Mzee wa Mshitu

JK awakubalia CUF kuonana naye sheria ya katiba

2011-11-30T16:30:00.001+03:00

Ofisi ya Rais, Ikulu, imepokea barua kutoka Chama cha Wananchi (CUF) kikiomba kukutana na kufanya mazungumzo na Mheshimiwa Rais wa Jamhuri ya Muungano wa Tanzania, Mheshimiwa Jakaya Mrisho Kikwete.

Mheshimiwa Rais amekubali ombi hilo la CUF na ameelekeza maandalizi ya mkutano huo yafanyike mara moja.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

NMB yazindua Kituo cha Biashara Arusha

2011-11-28T12:14:00.001+03:00

Kaimu Mkuu wa Mkoa wa Arusha ambaye pia ni Mkuu wa Wilaya ya Arumeru, Mercy Sila, akizindua rasmi Kituo cha Biashara kwa wafanya biashara wadogo, wakati na wakubwa wa Benki ya NMB mkoani Arusha jana. Wengine wanaoshuhudia kutoka kushoto ni CEO wa NMB, Mark Wiessing, Mwenyekiti wa Bodi ya Benki ya NMB, Misheck Ngatunga na Mbunge wa Arusha Mjini Godbless Lema. (Picha na Mpigapicha wetu).

Kaimu Mkuu wa Mkoa wa Arusha ambaye pia ni Mkuu wa Wilaya ya Arumeru, Mercy Sila, akipeana mkono wa shukrani na CEO wa Benki ya NMB, Mark Wiessing (kulia) na Mwenyekiti wa Bodi ya Benki ya NMB, Misheck Ngatunga baada ya kuzindua rasmi Kituo cha Biashara kwa wafanya biashara wadogo, wakati na wakubwa wa Benki ya NMB mkoani Arusha jana. Kushoto ni Mbunge wa Arusha Mjini Godbless Lema. (Picha na Mpigapicha wetu).

Kaimu Mkuu wa Mkoa wa Arusha ambaye pia ni Mkuu wa Wilaya ya Arumeru, Mercy Sila, akifurahi baada ya kuzindua rasmi Kituo cha Biashara kwa wafanya biashara wadogo, wakati na wakubwa wa Benki ya NMB mkoani Arusha jana. Wengine wanaoshuhudia kutoka kulia ni CEO wa Benki ya NMB, Mark Wiessing, Mwenyekiti wa Bodi ya Benki ya NMB, Misheck Ngatunga na kushoto ni Mbunge wa Arusha Mjini Godbless Lema. (Picha na Mpigapicha wetu)

Kaimu Mkuu wa Mkoa wa Arusha ambaye pia ni Mkuu wa Wilaya ya Arumeru, Mercy Sila, akisoma kibao cha uzinduzi mara baada ya kuzindua rasmi Kituo cha Biashara kwa wafanya biashara wadogo, wakati na wakubwa wa Benki ya NMB mkoani Arusha jana. Wengine wanaoshuhudia kutoka kulia ni CEO wa Benki ya NMB, Mark Wiessing, Mwenyekiti wa Bodi ya Benki ya NMB, Misheck Ngatunga na kushoto ni Mbunge wa Arusha Mjini Godbless Lema. (Picha na Mpigapicha wetu).

Tamasha la Str8t Music lafana Dar

2011-11-28T09:29:00.003+03:00

Fabolous akifanya makamuzi

Sehemu ya nyomi iliyohudhuria

Naseeb Abdul ‘Diamond’ akiwajibika. Picha zote ni za Venance Nestory wa Mwananchi.

TAMASHA la Str8Muzik Festival Inter-College Special 2011 la vyuo kwa mwaka 2011 lililofanyika katika viwanja vya Leaders Club, Dar es Salaam, Jumamosi na kuhudhuriwa na maelfu ya watu, limefana vilivyo.

Kwa muda wa saa tano, tamasha hilo lilipambwa na nyota wa Hip Hop wa Marekani, Fabulous aliyewarusha vijana wa kike na kiume wanaopenda burudani kadri muda ulivyoyoyoma.

Kundi la kwanza kutumbuza kwenye tamasha hilo lilikuwa ni Alleluyah lililokuja na free-style, ambalo lilivumbuliwa katika tamasha kama hilo lililofanyika mwaka
jana.

Fabulous alipanda stejini saa nne na kufanya vitu vyake na kuimba ngoma 20 zinazopendwa na mashabiki.

Baadaye ndipo ukaja wakati wa wanamuziki nguli wa Bongo Fleva waliopanda jukwaani kuanza na kundi la Manzese Crew, Inspekta Haroun, Amani Temba 'Mheshimiwa Temba' na Chege nao walikamua kwa ngoma zao.

Elius Barnaba alikuja akiwa na kundi lake la THT
pia Mfalme wa Rhyme, Afande Sele alipata wasaa wake wa kupiga shoo akifuatiwa na Pina wa Kikosi cha Mizinga alikamua ngoma mbalimbali pamoja na ngoma yake ya Umoja ni Nguvu na kuungwa mkono na wapenzi wa muziki waliokuwa wanamshangilia na kudhihirisha kuwa rapu si tu kwa Fabolous, bali hata kwa Wabongo.

Nao wana-Hip Hop kutoka Arusha Nako 2 Nako waliruka stejini na baadaye kupigwa tafu na wakali Jo Makini na Niki wa Pili.

