungano wa Tanzania, Mhe. Balozi Dkt. Emmanuel Nchimbi, amefanya mazungumzo na Waziri Mkuu wa Slovakia, Mhe. Robert Fico, pembezoni mwa Mkutano wa 7 wa Viongozi wa Umoja wa Afrika na Umoja wa Ulaya (AU–EU Summit) unaoendelea jijini Luanda.

Katika mazungumzo hayo, viongozi hao wawili wamejadili maeneo mapana ya ushirikiano kati ya Tanzania na Slovakia, ikiwamo:

• Kuimarisha mahusiano ya kidiplomasia na kiuchumi

• Uwekezaji katika viwanda, teknolojia na miundombinu

Mazungumzo hayo yametajwa kuwa sehemu muhimu ya mkutano huo mkubwa unaolenga kuimarisha ushirikiano kati ya Afrika na Ulaya, hususan katika maeneo ya maendeleo ya kiuchumi, uwekezaji na usalama.

Makamu wa Rais Nchimbi amepongeza uhusiano mzuri kati ya Tanzania na Slovakia na kusisitiza dhamira ya Serikali ya awamu ya sita kuendeleza diplomasia ya uchumi, kuvutia uwekezaji na kupanua masoko ya nje kwa bidhaa na huduma za Tanzania.

Kwa upande wake, Waziri Mkuu Robert Fico ameonesha utayari wa Slovakia kuongeza ushirikiano na Tanzania, akisisitiza umuhimu wa Afrika Mashariki kama kitovu kinachokua kwa kasi katika uwekezaji na biashara.

Mazungumzo hayo yamefanyika wakati viongozi kutoka mataifa mbalimbali wakikutana kujadili mustakabali wa mahusiano ya AU na EU, maendeleo endelevu, amani na ushirikiano wa kimataifa.

#Tanzania #DiplomasiaYaUchumi #AUEUSummit #Luanda2025 #EmmanuelNchimbi #RobertFico #UshirikianoWaKimataifa

🔴🔴TABORA ZOO YAENDELEA KUNG'ARA KAMA KITOVU CHA ELIMU, BURUDANI NA UTALII WA NDANI

Na Mwandishi wetu, Tabora.

Bustani ya Wanyamapori Tabora (Tabora Zoo) imeendelea kujipambanua kama kivutio muhimu cha elimu na burudani jijini Tabora, hasa katika kipindi hiki cha mwisho wa mwaka ambacho kimeonekana kuvutia wageni kwa wingi kutoka ndani na nje ya mkoa.

 Mnamo Novemba 21, 2025 Hifadhi hiyo ilipokea kundi la wanafunzi kutoka Chuo cha Ufugaji Nyuki Tabora (Beekeeping Training Institute – Tabora Branch) ambao  walitembelea Hifadhi hiyo kwa ajili ya ziara ya mafunzo, hatua inayodhihirisha jinsi bustani hii inavyozidi kuwa kitovu cha elimu ya vitendo kwa wanafunzi na wadau wa mazingira.

Uwepo wa wanafunzi hao umeongeza hamasa kwa vijana kutoka vyuo mbalimbali nchini ambao kwa sasa wanachagua Tabora Zoo kama sehemu ya kujifunza masuala ya uhifadhi, mienendo ya wanyamapori, na ekolojia kwa ujumla.

 Kadri mwamko wa utalii wa ndani unavyozidi kuongezeka, Tabora Zoo imeendelea kuwa chaguo namba moja kwa wanafunzi, familia na watalii wanaotafuta mahali pa kujifunza, kupumzika na kufurahia vivutio halisi vya maliasili. 

Kwa kasi hii, bustani hiyo inaendelea kuwa moja ya maeneo muhimu yanayochangia kukuza uelewa wa mazingira na kuimarisha utalii wa ndani katika Mkoa wa Tabora.

