Benki ya Absa Tanzania kuendelea kusaidia wanafunzi wenye mahitaji maalumu

 Meneja Huduma za Jamii wa Benki ya Absa Tanzania, Bi. Abigail Lukuvi ( wa pili kushoto) , Mwanafunzi wa Shule ya Uhuru Mchanganyiko, Crispian Thomas na Mkuu wa Shule ya Uhuru Mchanganyiko, Sezaria Kiwango wakikata utepe kuashiria uzinduzi wa kisima kilichojengwa na wafanyakazi wa benki hiyo jijini Dar es Salaam jana. Ni mwendelezo wa wafanyakazi wa benki hiyo kufanya huduma za kijamii katika shule hiyo Kwa takriban miaka mitatu sasa. Kutoka Kushoto ni Mameneja Rasilimali Watu wa benki hiyo, Bw. Hance Mapunda na  Bi. Anna Chacha.

Meneja Rasilimali Watu wa Benki ya Absa Tanzania, Bw. Hance Mapunda (kushoto), Meneja Huduma za Jamii wa Benki ya Absa, Bi. Abigail Lukuvi ( wa pili kushoto) , Mwanafunzi wa Shule ya Uhuru Mchanganyiko, Crispian Thomas, Mkuu wa Shule ya Uhuru Mchanganyiko, Bi. Sezaria Kiwango na Meneja Rasilimali Watu mwingine wa benki hiyo, Bi. Anna Chacha wakishangilia baada ya kuzindua kisima kilichojengwa na wafanyakazi wa benki hiyo jijini Dar es Salaam jana.

Meneja Huduma za Jamii wa Benki ya Absa Tanzania, Bi. Abigail Lukuvi ( kushoto) akikabidhi kisima kilichojengwa na wafanyakazi wa benki hiyo kwa Mwanafunzi wa Shule ya Uhuru Mchanganyiko, Nabili Tuli jijini Dar ea Salaam jana.

Mkuu wa Shule ya Uhuru Mchanganyiko, Bi. Sezaria Kiwango (kulia), akikabidhi cheti cha shukurani kwa maofisa wa Benki ya Absa Tanzania, mara baada ya kupokea msaada wa kisima Cha maji kilichojengwa na wafanyakazi hao, katika hafla iliyofanyika shuleni hapo, Dar es Salaam jana.

NIC INSURANCE YAJIWEKEA MIKAKATI YA KUTOA ELIMU YA UELEWA WA BIMA NCHINI

Mkurugenzi Mtendaji wa NIC Insurance Kaimu Mkeyenge Akizungumza  wakati wa uzinduzi wa Kampeni ya NIC Kitaa iliyofanyika Makao Makuu jijini Dar es Salaam. 

Mkurugenzi Mtendaji wa NIC Insurance Kaimu Mkeyenge Akizungumza  na waandishi wa habari mara baada ya  uzinduzi wa Kampeni ya NIC Kitaa iliyofanyika Makao Makuu jijini Dar es Salaam.

Mkurugenzi Mtendaji wa NIC Insurance Kaimu Mkeyenge akiwa na timu ya wafanyakazi wa NIC wakati wa  uzinduzi wa Kampeni ya NIC Kitaa iliyofanyika Makao Makuu jijini Dar es Salaam.

Mkurugenzi wa Masoko na Uhusiano wa NIC Insuarance Karimu Meshack akitoa maelezo kuhusiana na kampeni ya NIC Kitaa wakati uzinduzi jijini Dar es Salaam.

Mkurugenzi Mtendaji wa NIC Insurance Kaimu Mkeyenge akiwa katika picha ya pamoja na menejimenti  mara baada ya uzinduzi wa Kampeni ya NIC Kitaa iliyofanyika Makao jijini Dar es Salaam.

Mkurugenzi Mtendaji wa NIC Insurance Kaimu Mkeyenge akipeperusha bendera kuashiria  uzinduzi wa Kampeni ya NIC Kitaa iliyofanyika Makao Makuu jijini Dar es Salaam.

*Yazindua Kampeni ya NIC Kitaa ,wenye madai wafike katika kampeni kulipwa kiganjani mwao

Na Chalila Kibuda,Michuzi Blog

 

NIC Insurance imesema kuwa ina kazi na wajibu wa kutoa elimu ya uelewa bima nchini ikiwa utekelezaji maelekezo ya Serikali ya Awamu ya Sita ya Dkt.Samia Suluhu Hassan.

Akizungumza katika uzinduzi wa Kampeni ya NIC Kitaa Mkurugenzi Mtendaji wa NIC Insurance Kaimu Mkeyenge amesema kuwa kampeni hiyo itakwenda nchi nzima katika kutoa elimu ya uelewa wa bima.

Amesema kuwa takwimu ya wananchi wa Tanzania wenye uelewa wa kuhusu bima ni asilimia mbili hivyo kazi lengo ni kufikia asilimia tano.

Amesema NIC Kitaa amesema lengo ni kutoa elimu ya bima kwa watanzania waelewe faida na muhimu katika kulinda uwekezaji wa biashara na mali zao.

Amesema wanaingia msimu wa pili wa kampeni wa NIC Kitaa kusogeza huduma kwa wananchi na kuhakikisha elimu ya bima inawafikia wote na kutambua umuhimu wa bima.