Usiku huo ulipambwa pia na MwanaFa, Shetta,Diamond Platinum, Big Boy Baghad, Juma Nature, Mchizi Mox na Jay Mo walikamua
na kuwapagawisha wapenzi na sauti zao.

Tamasha la StrMuzik lilianzishwa mwaka 2005 na baadaye lilijulikana kama Inter-College Bash, na kufanyika Dar es Salaam na mwaka 2008 lilifika
hadi Mwanza, Morogoro na Dodoma.

Sugu afanya vitu vyake viwanja vya Ustawi wa Jamii

2011-11-28T09:14:00.005+03:00

Mr II akiwa jukwaani na Mbunge wa Ubungo, John Mnyika. Wabunge takribani wanane walisindikiza uzinduzi wake huo ulioenda sambamba na uzinduzi wa kitabu kinachoeleza historia yake katika maendelea ya muziki wa Rap Bongo.

Msanii Mr II Sugu akifanya vitu vyake usiku wa kuamkia jana kwenye viwanja vya Ustawi wa Jamii

Mheshimiwa Mbunge Joseph akiwa anachana mistari jukwaani usiku wa kuamkia jana, nyomi ilikuwa ya kutisha

**********************************

Boniface Meena

MKALI wa muziki wa Hiphop nchini, Joseph Mbilinyi maarufu kama 'Sugu' usiku wa kuamkia jana akisindikizwa jukwaani na wabunge kadhaa, aliteka nyoyo za maelfu wa mashabiki wa sanaa ya muziki waliofurika kushuhudia uzinduzi wa albamu yake mpya iliyopewa jina la 'Anti Virus' kwenye viwanja vya Chuo cha Ustawi wa Jamii, Jijini Dar es Salaam.
Sugu ambaye pia ni mbunge wa Mbeya Mjini (Chadema), alifunika tamasha hilo kwa kuimba nyimbo zake za zilizowateka kimawazo mashabiki wake wengi vijana.
Kivutio kikubwa kwenye onyesho hilo, alikuwa mwenyekiti wa Chadema, Freeman Mbowe, ambaye alipanda jukwaani na kuwasalimia mashabiki: "Oyoooo Oyoooo...nimefurahi kupanda jukwaani kucheza pamoja nanyi."
Katika onyesho hilo lililopambwa na burudani kutoka vikundi mbalimbali vya muziki wa kizazi cha wakati huu (Bongo Fleva), Sugu pia aliimba na kucheza sambamba na wabunge wenzake kama John Mnyika, Joyce Mukya na Regia Mtema na Highness Samson.
"Oyoooo...Oyoooo. Nawashukuruni sana kwa kutuunga mkono, leo nauweka pembeni uheshimiwa na kushusha mawe. Pigeni kelele mpaka walioko Leaders Club wasikie," alisema Sugu.
Baada ya salamu hizo, alianza kwa kuimba wimbo wa 'Sugu Moto Chini' ambao uliwaamsha mashabiki kwa furaha, kisha akachombeza mashairi kadhaa ya wimbo 'Yamenikuta' na kupiga wimbo mwingine 'Kiburi' aliomshirikisha Stara Thomas.
Hakuishia hapo, akaimba wimbo mwingine 'Mambo ya Fedha', 'hayakuwa mapenzi' na mwisho akateremsha wimbo wenye jina la 'Sugu' ambao uliwapa utumwa wa kushangilia bila kuchoka mashabiki wake.
Kabla ya kushuka jukwaani Sugu alisema yuko mbioni kufanya wimbo na kumshirikisha mwenyekiti wake Mbowe.
Katika uzinduzi huo Sugu alisindikizwa na wasanii kama Danny Msimamo, Mabaga Fresh, Adili na Soggy Doggy Hunter, Mgosi Mkoloni, Mapacha, Suma G, Zay B na wengine wengi.

JK akutana na Chadema

2011-11-27T19:47:00.004+03:00

Rais Jakaya Kikwete, akimkaribisha mwenyekiti wa CHADEMA, Freeman Mbowe, Ikulu jijini Dar es salaam muda mfupi uliopita leo. (picha: K-VIS blog)

Ujumbe wa CHADEMA ukijongea lango la Ikulu

Rais Kikwete anakabidhiwa kabrasha la mapendekezo

Picha ya pamoja ya viongozi wa pande zote mbili

Mbowe na JK

RAIS Jakaya Kikwete jana alikutana na ujumbe wa Chadema kukabidhiwa kabrasha la mapendekezo yao na kujadili mchakato wa utungwaji wa Katiba mpya.

Rais alikutana na viongozi hao majira ya saa tisa na nusu alasiri mpaka saa 12 jioni na kukabidhiwa kabrasha la maoni ya viongozi hao kabla ya viongozi hao walioongozwa na Mwenyekiti wa chama hicho Freeman Mbowe, kupiga picha za pamoja na Rais wakiwa ndani na baadaye nje ya jengo la Ikulu na hatimaye kuendelea na majadiliano.

Mbowe alilieleza Mwananchi kwamba kikao chao hicho cha majadiliano kilidumu kwa saa tatu na kiliahirishwa saa 12 jioni na kitaendelea kesho asubuhi saa nne.

