TANZANIA YAWANIA FURSA YA KUWA MWENYEJI WA MISS WORLD 2026 – RAIS SAMIA AONGOZA MAZUNGUMZO YA KIHISTORIA

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiwa kwenye picha ya pamoja na Mshindi wa Miss World 2025 Bi. Opal Suchata Chuangsri mara baada ya mazungumzo yaliofanyika Kizimkazi, Zanzibar tarehe 20 Julai, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiwa kwenye picha ya pamoja na Miss World Africa na mshindi wa pili kwa mwaka 2025 Bi. Hasset Dereje Admassu kutoka Ethiopia mara baada ya mazungumzo yaliofanyika Kizimkazi, Zanzibar tarehe 20 Julai, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiwa kwenye picha na Mshindi wa Miss World 2025 Bi. Opal Suchata Chuangsri pamoja na Miss World Africa na mshindi wa pili kwa mwaka 2025 Bi. Hasset Dereje Admassu kutoka Ethiopia mara baada ya mazungumzo yaliofanyika Kizimkazi, Zanzibar tarehe 20 Julai, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiwa kwenye picha ya pamoja na Mwenyekiti na Mkurugenzi Mkuu wa Kampuni ya Miss World Limited Bi. Julia Evelyn Morley mara baada ya mazungumzo yaliofanyika Kizimkazi, Zanzibar tarehe 20 Julai, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan, amefanya mazungumzo ya kimkakati na uongozi wa Kampuni ya Miss World Limited, ukiongozwa na Mwenyekiti na Mkurugenzi Mkuu wake, Bi. Julia Evelyn Morley, pamoja na warembo waliotwaa taji la dunia – Mshindi wa Miss World 2025, Bi. Opal Suchata Chuangsri kutoka Thailand, na Miss World Africa, Bi. Hasset Dereje Admassu kutoka Ethiopia. Mazungumzo haya yalifanyika Kizimkazi, Zanzibar tarehe 20 Julai, 2025.

Kikao hicho pia kimehudhuriwa na viongozi wa Wizara ya Habari, Utamaduni, Sanaa na Michezo, pamoja na viongozi kutoka sekta ya Maliasili na Utalii, ambapo Tanzania imeonesha dhamira yake ya kuandaa mashindano makubwa ya kimataifa ya Miss World 2026.

Hatua hii ni ishara ya kutambulisha Tanzania kama kitovu cha urembo, utalii, na urithi wa kitamaduni barani Afrika, na inaleta fursa kubwa ya kutangaza vivutio vya kipekee vya utalii wa nchi yetu mbele ya macho ya dunia.

“Tunataka dunia ije kushuhudia uzuri wa Tanzania – kuanzia mandhari ya kipekee, ukarimu wa watu wetu, hadi urithi wetu wa kitamaduni. Miss World 2026 itakuwa jukwaa la kipekee la kuonesha historia na uzuri wa taifa letu,” amesema Rais Samia.

Kwa Tanzania, fursa ya kuwa mwenyeji wa Miss World 2026 inamaanisha:

• Kuvutia wageni na wawekezaji wa kimataifa kupitia utalii na burudani.

• Kuweka taswira ya juu ya nchi kama kitovu cha matukio ya kimataifa.

• Kuimarisha uchumi wa utalii, hasa Zanzibar na Tanzania Bara.

Tanzania inatarajiwa kuandika historia mpya kupitia Miss World 2026, ikileta hadhi ya kipekee kwa taifa na Bara la Afrika.

#TanzaniaMissWorld2026 #BeautifulTanzania #VisitTanzania #ZanzibarParadise #SamiaEffect #MissWorldAfrica #TanzaniaUnforgettable #ExperienceTanzania #AfricaShines