RAIS SAMIA ATOA MAAGIZO MAZITO KWA TUME YA USULUHISHI WA MIGOGORO YA KAZI, ASISITIZA HAKI KWA WAFANYAKAZI NA WAAJIRI

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Angelina Lubala Mabula kuwa Mkuu wa Mkoa wa Tabora kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Angelina Lubala Mabula kuwa Mkuu wa Mkoa wa Tabora kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Danford George Mpelumbe kuwa Mwenyekiti wa Tume ya Haki za Binadamu na Utawala Bora kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Omar Ali Omar Bhai kuwa Makamu Mwenyekiti wa Tume ya Haki za Binadamu na Utawala Bora kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Jaji Mstaafu Wilfred Peter Dyansobera kuwa Mwenyekiti wa Tume ya Usuluhishi na Uamuzi kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Paul Thomas Kadushi kuwa Kamishna wa Tume ya Usuluhishi na Uamuzi kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Felister Emmanuel Shuli kuwa Kamishna wa Tume ya Usuluhishi na Uamuzi kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Dkt. Alhaji Almas Seleman kuwa Kamishna wa Tume ya Usuluhishi na Uamuzi kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

 Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akimuapisha Ndugu Mwanaidi Shomari Mgowa kuwa Kamishna wa Tume ya Usuluhishi na Uamuzi kwenye hafla iliyofanyika Ikulu ya Chamwino Mkoani Dodoma, tarehe 02 Novemba, 2026.

Dodoma, Novemba 2, 2026. Rais wa Jamhuri ya Muungano wa Tanzania, Mhe. Dkt. Samia Suluhu Hassan, ameitaka Tume ya Usuluhishi na Uamuzi kuhakikisha migogoro ya kazi inatatuliwa kwa haki, usawa na bila upendeleo, huku akisisitiza umuhimu wa kulinda maslahi ya wafanyakazi na waajiri katika mazingira ya ukuaji wa sekta binafsi nchini.

Rais Samia ametoa maelekezo hayo leo, wakati wa hafla ya kuwaapisha viongozi mbalimbali aliowateua hivi karibuni, iliyofanyika Ikulu ya Chamwino, mkoani Dodoma.

Amesisitiza kuwa maamuzi ya migogoro ya kazi lazima yazingatie makosa yaliyothibitishwa, bila kujali nafasi au utambulisho wa mtu, akieleza kuwa "ili kulinda haki za wafanyakazi na waajiri," ni muhimu kwa Tume kutekeleza majukumu yake kwa uadilifu na weledi.

Katika hatua nyingine, Rais Samia ameitaka Tume ya Haki za Binadamu na Utawala Bora kuimarisha ulinzi wa haki za binadamu, kushughulikia malalamiko ya wananchi kuhusu ukiukwaji wa misingi ya utawala bora na kutendaji wa taasisi za umma.

Aidha, ameitaka Tume hiyo kulinda maslahi ya nchi kwa kufuatilia nafasi ya Tanzania kimataifa katika masuala ya utawala bora na kutoa ufafanuzi kwa wakati.

RAIS SAMIA AMPA MAJUKUMU MAZITO MKUU MPYA WA MKOA WA TABORA

Katika hafla hiyo, Rais Samia pia amemuapisha Mhe. Angelina Lubala Mabula kuwa Mkuu wa Mkoa wa Tabora, akimtaka kusimamia matumizi ya fedha za umma, utekelezaji wa miradi ya Serikali na kuhakikisha kero za wananchi zinapatiwa ufumbuzi.

VIONGOZI WALIOAPISHWA

Katika Tume ya Usuluhishi na Uamuzi, Rais Samia amewaapisha:

• Jaji Mstaafu Wilfred Peter Dyansobera – Mwenyekiti.

• Dkt. Alhaji Almas Seleman – Kamishna.

• Felister Emmanuel Shuli – Kamishna.

• Paul Thomas Kadushi – Kamishna.

Kwa upande wa Tume ya Haki za Binadamu na Utawala Bora, walioapishwa ni:

• Danford George Mpelumbe – Mwenyekiti.

• Omar Ali Omar Bhai – Makamu Mwenyekiti.

Hafla hiyo pia imeshuhudia kuapishwa kwa Mhe. Angelina Lubala Mabula kuwa Mkuu wa Mkoa wa Tabora.

Maelekezo ya Rais Samia yanaweka msisitizo katika kuimarisha uwajibikaji wa taasisi za umma, kulinda haki za wananchi, kusimamia matumizi sahihi ya rasilimali za Serikali na kuhakikisha migogoro inatatuliwa kwa haki na kwa wakati.

Uadilifu, haki na uwajibikaji ni msingi wa utawala bora na maendeleo ya Taifa.