"Ndugu waandishi wa habari tumekutana na Rais na baadhi ya mawaziri na Wasaidizi wake! Kikao kilianza saa 9:30 mchana na kiliahirishwa saa 12 jioni. Kikao kitaendelea kesho asubuhi saa nne. Taarifa kamili ni baada ya kikao,"alieleza Mbowe katika ujumbe wake kwa vyombo vya habari.

Mbowe aliongozana na wajumbe wa kamati hiyo Makamu Mwenyekiti wa Chadema (Bara) Said Arfi na Makamu Mwenyekiti (Zanzibar) Said Issa Mohamed, Mshauri wa Masuala ya Siasa wa chama hicho, Profesa Mwesiga Baregu, Profesa Abdallah Safari na Mnadhimu wa Kambi ya Upinzani bungeni, Tundu Lisu, ambaye alikuwa Katibu wa Kamati hiyo wakati wa mkutano huo na John Mrema. Katibu Mkuu Dk Willibrod Slaa ambaye ni mjumbe hakuwapo.

Amavubi yawang'ata Kilimanjaro Stars bao moja bila

2011-11-26T21:58:00.002+03:00

Kilimanjaro Stars

Waziri Mkuu Mizengo Pinda akiwapungia mikoni mashabiki kwenye uwanja wa Taifa jijini Dar es salaam jioni hii, Mara baada ya kuzindua rasmi michuano ya TUSKER CECAFA CHALLENGE CUP 2011 ambapo leo michuano hiyo imekutanisha timu za Tanzania Kilimanjaro Stars na Timu ya taifa ya Rwanda Amavubi, mpira umekwisha na timu ya Rwanda imeifunga Kilimanjaro Stars goli 1-0 , katika picha kulia anayecheka ni Rais wa TFF na Shirikisho la Vyama vya michezo Afrika Mashariki na kati CACAFA Leodger Tenga.

Kikundi cha ngoma cha Mama Africa kikitumbuiza jioni ya leo kwenye uwanja wa taifa wakati timu ya Taifa Kilimanjaro Stars ilipopambana na Amavubi ya Rwanda na kuambulia kipigo cha bao moja bila.

Mashabiki wakifuatilia kwa karibu mpambano huo kati ya Kilimanjaro Stars na Timu ya taifa ya Rwanda wakati wa mchezo wao wa kombe la TUSKER CECAFA CHALLENGE CUP 2011 kwenye uwanja wa Taifa jioni hii.

Mdau Amin Yasin ahitimu Degree yake OUT

2011-11-26T18:12:00.004+03:00

Rais Mstaafu wa awamu ya pili Ally Hassan Mwinyi( kulia)akitunukiwa Shahada ya heshima ya salfasaya udaktari na mkuu wa chuo kikuu huria cha Tanzania John Malechela kwenye mahafari ya 23 ya chuo hicho yaliyofanyika janakatika viwanja vya chuo hichokilichoko Bungo Wilaya ya Kibaha Mkoani Pwani

Mwandishi wa Habari wa gazeti hili Amini Yasini (kulia ) akiwa na wahitimu wenzake katika mahafari ya 23 ya chuo kikuu huria cha Tanzania muda mfupi kabla ya kutunukiwa shahada ya kwanza katika sayansi ya jamii na utawala ya chuo hicho jana wa katikati ni mwandishi wa habari Mwanzo Milinga na kushoto ni Emanuel Onyango PICHA ZOTE NA SANJITO MSAFIRI

Mwandishi wa Habari wa Gazeti la Mwananchi Communication Ltd Amini Yasini (kushoto) ambaye pia ni Afisa mtendaji wa kata ya Chumbi iliyoko Wilayani Rufiji Mkoani Pwani akifurahi na Mbunge wa zamani wa Jimbo la Mchinga Mudhihir Mohammed Mudhihir muda mfupi mara baada ya kutunukiwa shahada ya kwanza katika sayansi ya jamii na utawala ya chuo kikuu huria cha Tanzania ambapo mahafari hayo ya 23 ya chuo hicho yalifanyika jana katika viwanja vya chuo hicho kilichoko Bungo Mjini Kibaha Mkoani Pwani.

Benki ya Diamond Trust yafungua tawi la 13 jijini Mbeya

2011-11-25T13:46:00.001+03:00

Mkuu wa Mkoa wa Mbeya Mheshimiwa Abbas Kandoro akizindua Tawi la kumi na tatu la Benki ya Diamond Trust lililopo makutano ya Barabara za Lupa na Market mkoani Mbeya.

Tawi la kumi na tatu la Benki ya Diamond Trust lililopo makutano ya Barabara za Lupa na Market mkoani Mbeya.

Mataka apandishwa kizimbani

2011-11-22T17:41:00.002+03:00

MKURUGENZI Mkuu wa zamani wa Shirika la Ndege Tanzania (ATCL), David Mattaka jana alipandishwa kizimbani katika Mahakama ya Hakimu Mkazi Kisutu kwa tuhuma za matumizi mabaya ya ofisi na kushindwa kuweka kumbukumbu za manunuzi ya magari chakavu yenye thamani ya zaidi ya Sh 1 bilioni.

Mbali ya Mattaka, washtakiwa wengine katika kesi hiyo ni Elisaph Ikomba ambaye ni Kaimu Mhasibu Mkuu wa shirika hilo na William Haji ambaye ni Mkaguzi Mkuu wa mahesabu wa shirika hilo.

