Dereva wa daladala apiga mwanafunzi, azirai

KATIKA hali isiyo ya kawaida mwanafunzi wa shule ya Sekondari Kisutu, Pili Jackson (17), jana majira ya asubuhi alijikuta akipata kipigo kutoka kwa dereva wa daladala, Michael Hassan (40) linalofanya safari zake Gongolamboto hadi Kivukoni, hali iliyomfanya azirai.

Dereva huo anayeendesha basi hilo lenye namba T156 ADV aina ya Toyota DCM, alijichukulia sheria mkono majira ya saa mbili asubuhi baada ya kutokea majibizano kati yake na dereva wakigombea kukaa eneo la mbele karibu na dereva ambapo hakukuwa na siti zaidi ya benchi dogo.

Mwanafunzi huyo alizimia kutokana na kipigo kilichomsababishia kudondokea siti moja wapo ndani ya gari hilo.

Kamanda wa Polisi Kanda Maalumu ya Dar es Salaam, Suleiman Kova, akielezea tukio hilo alisema lilitokea jana majira ya saa mbili asubuhi maeneo ya Ukonga Mombasa, baada ya mwanafunzi huyo kupanda katika daladala hilo baada ya kuzuiwa na kondakta, hali iliyosababisha majibizano kati yao habari na Festo Polea.

Barabara ya Mandela

Fundi wa shirika la umeme nchini (TANESCO) Josiah James akichimba shmo jipya la kuweka nguzo ili kupisha upanuzi wa barabara ya Mandela jijini Dar es Salaam hivi karibuni hakika mkandarasi aliyekabidhiwa barabara hii anaonekana ni mtaalamu wa kujenga mitaro, maana wameanza na mitaro kibaooo.Picha na Zacharia Osanga

Watoto shuleni

Maisha ya skuli si mchezo kuna milima na mabonde, kuna miteremko vile vile hebu cheki hivi vijamaa vimejificha sijui vinaogopa nini, bila shaka vimetoroka kabla ya kuruhusiwa na mwalimu

Usafiri Dar

Hebu cheki Dar es salaam kila mtu yuko bize, kila mtu na jambo lake kila mtu anatafuta pesa, hata hivyo wapo baadhi wanafuatilia mambo ya watu, hapa ni kati kati ya jiji kila mtu anahangaikia usafiri sijui mwenzangu msomaji una maoni gani

MWANANCHI COMMUNICATIONS YAZINDUA SURA MPYA YA GAZETI LA MWANANCHI KWA MBWEMBWE

Furaha, tabasamu na vigelegele vilitawala ofisi za Mwananchi Communications Limited (MCL) baada ya wafanyakazi wa kampuni hiyo kushuhudia uzinduzi rasmi wa sura mpya ya gazeti lao maarufu – Mwananchi.

Katika tukio lililojaa hamasa na uzalendo wa kitaaluma, baadhi ya wafanyakazi walionekana wakigongeana glasi kwa bashasha kama ishara ya kusherehekea mafanikio hayo makubwa ya kimkakati. Tukio hilo liliambatana na furaha ya mafanikio, ubunifu, na dhamira ya kampuni hiyo kuendelea kuwa kioo cha jamii na kinara wa habari za kuaminika nchini.

Sura mpya ya gazeti la Mwananchi inatajwa kuwa ya kisasa zaidi, yenye mvuto wa kimtazamo na urahisi wa kusoma, ikilenga kukidhi mahitaji ya wasomaji wa leo katika enzi ya kidijitali na ushindani mkubwa wa habari.

Katika picha iliyopigwa na Fidelis Felix, wafanyakazi hao walionekana wakiwa na nyuso za furaha – ushahidi tosha wa ari mpya ndani ya taasisi hiyo kongwe ya habari nchini Tanzania.

msiba wa Kapteni Mazula

MAELFU ya waombolezaji katikati ya wiki hii walijitokeza kwa wingi katika kanisa la katoliki usharika wa St Martha mikocheni kuusindikiza mwili wa marehemu Kapt George Mazula

Miongoni mwa sifa za Marehemu Kapt Mazula ni kutumia muda wa masaa 17,640 kuruka na ndege angani wakati wote wa uhahi wake alioishi hapa duniani.

Mbali na kukumbukwa katika mengi lakini pia Kapt Mazula atakumbukwa kwa tija na ufanisi katika kazi huku akiweka mbele masilahi ya taifa kuliko kutafuta faida zake binafsi.

Katika uhai wake aliweza kutumia masaa 3,300 kuendesha ndege ndogo yenye uwezo wa kubeba watu 19,masaa 7,340 watu wasiozidi 50 na zaidi ya masaa 7,000 ndege za B737.

Marehemu Kapt Mazula alipata matatizo ya mgongo ambayao yalisababisha apelekwe India kwa matibabu ,mnamo julai 8 mwaka huu aliweza kufanyiwa upasuaji na kupata nafuu jambo lililopelekea aweze kurudishwa nchini julai 20.

Hali yake iliendelea vizuri hadi julai 30 mwaka huu alipoanza kupata mtatizo ya pumu kabla ya roho yake kutwaliwa agosti mosi majira ya saa nne asubuhi akiwa nyumbani kwake.

Marehemu Kapt Mazula amewaacha watoto wake wawili Brayan Mazula na George -Junior mazula wanaoishi nchini marekani pamoja na mke wake Hariety Mazula.

Akisoma wasifu wa marehemu Kapt Mazula mtoto wake Georgejunior anasema marehemu alizaliwa mwaka 1949 katika eneo la bwiru mkoani Mwanza,yeye akiwa ni mtoto wa nne kuzaliwa kutoka kwa wazazi wake Arbogasti na Maria Mazula.

Anasema alisoma katika shule ya msingi Tabora, kabla ya kuhamia shule ya Kangululi wilayani ukerewe mkoani mwanza.

anasema katika masomo yake ya sekondari Marehemu Mazula alisoma katika shule ya musoma collegge na baadaye mwaka 1970 alijiunga na shule ya sekondari ya Aga Khan Boys kwa masomo ya kidato cha tano na sita.

Georgemazula anasema mwaka 1973 Kapt Mazula alijiunga na benki ya taifa ya biashara alikofanya kazi kabla ya kujiunga na chuo cha urubani Saroti kilichopo nchini Uganda. Habari hii ya Peter Edson na picha zote ni za Perez Mwangoka wa Mwananchi.

Paschal Mayalla apata ajali

Pascal Mayalla akiwa katika chumba cha wagonjwa Daraja la kwanza katika hospitali ya mkoa wa Dodoma ambako amelazwa kwa matibabu baada ya kupata ajali ya pikipiki juzi jioni katikati ya Ihumwa na Nzuguni nje kidogo ya mji katika barabara ya iendayo Morogoro. Kwa mujibu wa maelezo yake, amevunjika mkono wa kushoto ambao hauna mawasiliano na mwili uliosababishwa na kushituka kwa uti wa mgongo. Hata hivyo amepewa rufaa katika hospitali ya Taifa Muhimbili jijini Dar es Salaam ambapo atapelekwa leo kwa matibabu zaidi. Picha na Jube Tranquilino.