Viongozi Wawasili Bungeni Kushiriki Kikao cha 39 – Bunge la 12, Mkutano wa 19 Jijini Dodoma

 

Waziri wa Maliasili na Utalii, Mhe. Balozi Dkt. Pindi Hazara Chana (Mb) pamoja na Mbunge wa Jimbo la Iramba Mashariki, Mhe. Francis Isack Mtinga (Mb), wamewasili leo asubuhi katika viwanja vya Bunge jijini Dodoma, kwa ajili ya kushiriki Kikao cha 39 cha Mkutano wa 19 wa Bunge la 12 la Jamhuri ya Muungano wa Tanzania, kinachoendelea leo Juni 4, 2025.

Viongozi hao walionekana wakiwa katika hali ya utulivu na utayari kushiriki mijadala muhimu ya kitaifa, ikiwemo hoja mbalimbali za kisera na kisheria zinazohusu maendeleo ya Taifa.

Mkutano wa 19 wa Bunge umeendelea kuwa jukwaa muhimu kwa Serikali kuwasilisha taarifa za utekelezaji wa mipango ya maendeleo, huku wabunge wakipata nafasi ya kuwasilisha hoja, kuuliza maswali na kutoa maoni ya kuboresha huduma za umma katika sekta mbalimbali, zikiwemo maliasili, utalii, elimu, afya, kilimo na miundombinu.

Katika kikao cha leo, mawaziri wanatarajiwa kujibu maswali ya msingi na ya nyongeza kutoka kwa wabunge, pamoja na kuwasilisha miswada au taarifa mbalimbali zinazolenga kuleta tija kwa wananchi.

Bunge la Tanzania limeendelea kuwa chombo madhubuti cha usimamizi wa Serikali, ambapo wabunge wanatekeleza wajibu wao kwa mujibu wa Katiba, kwa kushiriki kikamilifu mijadala yenye lengo la kuimarisha uwajibikaji, usimamizi wa rasilimali na ujenzi wa uchumi wa kisasa.