"Uelewa wa bima bado uko chini sisi kama Taasisi kongwe yenye msuli mkubwa katika mtaji tunawajibu wa kusaidia serikali kwa sababu bima ni ukusanyaji wa fedha za wananchi ambao wanahisi wakipata majanga wasaidiwe na faida yake inaweza kusaidia uchumi ambao unawekezwa katika taasisi za fedha zikiwemo benki"amesema Mkeyenge

Amesema katika mikakati ya kutoa uelewa wa bima wanakwenda kuongeza mtaji kwenye soko hususan sekta ya bima.

Mkeyenge amesema kutoa elimu hiyo ni kuendeleza sera ya Rais Dk. Samia Suluhu Hassan ya bima kwa wote na kuhakikisha watanzania wote wanatumia bima.

Aidha aliongeza kuwa kuwa pamoja na kutoa elimu ya kampeni hiyo wataambatisha na kuandikisha bima kwa wateja wapya na kulipa madeni sio lazima waje ofisini wamewasogezea huduma haduma hapo.

Kampeni hiyo itafanyika nchi nzima kwa sasa wameanza na mikoa ya Dar es Salaam, Morogoro, Dodoma na Singida.

WAZIRI KIKWETE, KAMATI YA BUNGE USTAWI WA JAMII WATEMBELEA VIWANDA DAR, PWANI

Waziri wa Nchi Ofisi ya Waziri Mkuu-Kazi, Vijana, Ajira na Wenye Ulemavu, Ridhiwani Kikwete (Mb) ameongozana na  Kamati ya Bunge ya Ustawi na Maendeleo ya Jamii kutembelea Viwanda kukagua kazi ya kusimamia Usalama Mahala Pa Kazi katika Viwanda vya Elsewedy kilichopo Kigamboni,Dar Es Salaam na Knauf kilichopo Mkuranga, Pwani. Kamati ya Bunge imeridhishwa na kazi nzuri inayofanywa. #KaziInaendelea

BENKI YA DCB KUONGEZA MTAJI WA SH BILIONI 10.7

BENKI ya Biashara ya DCB, imezindua zoezi ya uuzaji wa Hisa za Upendeleo, ikitarajia kupata zaidi ya sh bilioni 10.7 ili kuongeza kiasi cha mtaji wake unaofikia sh bilioni 15 kwa sasa, ili pamoja na mambo mengine kukidhi vigezo vilivyowekwa na Benki Kuu ya Tanzania (BoT), pamoja na kuwaletea wanahisa wake na watanzania kwa ujumla tija za kiuchumi.

Akizungumza katika hafla ya uzinduzi rasmi wa uuzaji wa hisa hizo jijini Dar es Salaam leo, Mwenyekiti wa Bodi ya DCB, Bi. Zawadia Nanyaro alisema uamuzi huo unaenda sambamba na mikakati yao ya maendeleo ya miaka mitano katika kuongeza mtaji wake kutoka ulipo sasa hadi kufikia sh bilioni 61.

“Bodi ya Wakurugenzi ya DCB iliidhinisha mpango mkakati wa miaka mitano ukijikita kwenye mambo makuu Matano; Kwanza kukuza mtaji wa benki kutoka shs bilioni 15 (2024) hadi kufikia shs bilioni 61 ifikapo mwaka 2028, pili ukusanyaji wa amana nafuu za benki kupitia wanahisa wakuu na wateja wetu, tatu kuongeza wigo wa mikopo bora itakayotolewa kwa ufanisi na umahiri, nne utaoaji wa mikopo kwa wateja wadogo wadogo na wa kati ili kuendelea kutimiza lengo la kuanzishwa kwa benki yetu na tano, kuboresha njia za utoaji huduma na kuongeza bidhaa zinazotolewa kwa njia za kijiditali.

“Tukio la leo linaenda kuandika historia ya benki na kuanza kutimiza mkakati wa kwanza wa kuongeza mtaji wa benki, hivi sasa, mtaji wa benki uko kwenye kima cha chini kilichowekwa na Benki Kuu ya Tanzania, na ili kuweza kusimama imara kama benki, ongezeko la mtaji ni muhimu sana, benki inadhamiria kufanya biashara kubwa ambapo ili kufanikisha lengo hili, kuna ulazima wa kuongeza mtaji”, alisema Bi. Zawadia.

Mwenyekiti huyo aliongeza kuwa ili kuweza kuhakikisha mtaji wa benki unaendelea kukua mwaka hadi mwaka baada ya zoezi hili na pia kutumiza malengo ya benki, Bodi ya Wakurugenzi iliona ni muhimu kufanya mabadiliko machache ya kiutawala katika menejimenti ya benki yetu, na kumteu Ndugu Sabasaba Moshingi kama Mkurugenzi Mtendaji wa benki mwenye uzoefu wa zaidi ya miaka 20 katika tansia ya benki, huku mabadiliko mengine yakifanyika katika idara ya biashara, mikopo na uendeshaji na teknolojia, idara zote hizi kwa ujumla ni nguzo muhimu katika biashara ya benki.