Mwendesha mashtaka wa Taasisi ya Kuzuia na Kupambana na Rushwa (Takukuru), Ben Lincon alidai mahakamani hapo kuwa washtakiwa kwa pamoja walitenda makosa hayo kati ya Juni na Julai 2007.

Katika shitaka la kwanza ambalo linawahusu washtakiwa wote, ilidaiwa kuwa kati ya Juni na Julai 2007 Wilaya ya Ilala jijini Dar es Salaam, washtakiwa kwa nafasi zao walishindwa kutunza kumbukumbu za taarifa za kukubali zabuni ya ununuzi wa magari chakavu 26.

Mwendesha mashitaka huyo alidai kuwa shtaka la pili nalo linawahusu washtakiwa wote ambapo inadaiwa kuwa kati ya Julai 2 na Agosti 23 mwaka 2007 washtakiwa kwa pamoja walishindwa kufuata taratibu za manunuzi ya umma katika ununuzi wa magari chakavu 26 yenye thamani ya Dola za Marekani 809,300,000 kutoka katika kampuni ya Bin Dalmouk Morots Co. Ltd ya nchini Dubai.

Katika shtaka la tatu linalomuhusu Mattaka, ilidaiwa kuwa kati ya Julai 2 na Agosti 23 mwaka 2007 mshtakiwa akiwa kama Mkurugenzi Mkuu wa ATCL alitumia madaraka yake vibaya katika ununuzi wa magari hayo bila kuwepo kwa mkataba wa zabuni uliosainiwa na pande zote mbili na kuhakikiwa na bodi ya zabuni ya shirika hilo suala ambalo ni kinyume cha sheria.

CASTLE LAGER KUDHAMINI KUONYESHWA KWA MICHUANO YA LIGI KUU YA BARCLAYS AFRIKA

2011-11-22T17:31:00.003+03:00

Premier League Fans Playing Games During Launch of Castle Lager's Perfect Moment Premier League Promotion.

Marian Ntuah Picking her T Shirt she won during Castle Lager's Premier League Perfect Moment Promotion.
&&&&&&&&&&&&&&&&&&&&

Castle Lager inadhamini kuonyeshwa kwa michuano ya ligi kuu ya uingereza ya Barclays kwenye vituo vya luninga katika nchi 48 barani Afrika. Shuhudia bia yako ya Castle ikionyesha klabu kubwa za ulaya zikichuana live, wachezaji bora na kukuacha ukishangilia timu uipendayo.

Hii ni mara ya pili mfululizo kwa Castle Lager kudhamini kuonyeshwa live kwa michuano hii ya ligi kuu ya barani ulaya katika vituo vya luninga barani Afrika.

Ni sehemu ya kusaidia uendeshwaji matukio ya michezo katika bara zima na kufanya kila muda kuwa muafaka - hata kama utatazama michuano hii ukiwa nyumbani na rafiki zako kadhaa.

Mashabiki wapenzi wa soka watapata nafasi ya kuangalia timu nne zenye kiwango cha juu. Timu hizo ni kama Manchester United, Liverpool, Chelsea na Arsenal zitachuana katika ligi kuu ya Uingereza ya Barclays kila jumamosi katika michuano hiyo itakayoendelea.

Bia yako ya Castle imekuwa ikitoa mchango mkubwa katika soka kwa kipindi cha zaidi ya miaka 30 ikiwa inadhamini Baraza la chama cha soka cha Afrika ya kusini (COSAFA) Michuano mkubwa, Kombe la Kagame Castle Tanzania na ligi kuu maarufu ya Soka nchini Afrika ya kusini.

Meneja wa kinywaji cha Castle Lager, Bi Kabula anasema “Castle Lager kwa makusudi imechagua vituo vingi vya luninga vitakavyosaidia michuano kuonwa na watazamaji wengi zaidi.

Amesema pia “kujihusisha kwa kinywaji cha Castle Lager katika kudhamini mpira wa miguu inatokana na wao kutambua mapenzi ya wateja wao”. “Tukiwa tunashirikiana na michuano hii ya ligi kuu ya Uingereza tunakiweka kinywaji chetu katika sehemu nzuri barani Afrika,” Alisema.

Bi. Kabula anasema pia kwamba Castle Lager ina mipango ya kuanziasha vitu vya kusisimua zaidi mwaka huu. “Kwahiyo iwe utatazamia michuano hii katika baa uipendayo au nyumbani ukiwa unachoma nyama na marafiki zako, hakikisha kila tukio linakuwa la uhakika ukiwa na Castle Lager yako mkononi. Bia yenye ladha kamili itakayokuwanya ukate kiu yako."

Kama sehemu ya mipango hii, Castle Lager pia imezindua promosheni ambayo itawawezesha wateja wa Castle Lager kujishindia zawadi mbalimbali wakienda kwenye baa au watakaponunua chupa ya Castle Lager.

Baa maalum zitakuwa na mabango ya Castle Lager yakiwa na namba maalum za kuscan. Wateja wataweza kuscan namba hizo kwa kutumia simu zao za mkononi, ambazo tovuti ya www.theperfectmoment.mobi itafunguka na kuwawezesha kucheza mpira wa miguu ndani ya tovuti hiyo na kujishindia zawadi mbalimbali.

Wateja ambao pia watanunua Castle Lager bia katika baa watapatiwa kadi ambayo ina namba maalum ambayo wataweza kutuma ujumbe mfupi kwenda namba fulani na kujishindia zawadi mbalimbali.

