RAIS SAMIA AZINDUA TUME YA UCHUNGUZI KWA AJILI YA KUIMARISHA AMANI, HAKI NA UWAJIBIKAJI

 Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye picha na Wajumbe wa Tume ya Rais ya Uchunguzi wa Wahusika wa Ghasia na Ukiukwaji wa Sheria katika Matukio ya Ghasia wakati na baada ya Uchaguzi Mkuu wa Oktoba, 2025 mara baada ya uzinduzi wa Tume hiyo, Ikulu, Jijini Dar es Salaam, tarehe 07 Agosti, 2026.

Rais wa Jamhuri ya Muungano wa Tanzania, Mhe. Dkt. Samia Suluhu Hassan, tarehe 07 Agosti, 2026 amezindua rasmi Tume ya Rais ya Uchunguzi wa matukio ya ghasia na ukiukwaji wa sheria yaliyojitokeza wakati na baada ya Uchaguzi Mkuu wa Oktoba, 2025.

Uzinduzi huo umefanyika Ikulu jijini Dar es Salaam na kuhudhuriwa na Wajumbe wa Tume hiyo, ambao baada ya hafla walipata picha ya pamoja na Rais Samia.

Tume imepewa jukumu la kuchunguza kwa kina mazingira, matukio na wahusika wanaohusishwa na ghasia pamoja na ukiukwaji wa sheria katika kipindi hicho.

Uchunguzi huo unatarajiwa kusaidia kuweka uelewa mpana wa matukio yaliyotokea na kutoa msingi wa hatua na maamuzi yatakayochukuliwa kwa mujibu wa sheria, ikiwa ni sehemu ya kuimarisha amani, haki na uwajibikaji nchini.