Alisema uuzaji wa Hisa za upendelo unatarajia kuwaletea wanahisa na watanzania kwa ujumla tija za kiuchumi, baada ya kuongeza mtaji wa benki ambapo unalenga kukuza biashara na kuwapatia wafanyabiashara wadogo wadogo na wa kati mitaji ya kukuza biashara zao na upande mwingine umiliki wa hisa za benki ya DCB unaunga mkono juhudi zinazoendelea za serikali ya awamu ya sita chini ya uongozi shupavu wa Mheshimiwa Rais, Dkt. Samia Suluhu Hassan za kuwaletea watu wake maendeleo.

“Bodi ya DCB pamoja na Menejimenti ya benki ilipendekeza na kuidhinisha uuzaji wa Hisa za Upendeleo 97,646,913 zenye thamani ya shs 10,741,160,430 kwa bei ya punguzo ya shs 110 kwa kila hisa moja, kinyume na shs 160 iliyopo sokoni, ni matumaini yetu zoezi hii litapata muitikio mkubwa kutoka kwa wanahisa wetu, ambao wana imani na benki hii, bodi na menejimenti yake kwa ujumla.

“Benki imerahisisha ununuzi wa hisa kwa kuruhusu ununuzi kwa njia za kidigitali ili kuongeza wigo wa ushiriki wa wanahisa, natoa rai kwa wanahisa kuchangamkia fursa hii ya kununua hisa kwa njia za kidigitali, au kupitia mawakala wa Soko la Hisa la Dar es Salaam au kwa kufika kwenye matawi yetu ya benki”, aliongeza Bi. Nanyaro.

Akizungumza katika hafla hiyo, Mkurugenzi wa Usimamizi wa Masoko na Uchunguzi wa Mamlaka ya Masoko ya Mitaji na Dhamana (CMSA), Bw. Exaut Julius aliipongeza Benki ya DCB kwa uamuzi huo uliofanyika kwa weledi na ufanisi mkubwa na kupata idhini kutoka CMSA.

Akimwakilisha Ofisa Mtendaji Mkuu wa mamlaka hiyo, CPA Nicodemus Mkama, Bwana Julius alisema, serikali kupitia Mamlaka ya Masoko ya Mitaji na Dhamana ina jukumu la kuendeleza na kusimamia masoko ya mitaji hapa nchini, ikiwa ni pamoja na kuhakikisha kwamba shughuli katika masoko ya mitaji zinafanyika kwa kufuata sheria, taratibu na miongozo ili kuleta uwazi na haki kwa washiriki wote.

“Mamlaka ya Masoko ya Mitaji na Dhamana itaendelea kujenga mazingira wezeshi na shirikishi ili kuwezesha taasisi katika sekta ya umma na binafsi kutumia masoko ya mitaji kupata fedha za kutekeleza miradi na shughuli za maendeleo ikiwa ni pamoja na kuuza hisa kwa umma, hatifungani za miundombinu, hatifungani rafiki za mazingira, hatifungani za bluu, hatifungani za jamii na hatifungani za taasisi za serikali”, alisema Bw. Julius.

Awali akizungumza katika hafla hiyo, Mkurugenzi Mtendaji wa benki hiyo, Bw. Sabasaba Moshingi alisema, yeye pamoja na menejimenti yote ya DCB wamejipanga kuhakikisha hadi kufikia Mwaka 2028 wanaandika upya historia ya benki hiyo sambamba na mkakati wa miaka mitano wa maendeleo ya benki hiyo wa kuhakikisha benki inaendelea kukua na kupata faida.

Alisema kwa kuthibitisha hayo, benki hiyo imeweza kutengeneza faida katika robo ya pili na ya tatu huku ikiendelea kutoa huduma za kibenki bila kusahau jukumu la kuanzishwa kwake takribani miaka 22 iliyopita ikiweka mkazo mkubwa katika huduma zake za kidigitali ili kuhakikisha watanzania wengi wanafikiwa na huduma za kibenki.

“Tumejipanga kuhakikisha benki yetu inaendeleza maono ya kuanzishwa kwake ambayo ni kusaidia miradi ya kupunguza umasikini kwa kutoa mikopo ya mitaji kwa wajasiriamali wadogo na wa kati waliokosa huduma hizi kutokana na kutokidhi vigezo vya benki ya kibiashara za wakati ule.

“Uuzaji huu wa Hisa za Upendeleo ambao sasa benki yetu inafanya kwa mara ya nne kwa vipindi tofauti utasaidia kuongeza uwezo wa benki yetu katika kuwahudumia wateja wetu na ni imani yetu pia kuanzia mwakani wanahisa wetu wataweza kuanza kupata gawio hivyo tunaomba waendelee kutuunga mkono”, alisema.

Mkurugenzi wa Usimamizi wa Masoko na Uchunguzi wa Mamlaka ya Masoko ya Mitaji na Dhamana (CMSA), Bw. Exaut Julius (katikati), akikata utepe, kuashiria uzinduzi rasmi wa zoezi la uuzaji wa Hisa za Upendeleo za Benki ya Biashara ya DCB, jijini Dar es Salaam leo. Wa nne kushoto ni Mwenyekiti wa Bodi ya DCB, Bi. Zawadia Nanyaro na wa tatu kulia ni Mkurugenzi Mtendaji wa benki hiyo, Bw. Sabasaba Moshingi pamoja na wawakilishi wa taasisi nyingine waliohudhuria.