Nchimbi mgeni rasmi uzinduzi wa Albamu ya Anti Virus 2

2011-11-21T18:09:00.001+03:00

Waziri kivuli wa Wizara ya Habari,Vijana ,Utamaduni na Michezo Joseph Mbilinyi (a.k.a. MR. SUGU -alievalia kadeti) leo akizungumza na waandishi wa habari jijini Dar es Salaam 21-nov-2011 kuhusu shoo ijulikanyo Anti Virus wakati wa Tamasha la Burudani kwa washabiki 2011-i litalaofanyika jijini DSM hapo Nov. 26 na kuhudhuriwa na viongozi mbalimbali pamoja na wananchi,(kushoto) ni Msanii Fred Malaki (a,k,a- MKOLONI) n a Mwanadada Zainab Lipangile a.k.a ZAY –B, Katika tamasha hilo Wasanii mbalimbali watatumbuiza, -Picha zote na Mwanakombo Jumaa-MAELEZO,

Waziri kivuli wa Wizara ya Habari, Vijana, Utamaduni na Michezo (kulia) Joseph Mbilinyi a.k.a Mr, SUGU akionyesha kitabu ambacho ameelezea maisha yake kitakachopatikana wakati wa Shoo ijulikanayo Anti Virus katika Tamasha la Burudani kwa washabiki2011 litaakalofanyika Nov. 26,2011 jijini Dar es Salaam na kuhudhuriwa na viongozi mbalimbali pamoja na wadau wa michezo, (kushoto) ni Msanii Fred Malaki a.k.a. MKOLONI. ( Picha na Mwanakombo Jumaa- MAELEZO,)

&&&&&&&&&&&&&&&&&&&

Waziri wa Habari, Vijana, Utamaduni na Michezo Dk Emanuel Nchimbi anatarajiwa kuwa mgeni rasmi katika uzinduzi wa albamu ya wanamuziki wa kizazi kipya inayoitwa Anti Virus 2.

Akizungumza na wanahabari Jijini Dar es Salaam mratibu wa uzinduzi huo ambaye pia ni Mbunge wa Mbeya mjini, Joseph Mbilinyi alisema uzinduzi wa albamu hiyo unalengo la kuwakomboa vijana waweze kunufaika na kazi zao.

Mheshimiwa Mbilinyi amesema kwa muda mrefu wasanii wa muziki wa kizazi kipya wamekuwa wakizulumiwa na wajanja wachache kitu ambacho kimewaacha wasanii hao kuendelea kuwa maskini.

"Kuna wajanja wachache ambao kwa muda wa miaka mingi wamekuwa wakinufaika na jasho la wasanii sasa tumeamua kufanya mapinduzi kwa kuwaungunisha wasanii ili waweze kutetea haki zao".Alisema Mheshimiwa Mbilinyi.

Uzinduzi huo unatarajiwa kufanyika katika viwanja vya Chuo cha Ustawi wa Jamii tarehe 26 Novemba kuanzia saa 12-6 usiku ambapo jumla ya wasanii zaidi ya 20 watashiriki ikiwa ni pamoja na waheshimiwa wabunge na mawaziri ambapo kiingilio kitakuwa ni shilingi 5000.

Katika tamasha hilo Mheshimiwa Mbilinyi atauza kitabu kinachoelezea historia ya maisha yake ambacho kitauzwa kwa shilingi 5000

Vodacom FoundationTanzania Yatoa Msaada Wa Madarasa Mawili Mkoani iringa

2011-11-21T17:00:00.003+03:00

Wazee wa kabila la Kihehe, kata ya Kalenga mkoani Iringa wakimpa heshima ya kichifu Mkurugenzi wa Vodacom Tanzania Kanda ya Kusini Jackson Kiswaga kwa kumkabidhi mkuki baada ya kumvisha vazi la mgorole ikiwa ni heshima kubwa kwa mkoa huo wakati walipofika kukabidhi madarasa mawili yenye thamani ya zaidi ya shilingi milioni 29 katika shule ya sekondari ya Lipuri mkoani humo.

Mkuu wa mfuko wa kusaidia Jamii wa Vodacom Tanzania Yessaya Mwakifulefule akiteta jambo na mmoja wa wanafunzi wa shule ya sekondari ya Lipuri iliyopo kata ya Kalenga mkoani Iringa Agness John,mara baada ya kukabidhi msaada wa madarasa mawili yenye thamani ya zaidi ya shilingi milioni 29 yaliyojengwa na Vodacom Tanzania kupitia mfuko huo.Akishuhudia watatu kutoka kulia ni Mkuu wa shule hiyo Alex Mwakiyanga akiwa na walimu wa shule hiyo.

Afisa Elimu wa Sekondari za Wilaya ya Iringa William Mkangwa akikata utepe kuashiria kupokea msaada wa madarasa mawili yenye thamani ya zaidi ya shilingi Milioni 29 yaliyojengwa na Vodacom Tanzania kwa kupitia mfuko wake wa kusaidia jamii”Vodacom Foundation”kwa ajili ya shule ya sekondari ya Lipuri, iliyopo kata ya Kalenga mkoani Iringa, wakishuhudia kutoka kushoto ni Mkuu wa Vodacom Foundation Yessaya Mwakifulefule,Mkurugenzi wa Vodacom Kanda ya kusini Jackson Kiswaga,Diwani wa kata ya Kalenga Ameria Galinoma na diwani viti maalum Shakila Kiwanga.