#RaisSamia #Ikulu #Dodoma #HakiZaWafanyakazi #UtawalaBora #Tanzania

MAKAMU WA RAIS NDEJEMBI AFUNGUA MKUTANO WA KIMATAIFA WA WANAWAKE WA MABUNGE YA UKANDA WA MAZIWA MAKUU

Tanzania yaendelea kuwa kitovu cha mshikamano, amani na uwezeshaji wa wanawake barani Afrika.

Makamu wa Rais wa Jamhuri ya Muungano wa Tanzania, Mhe. Deogratius Ndejembi, akimwakilisha Rais wa Jamhuri ya Muungano wa Tanzania, Mhe. Dkt. Samia Suluhu Hassan, anashiriki katika ufunguzi wa Mkutano wa Kimataifa wa Wanawake wa Jukwaa la Mabunge la Ukanda wa Maziwa Makuu (ICGLR), unaofanyika katika Ukumbi wa Mikutano wa Kimataifa wa Julius Nyerere (JNICC), jijini Dar es Salaam.

Mkutano huo ni jukwaa muhimu la kuimarisha nafasi ya wanawake katika uongozi na maamuzi, kukuza ushiriki wao katika juhudi za kudumisha amani na utulivu, pamoja na kuchochea maendeleo endelevu katika nchi za Ukanda wa Maziwa Makuu.

Aidha, mkutano huo unadhihirisha umuhimu wa mshikamano, usawa na ushirikiano wa kikanda katika kukabiliana na changamoto zinazowakabili wanawake na jamii kwa ujumla.

Kwa Tanzania kuwa mwenyeji wa mkutano huu, inaendelea kuonesha nafasi yake muhimu katika kuimarisha diplomasia, kukuza ushirikiano wa Kiafrika na kuendeleza juhudi za kujenga ukanda wenye amani, umoja na maendeleo.

Mkutano huu pia unakumbusha mchango wa kihistoria wa Tanzania katika kuhimiza mshikamano wa mataifa ya Afrika na kuunga mkono juhudi za kuleta amani na ustawi wa wananchi wake.

Wanawake ni nguzo ya uongozi, amani na maendeleo ya Afrika!

#Tanzania #ICGLR #UongoziWaWanawake #AmaniNaMaendeleo #UshirikianoWaKikanda

RAIS SAMIA, RAIS JOÃO, WAZINDUA KILOMITA 59.1 ZA BARABARA ZA LAMI MJI WA SERIKALI MTUMBA

Na: OWM–TAMISEMI, Dodoma

Rais wa Jamhuri ya Muungano wa Tanzania, Mhe. Dkt. Samia Suluhu Hassan, na Rais wa Jamhuri ya Angola, Mhe. João Lourenço, leo Oktoba 30, 2026, wamezindua barabara za Mji wa Serikali Mtumba, jijini Dodoma, zinazowawezesha wananchi kufika katika Wizara na Taasisi za Serikali kupata huduma zinazotolewa na taasisi hizo za umma.

Akitoa taarifa kuhusu barabara hizo zilizojengwa na TARURA, Waziri wa Nchi, Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amesema barabara hizo zina urefu wa kilomita 59.1 ambapo kati ya hizo, kilomita 11.7 ni za njia mbili na kilomita 36 ni za njia moja.

“Mhe. Rais, tuna vituo 52 vya mabasi vilivyojengwa katika barabara hizo. Barabara zote zimewekewa taa 1,635. Pia tumejenga kilomita 59.1 za njia za watembea kwa miguu na kilomita 59.1 za njia za waendesha baiskeli.

 Aidha, ili kuzuia mafuriko katika Mji wa Serikali, tumejenga mabwawa matatu ya kuzuia mafuriko,” ameeleza Prof. Shemdoe.

Sanjari na hilo, Prof. Shemdoe amewashukuru Marais hao kwa kukubali kushiriki uzinduzi wa barabara hizo, huku akimshukuru kipekee Mhe. Rais Dkt. Samia Suluhu Hassan kwa uamuzi wake wa kuzipa baadhi ya barabara majina ya viongozi wakuu wa kitaifa waliopita, akiwemo Hayati Baba wa Taifa, Mwalimu Julius Kambarage Nyerere.

Rais wa Jamhuri ya Muungano wa Tanzania, Mhe. Dkt. Samia Suluhu Hassan, akiwa na Rais wa Jamhuri ya Angola, Mhe. João Lourenço, leo Oktoba 30, 2026, pia amezindua rasmi majengo ya ofisi za Wizara na Taasisi za Serikali na baada ya uzinduzi huo amezungumza na wananchi wa Dodoma.