Mkurugenzi wa Usimamizi wa Masoko na Uchunguzi wa Mamlaka ya Masoko ya Mitaji na Dhamana (CMSA), Bw. Exaut Julius (katikati), Mwenyekiti wa Bodi ya DCB, Bi. Zawadia Nanyaro (wa nne kushoto), Mkurugenzi Mtendaji wa benki hiyo, Bw. Sabasaba Moshingi (wa tatu kulia), Ofisa Mtendaji Mkuu wa Soko la Hisa la Dar es Salaam (DSE), Bw. Peter Nalitolela, wakionesha kitabu chenye taarifa muhimu kuhusu Hisa wakati wa uzinduzi rasmi wa zoezi la uuzaji wa Hisa za Upendeleo za Benki ya DCB, jijini Dar es Salaam leo. Kulia ni  Mkurugenzi wa Idara ya Sheria wa DCB, Bi. Regina Mduma, pamoja na wawakilishi kutoka taasisi nyingine waliohudhuria hafla hiyo.

Mkurugenzi wa Biashara wa Benki ya DCB, Bw. Ramadhan Mganga, akizungumza katika hafla hiyo, jijini Dar es Salaam leo.

Mwenyekiti wa Bodi ya Wakurugenzi ya Benki ya DCB, Bi. Zawadia Nanyaro, akizungumza katika hafla ya uzinduzi wa Hisa za Upendeleo za benki hiyo, jijini Dar es Salaam leo. Alisema Bodi na  Menejimenti ya benki ilipendekeza na kuidhinisha uuzaji wa Hisa za Upendeleo  97,646,913 zenye thamani ya shs 10,741,160,430 kwa bei ya punguzo ya shs 110 kwa kila hisa moja. Huku bei ya soko ikiwa shs 160. 

NMB watoa msaada wa vifaa tiba hospitali ya Jeshi Arusha

 Na PamelaMollel,Arusha

Benki ya NMB imetoa msaada wa vifaa tiba kwa hospitali ya Jeshi la wananchi Kanda ya Arusha iliyoko Monduli Mkoani Arusha vyenye thamani ya Sh 3.1 milioni.

Vifaa hivyo ni pamoja na stendi za dripu, vitanda pamoja na magodoro kwa ajili ya kusaidia wananchi mbalimbali wanaofika katika hospitali hiyo kupata huduma bora kwa urahisi zaidi.

Akizungumza wakati wa kukabidhi vifaa hivyo, Meneja wa NMB Kanda ya Kaskazini, Baraka Ladislaus amesema kuwa taasisi hiyo imetenga zaidi ya Sh 5.4 milioni kwa mwaka 2024 kwa ajili ya kuchangia huduma mbalimbali nchini katika sekta ya Elimu, Afya, mazingira na majanga.

“Leo tumekuja kutoa vifaa hivi ajili ya kurahisisha huduma kufanyika katika hospitali hii tukitambua umuhimu wa afya bora kama moja ya kipaumbele chetu kwa maendeleo ya Taifa lolote duniani” amesema Baraka.

Amesema Serikali imekuwa ikifanya kwa nafasi kubwa katika kuhakikisha huduma za afya zinapatikana kwa wakati na kwa ukaribu hivyo wao kama wadau wa maendeleo wana jukumu la kusaidia kuhakikisha mazingira na miundo mbinu yote ya afya yanapatikana.

“Leo tunagawa vifaa hivi kama sehemu ya kutoa shukrani kwa wananchi wanaotuunga mkono kwa kufanya kazi na kufungua akauti zao kupitia benki yetu ambapo tumetenga asimilia moja ya faida kuhakikisha inawarudia wananchi katika huduma mbalimbali”

Amesema katika kuzidi kusogeza huduma kwa wateja, wamefanikiwa kufungua matawi zaidi ya 234 na kusambaza mashine zaidi ya 700 lakini pia wana mawakala zaidi ya 44,000 nchi nzima ili kutekeleza kauli ya ‘NMB Karibu yako’”Amesema.

“Pia tumeendelea kutoa masuluhisho mbalimbali ya kifedha ikiwemo mikopo ya makundi mbalimbali lakini pia kubuni na kuzindua huduma mbalimbali za kidigitali kusaidia kurahisisha huduma kwa wateja, hivyo tunawakaribisha pia wateja kutoka hapa jeshini kuja kufungua akaunti zenu na kuwa sehemu ya mafanikio haya ya huduma kwa jamii” alisema Baraka.

Akipokea vifaa hivyo, Kamanda wa kikosi, hospitali ya Jeshi Kanda ya Arusha, Luteni Kanali Jichola Jilya Masanja ameshukuru kwa msaada huo kutoka NMB na kusema hayo ni matokeo ya ushirikiano kati ya jeshi na taasisi hiyo ya kifedha.

“Kutupatia vitanda, magodoro, na stendi za dripu zitasaidia watanzania wote wanaohudumiwa hapa kupanua wigo wa huduma na sisi kama wadau tunaahidi kutunza vifaa hivi kwa manufaa ya wengi zaidi na tuaomba mashirikiano yaendelee sio Arusha tu na maeneo mengine wafaidike” amesema Mkuu huyo.