Mkurugenzi wa Vodacom Tanzania Kanda ya Kusini Jackson Kiswaga akiongea na wazazi na wanafunzi wa kata ya Kalenga Mkoani Iringa wakati wa hafla ya kuwakabidhi msaada wa madarasa mawili yenye thamani ya zaidi ya shilingi milioni 29 kwa shule ya sekondari ya Lipuri ya mkoani humo ,yaliyojengwa na Vodacom Tanzania kupitia mfuko wa kusaidia jamii”Vodacom Foundation”Kulia ni Afisa Elimu wa Sekondari za Wilaya ya Iringa William Mkangwa na Mkuu wa Vodacom Foundation Yessaya Mwakifulefule.

Haya ndiyo madarasa mawili yenye thamani ya zaidi ya shilingi milioni 29 yaliyojengwa na Vodacom Tanzania kwa kupitia mfuko wake wa kusaidia jamii”Vodacom Foundation” kwa ajili ya shule ya sekondari ya Lipuri ya mkoani Iringa.

JK atua na siri yake Dodoma

2011-11-20T13:46:00.003+03:00

Mwenyekiti wa CCM Rais Jakaya Kikwete akisalimiana na Mbunge wa Maswa Magharibi (Chadema) Mh. John Shibuda mara baada ya kuwasili mjini Dodoma Jumamosi jioni tayari kwa vikao na mikutano ya chama tawala. PICHA NA IKULU

Mwenyekiti wa CCM Rais Jakaya Mrisho Kikwete akiwasili mjini Dodoma juzi jioni tayari kwa vikao muhimu vya chama hicho tawala vitavyofanyika kwa siku nne katika ukumbi wa Makao Makuu ya CCM maarufu kama White House.

Baada ya mapumziko mafupi katika Ikulu ndogo ya Dodoma Dkt Kikwete alielekea ukumbi wa St. Gaspers ambako aliongea na wabunge wa CCM na kupata nao chakula cha usiku.

Katika hotuba yake, Dkt Kikwete aliwapa changamoto wabunge hao wa CCM waende kwa wapiga kura wao na kuwaelemisha kuhusu mchakato wa upatikanaji wa Katiba mpya uliopitishwa Jumamosi Bungeni Dodoma.

Kikwete aliwasisistizia wabunge hao umuhimu wa kupeleka elimu hiyo ya mchakato wa kupata katiba mpya kwani hivi karibuni kumekuwepo na upotoshaji mkubwa wa nini kinachoendelea, na kusema kuwa wakiwa wabunge wa chama tawala ni wajibu wao kuelimisha umma kwamba kanuni na sheria zote zimefuatwa katika kupitisha muswada huo ambao umesomwa kwa mara ya pili, baada ya kusomwa mara ya kwanza kwa mujibu wa sheria.

Rais Kikwete aliwakumbusha wabunge hao kwamba mchakato huo si jambo geni na kwamba ndio uliofuatwa na Marais wote toka wa awamu ya Kwanza hadi ya tatu, akisisitiza kwamba ni muhimu wanancho wote wakaelewa hilo, ikizingatiwa kwamba kuna baadhi ya watu wachache wanaotaka kupotosha umma kwamba hatua hiyo ni batili wakati sio kweli, ikizingatiwa kwamba kila lililo katika katiba ya sasa limezingatiwa.

Pia aliwasihi Watanzania kujitokeza kutoa maoni yao ya ni katiba gani wanayoitaka pindi muda wa kufanya hivyo utapowadia, na wasikubali kughiribiwa na wachache waliopania kupindisha ukweli.

Kwa mujibu wa ratiba leo Jumapili kutakuwa na Kikao cha Kamati ya Usalama na Maadili ukumbi wa White House kitachofanyika kutwa nzima, kitachofuatiwa na kikao cha Kamati kuu ya CCM Jumatatu na Jumanne. Halmashauri kuu ya CCM itakutana kuanzia Jumatano hadi Ijumaa.

Mzee Nterege: Miaka 103 ana watoto 57, wajukuu 200, vitukuu 70

2011-11-20T12:33:00.002+03:00

Diwani na Babu

*AOA WANAWAKE SITA, AJENGA SHULE KUSOMESHA FAMILIA YAKE

KWA mara ya kwanza niliposikia habari za mzee Nterege Nyigana Mutari ana umri wa miaka 103, ana watoto 57, wajukuu 200 na vitukuu 70, sikuamini.

Nilijiuliza maswali mengi moja likiwa ni kwanini mzee huyo asiwemo katika kitabu cha maajabu ya dunia? Hiki ni kitabu ambacho huchapishwa kila mwaka kikiwa na mkusanyiko wa rekodi za dunia kuhusu mafanikio ya binadamu pamoja na maajabu mbalimbali.

Kuishi miaka 103 na kuwa na watoto 57 sio jambo dogo, watoto ambao nao wanakuletea wajukuu 200, na wajukuu nao wanakuletea vitukuu 70.

Na kama hiyo haitoshi, unaamua kujenga shule ili wapate elimu bora, tena katika shule hiyo yenye wanafunzi 744, wanafunzi 200 wanatoka katika familia yake, wakiwemo wajukuu na vitukuu. Sasa mzee kama huyu, kwanini asiwemo katika maajabu ya dunia?