RAIS JOÃO LOURENÇO WA ANGOLA AHITIMISHA ZIARA YA KITAIFA, AONDOKA NCHINI

Rais wa Jamhuri ya Angola, Mhe. João Manuel Gonçalves Lourenço, amehitimisha ziara yake ya kitaifa ya siku tatu nchini na kuondoka kurejea nchini Angola, Oktoba 30, 2026.

Katika ziara hiyo, Rais Lourenço alifanya mazungumzo rasmi na mwenyeji wake, Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuhusu masuala mbalimbali ya kuimarisha uhusiano wa kidiplomasia na kupanua ushirikiano wa kiuchumi na maendeleo kati ya mataifa hayo mawili.

Akiwa jijini Dodoma, Rais Lourenço alishiriki hafla ya uzinduzi wa Mji wa Serikali Mtumba pamoja na miundombinu ya barabara zake.

Mheshimiwa Lourenço aliagwa rasmi na mwenyeji wake Rais Samia katika Viwanja vya Ikulu Chamwino Dodoma kabla ya kuelekea Uwanja wa Ndege wa Dodoma.

Katika Uwanja wa Ndege wa Dodoma Mheshimiwa Lourenço alisindikizwa na kuagwa na Waziri wa Ulinzi na Jeshi la Kujenga Taifa Mhe. Dkt. Rhimo Nyansaho (Mb.) Naibu Waziri Mambo ya Nje na Ushirikiano wa Afrika Mashariki Mhe. Dkt. Ngwaru Maghembe, Mkuu wa Mkoa wa Dodoma Mhe. Rosemary Senyamule,  Balozi wa  Tanzania anayewakilisha Angola mwenye makazi yake Zambia Injinia Cyprian Luhemeja, Balozi wa Heshima wa Tanzania nchini Angola Bw. Mbwana Mziray na viongozi wengine wa Serikali.

OFISI ZA TRA KUWA WAZI NCHI NZIMA JUMAMOSI TAREHE 31 OKTOBA, 2O26

 

RAIS SAMIA NA RAIS WA ANGOLA WAWASILI KWA RELI YA SGR

Rais wa Jamhuri ya Muungano wa Tanzania, Mhe. Dkt. Samia Suluhu Hassan, akiambatana na mgeni wake, Rais wa Jamhuri ya Angola, Mhe. João Manuel Gonçalves Lourenço, wamewasili jijini Dodoma, Oktoba 30, 2026 wakitokea Dar es Salaam kwa kutumia reli ya kisasa ya SGR.

Viongozi hao wamewasili Dodoma ikiwa ni sehemu ya ziara ya Rais wa Angola nchini Tanzania, yenye lengo la kuimarisha uhusiano wa kidiplomasia na kukuza ushirikiano wa pande mbili katika sekta mbalimbali.

Safari hiyo ya kihistoria kwa Mhe. Rais Lourenço kutumia Reli ya SGR, imeonesha umuhimu wa matumizi ya miundombinu ya kisasa ya usafiri wa reli nchini Tanzania, huku viongozi hao wakiendelea na ratiba ya ziara hiyo jijini Dodoma ikiwemo uzinduzi rasmi wa Mji wa Serikali uliopo Mtumba jijini humo.

PRESIDENT SAMIA AND PRESIDENT LOURENÇO STRENGTHEN DIPLOMATIC TIES WITH HISTORIC SGR JOURNEY TO DODOMA

DAR ES SALAAM, OCTOBER 30, 2026

In a powerful demonstration of friendship, solidarity and growing diplomatic cooperation, the President of the United Republic of Tanzania, H.E. Dr. Samia Suluhu Hassan, and her distinguished guest, the President of the Republic of Angola, H.E. João Manuel Gonçalves Lourenço, embarked on a joint journey aboard Tanzania's modern Standard Gauge Railway (SGR) train from Dar es Salaam to Dodoma.

The two Heads of State departed from Magufuli Railway Station in Dar es Salaam for Dodoma, where they are scheduled to attend the inauguration of the Government City at Mtumba and associated tarmac roads on October 30, 2026.

Beyond its ceremonial significance, the journey symbolises the enduring friendship between Tanzania and Angola, while offering President Lourenço a firsthand experience of Tanzania's remarkable progress in modern transport infrastructure.

The visit also comes at a significant moment in bilateral relations, following renewed commitments to strengthen cooperation in trade, investment and regional connectivity, including plans to link the Dar es Salaam and Lobito transport corridors, connecting the Indian and Atlantic Oceans.

More than a railway journey, this historic occasion reflects a shared vision of stronger diplomatic relations, deeper economic integration and a more connected and prosperous Africa.

#TanzaniaAngola #PresidentSamia #PresidentLourenco #EconomicDiplomacy #SGR #GovernmentCity #Dodoma #AfricanIntegration