RAIS SAMIA AKUTANA NA KUFANYA MAZUNGUMZO NA KATIBU MKUU WA JUMUIYA YA AFRIKA MASHARIKI

 

Rais wa Jamhuri ya Muungano wa Tanzania, Mhe. Dkt. Samia Suluhu Hassan amekutana na kufanya mazungumzo  na Katibu  Mkuu wa Jumuiya ya Afrika  Mashariki, Bi. Veronika Mueni Nduva, alipofika Ikulu, Jijini Dar es Salaam leo tarehe 11 Novemba, 2024 ikiwa ni mara ya kwanza kukutana nae tangu Katibu Mkuu huyo aliposhika nafasi hiyo  mwezi Juni, 2024.

WAZIRI JAFO AWAKARIBISHA WAFANYABIASHARA KUJA KUJENGA VIWANDA TANZANIA

 

Waziri wa Viwanda na Biashara Mhe Dkt. Selemani Jafo (Mb) akiwa na Katibu Mkuu wa Wizara ya Viwanda na Biashara Dkt. Hashil Abdallah, Katibu Mkuu wa Wizara ya Biashara na Maendeleo ya Viwanda – Zanzibar, Bi Fatma Mabrouk Khamisa, Naibu Katibu Mkuu Wizara ya Fedha na Mipango – Hazina Bi Jenifa Christian Omolo na ujumbe wa Tanzania wakijadiliana na Uongozi wa Kongani ya Viwanda ya Mashariki iliyopo Addis Ababa, Ethiopia, kuhusu fursa za ufanyaji biashara zilizopo Tanzania.

Na.Mwandishi Wetu-ETHIOPIA

Waziri wa Viwanda na Biashara Mhe Dkt. Selemani Jafo (Mb) amesema Serikali ya Tanzania inaendelea kuweka Mazingira bora na wezeshi yanayovutia wafanyabiashara kuja kuwekeza nchini hususani katika kuanzisha viwanda ili kutiumiza dhamira ya Serikali ya Awamu ya Sita inayolenga kujenga uchumi shindani na jumuishi wa viwand kwa lengo la kuongeza ajira na pato la Taifa .

Waziri jafo ameeasema hayo Novemba alipotembelea na kuzungumza na uongozi wa Kongani ya Viwanda ya Mashariki (Eastern Industry Park) iliyopo Addis Ababa, Ethiopia yenye jumla ya viwanda takribani 257 ikiwemo viwanda vya chuma, nguo, na dawa na yenye nia ya kuja kuwekeza Tanzania kwa kujenga Kongani kubwa ya Viwanda.

Waziri Jafo akiwa ameambatana na ujumbe wa Tanzania ukiongozwa na Katibu Mkuu wa Wizara ya Viwanda na Biashara, Katibu Mkuu wa Wizara ya Biashara na Maendeleo ya Viwanda – Zanzibar, Naibu Katibu Mkuu Wizara ya Fedha na Mipango – Hazina, Balozi wa Tanzania Nchini Ethiopia pamoja na wataalamu kwa ajili ya kushiriki Mkutano wa 15 wa Baraza la Mawaziri wa Biashara katika Eneo Huru la Biashara Afrika (AfCFTA) utakaofanyika Novemba 9-10, 2024, mjini humo ameikaribisha kampuni hiyo na kuahidi kuwa Wizara yake kwa kushirikiana na Taasisi husika itaipa ushirikiano wa katika kuanzisha kongani hiyo.

Naye Mkurugenzi Mwendeshaji wa Kongani ya Viwanda ya Mashariki (Eastern Industry Park) Bi Ma Futao amesema Kampuni yake iko tayari kuwekeza Tanzania kwa kuwa mazingira ya ufanyaji biashara yanavutia ikiwemo Sera nzuri za biashara, bandari na miundombinu ya barabara na reli ya kisasa inayoinganisha na nchi jirani zisizo na bahari

Naye Balozi wa Tanzania Nchini Ethiopia Mhe. Innocent Shiyo amebainisha kuwa Kongani ya Viwanda ya Eastern ikijengwa Tanzania itaongeza ajira hususani kwa makundi maalum kama wananwake na vijana, pato la Taifa na hatimaye kukuza biashara na uchumi kwa ujumla.

Waziri wa Viwanda na Biashara Mhe Dkt. Selemani Jafo (Mb) wakipeana mkono wa heri na Mmiki wa Kongani ya Viwanda ya Mashariki iliyopo Addis Ababa, Ethiopia Bw Bw.Lu Qixin mwenye nia ya kuwekeza Tanzania baada ya kutembelea Kongani hiyo ambapo amemkaribisha mwekezaji huyo kuja kuwekeza nchini ili kuongeza ujenzi wa Viwanda ambavyo vitatoa ajira nyingi kwa watanzania na kujenga uchumi wa nchi.