Baada ya kufikiria mambo mengi niliamua kumtafuta mzee Nterege ambaye ni mkazi wa kitongoji cha Nyamaitagi, kijiji cha Nyamakobiti, kata ya Majimoto Wilaya ya Serengeti mkoani Mara.

Mzee huyu mcheshi ambaye ni wa kabila la Wangoreme anaishi umbali wa kilometa 70 kutoka makao makuu ya wilaya ya Serengeti, mjini Mgumu.

Historia ya Mzee huyo imejaa mengi yakiwemo machungu na raha, lakini kwa upande wake anasema vikwazo katika maisha ni jambo la kawaida.

“Nina miaka 103, wajukuu zaidi ya 200 na vitukuu zaidi ya 70, nilizaa watoto 57 lakini ninachoweza kuieleza jamii ni kwamba watoto wangu nimeamua kuwapa elimu bora kwa kuwa elimu ndiyo ufunguo wa kila kitu hapa duniani,” anasema Nterege.

Maisha yake

Nterege alizaliwa mwaka 1908 lakini akajulikana kwa jina la "Reterenge’’, jina ambalo anasema alipewa na daktari raia wa Ujerumani.

Anasema alizaliwa katika eneo la Kyehonda -Kimeli ambalo kwa sasa ni eneo la kijiji cha Nyamutita na kwamba wakati huo baba yake alikuwa na wake wawili.

“Kwa upande wa mama yangu tulizaliwa wawili tu, mimi na dada yangu ambaye anaitwa Nyakimaiga, mama yetu alikuwa mke wa pili wa baba,” anasema Nterege.

Anasema mwaka 1918 baada ya baba yake kufariki dunia, ndugu wa baba yake walichukua mifugo yote iliyoachwa na baba yake wakiwemo Ng’ombe zaidi ya 100, na kuwanyang’anya nyumba waliyokuwa wakiishi na mama yao.

“Walitufukuza pamoja na mama kwa kuwa alikuwa mke mdogo wa marehemu baba, walisema kuwa mama yetu wa kambo ambaye alikuwa mke mkubwa ndio alikuwa na haki ya kupata kila kitu. Kuanzia hapo tulianza kuishi kwa shida.”

Anasema baada ya tukio hilo alianza maisha ya kujitegemea ambayo yalimfanya ashindwe kwenda shule na kujikita katika kilimo na wakati mwingine kufanya kazi ya kuchunga mifugo ya watu mbalimbali ili kupata fedha za kuweza kujikimu.

“Mwaka 1937 nilioa mke wa kwanza, Wansama Moremi ambaye kwa sasa ni marehemu nilihamia eneo la Nyamakobiti kuanza maisha mapya ya ndoa…, mke wangu nilimtolea maali ya Ng’ombe kumi niliowanunua baada ya kuuza Ulezi niliolima kati ya mwaka 1935 na 1936,” anasema Nterege.

Wazo la kuwa na familia kubwa

Anasema katika maisha yake mapya baadhi ya mambo yaliyokuwa yanamsumbua, ilikuwa ni jinsi gani angeweza kupata watoto wengi kwa kuwa alizaliwa yeye na dada yake tu.

“Wakati ule kuwa na familia au ukoo mkubwa kilikuwa kitu cha heshima katika mila zetu,” anasema Nterege.

Pia, anasema ukubwa wa familia ulikuwa muhimu ili kuweza kupambana na vitendo vya wizi wa mifugo ambapo mara kwa mara kuliibuka mapigano ya kikabila kati ya kabila lake na Wakulya na Wangoreme.

“Maisha ni mapambano. Nilianza kufanya biashara ya mifugo mwaka 1940 nikishirikiana na Chifu Makongoro wa Waikizu. Nilipata Ng’ombe 800 wa kwangu mwenyewe ila kwa sasa wamebaki 220 baada ya kuwapa watoto wangu kwa ajili ya kuanza maiasha yao ya kujitegemea,”

Kuoa

Akizungumza wanawake aliowaoa Nterege anasema,
“Nilioa wanawake saba lakini niliodumu nao ni sita, wanawake hao sita walizaa watoto 57, ila watoto waliopo hai ni 37,”.

Anaongeza, “Watoto wangu 20 walifariki kutokana na kwamba wakati huo vituo vya kutoa huduma ya afya vilikuwa mbali,”.

Anasema kuwa ana wajukuu zaidi ya 200, vitukuu zaidi ya 70 na anafafanua ,” Wengine siwatambui hata kwa majina,”.

Anasema mwaka 1937 alimuoa mke wake wa kwanza, Wansama Moremi, Gasawa Mayengo (1939),Mandala mwita (1953), Nyamhanga Nyamani (1963), Odela Osole (1969), Nyambura Paka (1965) na Mkami Myangosira (1974) ambaye waliachana bila kuzaa mtoto.

Anasema mpaka sasa wake zake walio hai ni wawili ambao anaishi nao na anawataja kuwa ni Nyamhanga Nyamani na Nyambura Paka.

Nterege anasema jambo kubwa analojivunia ni kumwona mtoto wake wa mwisho, Julius akisoma elimu ya sekondari ambapo alimaliza mwaka juzi.

Anasema kaka yake Julius anayeitwa Nyamanko alimaliza sekondari mwaka 1990, na wajukuu zake watano nao wamemaliza elimu ya sekondari ambao ni Gesile(2003), Bonifasi (2009), Nyakimaiga (2011).

