🔰RAIS DKT. SAMIA AZINDUA MAKAO MAKUU YA ULINZI KIKOMBO DODOMA

 

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan akipiga light pistol juu kuashiria uzinduzi wa jengo la Makao Makuu ya Ulinzi wa Taifa (MMUT), Kikombo Mkoani Dodoma tarehe 24 Februari, 2026.

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan akiwa na viongozi mbalimbali kwenye picha ya pamoja na baadhi ya Maafisa na Askari wa Kikosi Kazi kutoka Jeshi la Wananchi wa Tanzania (JWTZ) walioshiriki Ujenzi wa Makao Makuu ya Ulinzi wa Taifa (MMUT), Kikombo Mkoani Dodoma tarehe 24 Februari, 2026

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan akiwasili katika Makao Makuu ya Ulinzi wa Taifa (MMUT), Kikombo Mkoani Dodoma tarehe 24 Februari, 2026.RAIS SAMIA AZINDUA RASMI MAKAO MAKUU YA ULINZI WA TAIFA (MMUT) KIKOMBO

Rais wa Jamhuri ya Muungano wa Tanzania na Amiri Jeshi Mkuu, Mhe. Dkt. Samia Suluhu Hassan akimkabidhi Waziri wa Ulinzi na Jeshi la Kujenga Taifa Mhe. Dkt. Rhimo Simeon Nyansaho, funguo mara baada ya kuzindua jengo la Makao Makuu ya Ulinzi wa Taifa (MMUT), Kikombo Mkoani Dodoma tarehe 24 Februari, 2026. 

Samia Suluhu Hassan, Rais wa Jamhuri ya Muungano wa Tanzania na Amiri Jeshi Mkuu, tarehe 24 Februari 2026 amefanya uzinduzi rasmi wa Makao Makuu ya Ulinzi wa Taifa (MMUT), Kikombo mkoani Dodoma — hatua muhimu inayodhihirisha kuimarika kwa miundombinu ya kimkakati ya ulinzi nchini.

Katika hafla hiyo ya kihistoria, Rais alipokelewa na viongozi waandamizi wa Jeshi la Ulinzi la Wananchi wa Tanzania (JWTZ) pamoja na maafisa wa vyombo vya ulinzi na usalama. Uzinduzi wa MMUT ni sehemu ya juhudi za Serikali za kuimarisha uwezo wa kiutendaji, uratibu na usimamizi wa masuala ya ulinzi na usalama wa Taifa kwa viwango vya kisasa zaidi.

Akizungumza wakati wa uzinduzi, Mheshimiwa Rais alisisitiza kuwa uwekezaji katika miundombinu ya ulinzi ni msingi wa kulinda mipaka ya nchi, rasilimali za Taifa na kuhakikisha amani na utulivu vinaendelea kudumishwa.

Alieleza kuwa Serikali itaendelea kuimarisha maslahi na vitendea kazi vya wanajeshi ili kuongeza weledi, nidhamu na utayari wa kukabiliana na changamoto za kiusalama katika dunia ya sasa.

Aidha, Rais alipiga picha ya pamoja na Maafisa na Askari wa Kikosi Kazi cha JWTZ walioshiriki katika ujenzi wa makao hayo makuu, akitambua mchango wao mkubwa katika kufanikisha mradi huo wa kimkakati kwa Taifa.

Uzinduzi wa MMUT Kikombo unaashiria hatua mpya ya kuimarisha ulinzi wa Taifa, kujenga taasisi imara na kuhakikisha Tanzania inaendelea kuwa kisiwa cha amani, uthabiti na maendeleo katika ukanda wa Afrika Mashariki na Bara la Afrika kwa ujumla.

#RaisSamia
#AmiriJeshiMkuu
#UzinduziMMUT
#UlinziWaTaifa
#Dodoma
#Tanzania 🇹🇿