Waziri wa Viwanda na Biashara Mhe Dkt. Selemani Jafo (Mb) akiwa na Katibu Mkuu wa Wizara ya Viwanda na Biashara Dkt. Hashil Abdallah, Katibu Mkuu wa Wizara ya Biashara na Maendeleo ya Viwanda – Zanzibar, Bi Fatma Mabrouk Khamisa, Naibu Katibu Mkuu Wizara ya Fedha na Mipango – Hazina Bi Jenifa Christian Omolo na ujumbe wa Tanzania wakitembelea viwanda katika Kongani ya Eastern Industry iliyopo Addis Ababa, Ethiopia kujionea shughuli za uzalishaji kwa Mwekezajih uyo mwenye nia ya kuwekeza Tanzania.

Waziri wa Viwanda na Biashara Mhe Dkt. Selemani Jafo (Mb) akiwa na Katibu Mkuu wa Wizara ya Viwanda na Biashara Dkt. Hashil Abdallah, Katibu Mkuu wa Wizara ya Biashara na Maendeleo ya Viwanda – Zanzibar, Bi Fatma Mabrouk Khamisa, Naibu Katibu Mkuu Wizara ya Fedha na Mipango – Hazina Bi Jenifa Christian Omolo na ujumbe wa Tanzania wakijadiliana na Uongozi wa Kongani ya Viwanda ya Mashariki iliyopo Addis Ababa, Ethiopia, kuhusu fursa za ufanyaji biashara zilizopo Tanzania.

Katibu Mkuu wa Wizara ya Viwanda na Biashara Dkt. Hashil Abdallah akiwa na Balozi wa Tanzania Nchini Ethiopia Mhe. Innocent Shiyo amekutana na kuzungumza na Mkurugenzi Mwenza wa Kampuni ya Tirita General Trading ya Djibouti Bw. Abiy Araya kuhusu fursa za ufanyaji biashara Tanzania katika Ofisi za Ubalozi wa Tanzania Addis Ababa, Ethiopia ambapo Dkt. Abdallah amemukaribisha Mfanyabiashara huyo kuja kuwekeza na kufanya biashara nchini.

Ujumbe Unaosambaa juu ya M-Koba ni UZUSHI na UONGO

 Vodacom Tanzania na Benki ya TCB wameujulisha umma na wateja wao kwamba ujumbe wa hivi karibuni kwenye mitandao ya kijamii unaodai kwamba huduma ya M-Koba inakaribia kufungiwa kutokana na madai ya madeni yasiolipwa kwa Serikali ni wa uongo na uzushi unaokusudia kuleta taharuki kwenye jamii.

Katika taarifa iliyotolewa kwa vyombo vya habari Vodacom na Benki ya TCB wawahakikishia wateja wao wote wa M-Koba kwamba akaunti zao ziko salama na zinafanya kazi kama kawaida.

Vodacom na Benki ya TCB pia wamewahakikishia wateja wa M-Koba kwamba usalama wa wateja na usalama wa akaunti zao ni kipaumbele chake cha juu na wanatumia njia madhubuti za kulinda faragha ya wateja na kudumisha uaminifu wa huduma zao za kifedha

Umma unashauriwa kupuuza habari za uongo na kutegemea njia rasmi za Vodacom kwa taarifa za uhakika. Vodacom pia inafanya kazi kwa karibu na mamlaka husika ili kubaini chanzo cha habari hizi za uongo na kuchukua hatua zinazostahili.

Huduma ya M-Koba inaletwa na Vodacom Tanzania kwa kushirikiana na Benki ya TCB chini ya usimamizi wa Benki kuu ya Tanzania (BOT).

KATIBU MKUU LUHEMEJA AKISHIRIKI MKUTANO WA COP29

Katibu Mkuu Ofisi ya Makamu wa Rais Mhandisi Cyprian Luhemeja (kulia) akizungumza na baadhi ya wadau mara baada ya ufunguzi rasmi wa 29 wa Nchi wa Wananchama wa Mkataba wa Mabadiliko ya Tabianchi (COP29) katika Ukumbi wa Nizami uliopo katika viwanja vya Olympus Park, mjini Baku Jamhuri ya Azerbaijan, uliofunguliwa leo Novemba 11, 2024 na kutarajiwa kuhitimishwa Novemba 22, 2024. Kushoto ni akiwa Mkurugenzi Msaidizi wa Mabadiliko ya Tabianchi na Tathimini Ofisi ya Makamu wa Rais Dkt. Kanizio Manyika.

BENKI YA STANBIC TANZANIA KUKABIDHI MADAWATI 100 NA MICHE 200 YA MTI KWA SHULE ZA MKOA WA MBEYA

Benki ya Stanbic imekabidhi madawati 100 kwa shule ya sekondari ya wasichana Tulia na kwa shule ya sekondari ya Nsalaga.

· Sherehe ya makabidhiano ilifanyika katika shule ya sekodari ya wasichana Tulia na shule ya sekondari ya Nsalaga.

· Miche 200 ya miti, ikijumuisha ya kivuli na ya matunda imekabidhiwa kwa lengo la kuhamasisha uhifadhi wa mazingira

Stanbic Bank Tanzania inaendelea kuwekeza katika elimu na uhifadhi wa mazingira kwa kutoa madawati 100 na miche 200 ya miti kwa shule za mkoa wa Mbeya. Madawati hayo yatagawanywa kati ya Shule ya Sekondari ya Wasichana Tulia na Shule ya Sekondari ya Nsalaga, na sherehe ya makabidhiano imefanyika katika Shule ya Sekondari ya Wasichana Tulia.