RAIS DKT. MWINYI AKUTANA NA MAKAMU WA RAIS DKT. NCHIMBI IKULU ZANZIBAR

 

Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amekutana na Makamu wa Rais wa Jamhuri ya Muungano wa Tanzania, Dkt. Emmanuel John Nchimbi, aliyefika Ikulu kujitambulisha, leo tarehe 22 Novemba 2025

Rais Dkt. Mwinyi amempongeza kwa kushika wadhifa huo na kumhakikishia ushirikiano wa kiwango cha juu katika utekelezaji wa masuala yanayohusu Muungano.

Dkt. Mwinyi amefahamisha kuwa mafanikio makubwa yamefikiwa katika kuzipatia ufumbuzi changamoto nyingi zilizokuwepo awali, hivyo juhudi zinapaswa kuendelezwa ili kuimarisha Muungano kwa maslahi ya pande zote mbili.

Naye Makamu wa Rais, Dkt. Emmanuel John Nchimbi, amempongeza Rais Dkt. Mwinyi kwa ushindi mkubwa wa kuchaguliwa tena kuwa Rais wa Zanzibar na Mwenyekiti wa Baraza la Mapinduzi, na kuelezea matumaini yake ya kuiona Zanzibar ikifanya maendeleo makubwa zaidi katika miaka mitano ijayo.

Akizungumzia Muungano, ameahidi kufanya kazi kwa ushirikiano mkubwa na Serikali ya Mapinduzi ya Zanzibar kuendeleza dhamira thabiti ya kuufanya Muungano kuwa imara zaidi.

RAIS SAMIA AWATUNUKU KAMISHENI MAAFISA WANAJESHI CHIPUKIZI TMA MONDULI

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan akikagua Gwaride rasmi la kumaliza Mafunzo la Maafisa Wanafunzi wa Jeshi la Ulinzi la Wananchi wa Tanzania (JWTZ) kwenye sherehe zilizofanyika katika Chuo cha Mafunzo ya Kijeshi (TMA) Monduli mkoani Arusha, tarehe 22 Novemba, 2025.

Matukio mbalimbali wakati wa sherehe za kutunuku Kamisheni kwa Maafisa Wanafunzi wa Jeshi la Ulinzi la Wananchi wa Tanzania katika sherehe zilizofanyika katika Chuo cha Mafunzo ya Kijeshi (TMA) Monduli mkoani Arusha tarehe 22 Novemba, 2025.

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan, leo tarehe 22 Novemba 2025, amehudhuria na kuongoza sherehe za kutunuku Kamisheni Maafisa Wanafunzi wa Jeshi la Ulinzi la Wananchi wa Tanzania (JWTZ) katika Chuo cha Mafunzo ya Kijeshi (TMA) Monduli, mkoani Arusha.

Katika hafla hiyo, Mhe. Rais Samia aliwasili katika viwanja vya chuo hicho na kupokelewa na viongozi mbalimbali wa Serikali na Jeshi, kabla ya kusimama kwa heshima wakati Wimbo wa Taifa ukiimbwa.

Akiendelea na ratiba ya sherehe, Mhe. Rais alikagua Gwaride rasmi la kumaliza mafunzo, linalojumuisha Maafisa Wanafunzi wa kundi la 06/22 (Shahada ya Sayansi ya Kijeshi), kundi la 72/24-Regular, pamoja na wahitimu wa mahafali ya sita ya Shahada ya Kwanza ya Sayansi ya Kijeshi.

Hafla hiyo imehudhuriwa na viongozi mbalimbali, ndugu, jamaa na marafiki wa wahitimu wakishuhudia hatua muhimu kwa maafisa wapya wanaojiunga rasmi katika kulitumikia Taifa kwa uadilifu, uzalendo na nidhamu ya kijeshi.