Hatua hii inaonyesha dhamira ya Stanbic Bank ya kusaidia elimu na kuhamasisha uelewa wa uhifadhi wa mazingira nchini Tanzania. Mheshimiwa Beno Malisa, Mkuu wa Wilaya ya Mbeya Mjini, aliongoza sherehe hizo, akiishukuru Stanbic kwa jitihada zake za kuinua jamii kupitia mipango ya Uwajibikaji wa Kijamii (CSR).

Mheshimiwa Malisa alitoa shukrani zake akisema, “Sisi kama serikali tunatambua mchango mkubwa wa Stanbic Bank kama mshirika muhimu katika kuunga mkono elimu. Pamoja na kutoa rasilimali muhimu kama madawati na miche ya miti, tunatambua pia uhitaji wa vifaa vya kidijitali kama vile kompyuta. Vifaa hivi ni muhimu katika kuwawezesha walimu na wanafunzi kuunganishwa na dunia na kuendana na maendeleo ya teknolojia, hivyo kuwaandaa kwa mazingira ya kisasa na ushindani.”

Akizungumza katika tukio hilo, Paul Mwambashi, Meneja wa Tawi la Stanbic Bank Mbeya, alisisitiza kujitolea kwa benki hiyo katika maendeleo ya jamii. “Katika Stanbic Bank, tunaamini katika kusaidia jamii tunazozihudumia, na tunajivunia kutoa rasilimali zinazochangia mazingira bora ya kujifunza na ya kijani kibichi,” alisema. “Msaada huu ni sehemu ya dhamira yetu ya kuleta athari chanya na yenye kugusa maisha.”

Msaada huo unajumuisha mchanganyiko wa miche ya matunda na miti ya kivuli, ikilenga kuunda utamaduni wa kuhifadhi mazingira miongoni mwa wanafunzi na jamii nzima. Kupitia mipango kama hii, Stanbic Bank inajitahidi kukuza maendeleo endelevu na kuchangia ustawi wa vizazi vijavyo vya Tanzania.

Hadi sasa, uwekezaji wa Stanbic Bank katika miradi ya maendeleo ya jamii umefikia TZS milioni 312, ukiathiri zaidi ya watu 104,660 nchini Tanzania. Madawati yanayotolewa yamezalishwa ndani ya mkoa wa Mbeya, ikionesha dhamira ya benki ya kusaidia biashara za ndani na kukuza uchumi wa ndani wa jamii. Kupitia mipango hii, Stanbic Bank haiungi mkono tu elimu, bali pia inachangia ustawi wa biashara za ndani.

Shughuli za CSI za benki hiyo zinajikita katika maeneo muhimu kama elimu, afya, uhifadhi wa mazingira, na maendeleo ya jamii. Stanbic Bank inabaki na dhamira ya kufanya michango yenye athari kubwa kwa ajili ya kuinua jamii na kukuza maendeleo endelevu nchini Tanzania.

Mkuu wa Wilaya ya Mbeya, Mheshimiwa Beno Malisa (aliyevaa skafu), akiungana na wanafunzi wa Shule ya Sekondari ya Wasichana ya Tulia kupokea msaada wa madawati 100 kutoka kwa Mkuu wa Kitengo cha Huduma za Kibenki kwa Wateja Binafsi na Mauzo kwa Wateja, Emmanuel Mahodonga, (watatu kutoka kulia), na Meneja wa Tawi la Mbeya, Paul Mwambashi, (wa pili kutoka kulia), pamoja na wawakilishi wengine wa benki hiyo. Madawati hayo, yaliyolenga kuboresha miundombinu ya elimu, yamegawiwa kwa usawa kati ya Shule ya Sekondari ya Wasichana ya Tulia na Shule ya Sekondari ya Nsalaga, ambapo kila shule imepokea madawati 50. Juhudi hii inaonesha dhamira ya Benki ya Stanbic katika kuunga mkono elimu na kuiwezesha jamii katika Mkoa wa Mbeya. Hafla ya makabidhiano ilifanyika Jumatano mkoani Mbeya.

Mkuu wa Wilaya ya Mbeya Mheshimiwa Beno Malisa (mwenye skafu)pamoja na wanajamii, wakipanda mti kama sehemu ya hafla ya kukabidhi madawati iliyofanyika katika Shule ya Sekondari ya Wasichana ya Tulia mkoani Mbeya. Zoezi la upandaji miti lilifuatia baada kukabidhi madawati 100 na miche 200 ya miti kutoka Benki ya Stanbic Tanzania kama sehemu ya Uwekezaji wake wa Kijamii. 

Madawati na miche ya miti viligawanywa kwa usawa kati ya Shule ya Sekondari ya Wasichana ya Tulia na Shule ya Sekondari ya Nsalaga. Juhudi hii inahamasisha uhifadhi wa mazingira endelevu, ikisisitiza kujitolea kwa pamoja kuunda mustakabali wa kijani na kuongeza uelewa kuhusu kulinda rasilimali za asili kwa manufaa ya vizazi vijavyo. Tukio hili lilifanyika Jumatano mkoani Mbeya, likishuhudiwa na Mkuu wa Kitengo cha Huduma za Kibenki kwa Wateja Binafsi na Mauzo Kwa Wateja Emmanuel Mahodonga, Meneja wa tawi la Mbeya Paul Mwambashi.

Vodacom Tanzania, Soko la Hisa la Dar es Salaam kuwawezesha Watanzania kiuchumi, wazindua DSE Mini App ndani ya M-Pesa Super App

 Vodacom Tanzania Plc imetangaza rasmi kuingia katika ushirikiano wa kidijitali na Soko la Hisa la Dar es Salaam (DSE), kwa kuzindua programu ya DSE Mini App kupitia M-Pesa Super App ya Vodacom.

Ushirikiano huu wa kimapinduzi unalenga kuleta mabadiliko katika upatikanaji wa masoko ya mitaji nchini Tanzania kwa kuwawezesha wawekezaji kununua, kuuza, na kusimamia uwekezaji wao katika his ana dhamana nyinginezo moja kwa moja kupitia simu zao za mkononi.

Programu hii ya DSE Mini App inatoa njia ya kibunifu inayowawezesha Watanzania kushiriki kwenye masoko ya kifedha, ikiwa ni sehemu ya kukuza ushirikishwaji wa kifedha na kuwawezesha wananchi kiuchumi.

DSE Mini App, iliyounganishwa kwenye M-Pesa Super App, inawawezesha watumiaji kufungua akaunti za uwekezaji, kununua na kuuza hisa na dhamana nyingine moja kwa moja kwenye Soko la Hisa la Dar es Salaam, kupata taarifa kwa haraka kuhusu mwenendo wa soko, na kupokea huduma za ushauri kutoka kwa madalali.

Programu hii pia inaonesha hali halisi na uwezo wa mwekezaji kwenye orodha yake ya uwekezaji na msaada wa huduma kwa wateja kutoka Vodacom kwa saa 24. Ushirikiano huu kati ya Vodacom Tanzania na Soko la Hisa la Dar es Salaam unaonesha jinsi teknolojia inavyoweza kuziba mapengo, na kufanya masoko ya kifedha kuwa shirikishi zaidi, yenye uwazi na yanayofikiwa na Watanzania wote."

Akizungumza wakati wa uzinduzi huo, Mkurugenzi wa M-Pesa Vodacom Tanzania, Epimack Mbeteni, alisema, "kwa kuunganishwa na DSE Mini App kwenye M-Pesa Super App, tunafanya masoko ya mitaji kuwa rahisi kufikiwa na Watanzania wote. Ushirikiano huu unaendana na lengo letu la kupanua ushirikishwaji wa kifedha kwa kutoa huduma za kidigitali zenye ubunifu zinazowawezesha wateja kuwekeza kwa urahisi na kukuza uchumi wao."

Programu ya DSE Mini App inawapa wawekezaji fursa muhimu kama vile uwezo wa kufungua akaunti za uwekezaji, kununua na kuuza his ana dhamana nyingine, kupata taarifa kuhusu kampuni zilizoorodheshwa, na kupata taarifa kwa haraka kuhusu mwenendo wa soko. Ushirikiano huu unatoa nafasi ya moja kwa moja kwa Watanzania kushiriki kwa urahisi na salama katika shughuli za masoko ya mitaji.

Kwa upande wake, Mkurugenzi wa Soko la Hisa la Dar es salaam Peter Nalitolela, alisema, “Ushirikiano huu kati ya Soko la Hisa la Dar es Salaam (DSE) na Vodacom M-Pesa ni uthibitisho wa nia ya dhati toka taasisi zote mbili ya kukuza ujumuishwaji wa wananchi katika huduma za kifedha.

DSE inategemea kutumia App ndogo ya DSE iliyopo katika M-Pesa kufikia uma wa Watanzania na kuwapa njia ya rahisi ya Watanzania wote kununua na kuuza his ana dhamana nyingine kwa urahisi popote pale walipo; hata majumbani mwao. Hii itawawezesha kukuza uwekezaji wao kwa manufaa yao binafsi nay a wale wawapendao”.

Ushirikiano kati ya Vodacom na DSE haujalenga tu kutoa ufikiwaji wa masoko ya mitaji ya Tanzania bali pia kuongeza uelewa na ushiriki kwenye soko la hisa. Programu ya DSE Mini App inarahisisha mchakato wa uwekezaji na inawapa watumiaji zana wanazohitaji ili kufanya maamuzi sahihi ya uwekezaji.

Mkurugenzi wa M-Pesa kutoka Vodacom Plc, Epimack Mbeteni (wa nne kutoka kushoto) akimpa mkono Afisa Mtendaji Mkuu wa Soko la Hisa la Dar es Salaam (DSE), Peter Nalitolela baada ya kuingia katika ushirikiano wa kidijitali kwa kuzindua programu ya DSE Mini App katika M-Pesa Super App hivi karibuni jijini Dar es Salaam. DSE Mini App hii inawapa fursa wawekezaji kufungua akaunti za uwekezaji, kuuza na kununua hisa kwa njia rahisi na salama kupitia simu za mkononi.