#Tanzania #JWTZ #TMA #Monduli #UlinziNaUsalama #Kamisheni2025

NGORONGORO YATOA ELIMU YA UHIFADHI SHIRIKISHI NA KUHAMASISHA UTALII MASHULENI

 

Na Mwandishi Wetu, Karatu

Mamlaka ya Hifadhi ya Ngorongoro imeendelea na programu ya kutoa elimu ya uhifadhi shirikishi na kuhamasiha utalii wa ndani kwenye shule mbalimbali ambapo leo tarehe 20 Novemba, 2025  watumishi wa Mamlaka hiyo wametembelea Shule ya Sekondari Banjika iliyopo Karatu  Mkoani Arusha.

Katika ziara hiyo, wataalam wa uhifadhi na utalii walitoa elimu kuhusu umuhimu wa uhifadhi, vivutio vya utalii vilivyopo Ngorongoro, pamoja na nafasi ya wanafunzi  kuwa mabalozi wa utalii na uhifadhi ikiwemo kuanzisha klabu za uhifadhi wa mazingira. 

Akizungumza katika ziara hiyo, Afisa Uhifadhi Mkuu- Masoko  Bw. Michael Makombe, amesema  mpango huo unalenga kuwajengea uwezo wanafunzi kuhusu masuala ya utalii na uhifadhi, ili wawe mabalozi kulinda mazingira na kutangaza vivutio vya Tanzania.

“Wanafunzi ni wadau muhimu katika shughuli za uhifadhi, mazingira na utalii, Ngorongoro  tumekuwa tukigawa miche ya miti kwenye shule za karatu, Monduli, Arusha, Mbulu na maeneo mengine nchini kama sehemu ya kuhamasisha utunzaji wa mazingira, wanafunzi kujua umuhimu wa uhifadhi na vivutio vya utalii vilivyopo ngorongoro ili waendelee kuwa mabalozi wetu katika maeneo wanayokaa,” alisema Makombe.

Mkuu wa Shule ya Sekondari Banjika Mwalimu Ritha Uwo ameeleza kuwa  miti yote iliyopandwa katika shule hiyo  kuanzia 2005 imetolewa na Mamlaka ya Hifadhi ya Ngorongoro na kuomba Uongozi wa Mamlaka hiyo kuendelea kutoa elimu ya uhifadhi na utalii kwa wanafunzi wa shule za msingi na Sekondari ambao hupelekea elimu hiyo kwa wazazi wao wanaporudi nyumbani na hivyo kuhamasisha utalii wa ndani na utunzaji wa mazingira

MINING COMMISSION PUSHES FOR STRONGER LOCAL CONTENT EDUCATION

📍DODOMA

The Mining Commission has called for intensified public education on Local Content and Corporate Social Responsibility (CSR) to ensure Tanzanians fully benefit from the country’s mineral wealth.

Speaking in Dodoma on November 20, 2025 while opening a training session for regional Local Content and CSR coordinators, the Commission’s Executive Secretary, Eng. Ramadhani Lwamo, said effective enforcement of Local Content Regulations and CSR obligations is key to achieving the Government’s goal of empowering citizens to actively participate in the mineral economy and related sectors.

“Public education is essential in enabling Tanzanians to seize employment and business opportunities in mining, especially following the release of the list of goods and services that must be procured exclusively from 100 percent Tanzanian owned companies,” Eng. Lwamo said.

He urged the coordinators to strengthen collaboration between the Commission’s headquarters and Resident Mines Offices across the regions to ensure proper oversight of Local Content and CSR implementation.

Eng. Lwamo noted that the mineral sector continues to expand rapidly, contributing 10 percent to the national GDP as outlined in Tanzania’s Development Vision 2025.

Acting Director of Mineral Audit and Trade, Annasia Kwayu, reaffirmed the Commission’s commitment to ensuring Tanzanians benefit from all aspects of the mineral value chain, including employment and procurement in mining operations.

She revealed that the sector currently provides 19,874 jobs 97.5 percent held by Tanzanians and only 2.5 percent by expatriates.

On procurement, Kwayu said mines spent a total of USD 2.03 billion on goods and services in 2024, with Tanzanian companies supplying USD 1.79 billion, equivalent to 88 percent of all purchases an indicator of strong progress in Local Content compliance.