“Kuna mmoja anaitwa Nyamitari bado yupo kidato cha tatu kwenye shule ya Sekondari ya Busawe, shule ambayo nilichangia ujenzi wake,” anaeleza kwa kujivunia kwa kitendo chake cha kuchangia maendeleo ya jamiii.

Anasema watoto wake 19 ambao wako hai ni wa kike na wa kiume 18. Mtoto wake wa kwanza anaitwa Mayengo na alizaliwa mwaka 1942.

Kujenga shule

Mzee Nterege ambaye bado ana kumbukumbu ya mambo mengi licha ya kuwa na umri mkubwa anasema kuwa mwaka 1988 baada ya kuona wajukuu zake wakipata usumbufu wa kwenda shule zilizokuwa vijiji vya mbali, aliamua kubuni wazo la kuanzisha shule ya msingi kuondoa usumbufu huo.

Anasema alianza ujenzi wa shule kwa kutumia magari yake kubeba mchanga na kokoto huku akiwahamasisha wakazi wa kijiji hicho kuchangia ujenzi.

“Ilikuwa ngumu kuwashawishi kwa kuwa kipindi hicho watu walikuwa hawapendi kuelezwa habari za kuchangia fedha kwa ajili ya jambo fulani.

Anasema kwamba mwaka 1990 alifanikiwa kumaliza ujenzi wa jengo la utawala kwa nguvu zake pamoja na wananchi.

“Licha ya kuwa mimi sikusoma niliamua kujenga shule ili wajukuu zangu wapate elimu. Elimu ndiyo kila kitu. Huwezi kufanikiwa katika maisha ya sasa bila elimu. Niliona wajukuu zangu wasiposoma watakuwa watumwa na tegemezi,” anaeleza Nterege.

Anasema mwaka 1991 shule hiyo ya msingi iliyopewa jina la Nayamakobiti ilifunguliwa kwa usajili namba PS 0904080 ikiwa na eneo la ukubwa wa Hekta 9.5.

“Shule hii niliamua kuiita jina la kijiji badala ya jina langu kwa kuwa sikutaka sifa katika suala hili, mtu unatakiwa usifiwe ukiwa umekufa si ukiwa hai,” anasema Nterege.

Mkuu wa shule hiyo anasemaje

Akizungumzia historia ya shule hiyo mkuu wa shule hiyo, Machumbe Mairo anasema kuwa huwezi kuzungumzia maendeleo ya shule hiyo bila kumtaja mzee Nterege.

Anasema shule hiyo ina wanafunzi 744 na anafafanua kwamba pamoja na changamoto zinazoikabili shule hiyo ikiwa ni pamoja na uhaba wa walimu.

Pamoja na matatizo hayo alisema inafanya vizuri ambapo wanafunzi wengi hufaulu kuendelea kidato cha kwanza.

“Katika kipindi cha mwaka 2006 hadi 2010 shule hii imeweza kufaulisha wanafunzi 122 kwenda sekondari, wasichana wakiwa ni 41 na 81 wakiwa ni wavulana,” anasema Mairo.

Anasema wanafunzi 200 wa shule hiyo kati ya wanafunzi 744 wanatokea katika familia ya mzee Nterenge wa kiwemo wajukuu na vitukuu.

“Familia yake ni kubwa kweli yaani hapa kijijini wako wengi. Ukienda vijiji jirani pia wapo,” anasema.
Imeandikwa na Renatus Masuguliko. SOURCE: MWANANCHI.

JK awaandalia dhifa ya kitaifa Prince Charles na Duchess of Cornwall

2011-11-08T14:32:00.002+03:00

Rais Dkt Jakaya Kikwete na Mama Salma Kikwete wakiwa na wageni wao Prince Charles na Duchess of Cornwall katika dhifa ya kitaifa waliyoandaa kwa heshima ya mtoto huyo wa Malkia wa Uingereza na mkewe usiku huu Ikulu jijini Dar es salaam.

Prince Charles akisalimiana na binti wa Rais Kikwete wakati wa hafla hiyo
Glasi zikigongwanishwa meza kuu.

Rais Jakaya Kikwete akisalimia baadhi ya maofisa walioongozana na Prince Charles
Ngoma za utamaduni zilirindima katika hafla hiyo

Rais Jakaya Kikwete akiongea na Sir Andy Chande

Katibu Mkuu Kiongozi Mh Philemon Luhanjo (kushoto) akiwa na Waziri wa Mawasiliano Sayansi na Teknolojia Profesa Makame Mbarawa, Waziri wa Nchi Ofisi ya Rais Zanzibar Dkt Mwinyihaji Makame na Balozi wa Tanzania nchuni Uingereza Mh Peter Kallaghe katika dhifa hiyo

Katibu Mkuu Kiongozi Philemon Luhanjo (kushoto) akiongea na Katibu Mkuu Kiongozi Mstaafu Balozi Paul Rupia

Mkuu wa Majeshi ya Tanzania Jenerali Davies Mwamunyange akiongea na Brigedia Potts na Ms Dinah Potts kwenye hafla hiyo

Sikukuu ya Eid El Haji

2011-11-02T14:24:00.001+03:00

TAARIFA KWA VYOMBO VYA HABARI

YAH: SIKUKU YA EID EL HAJI

Tarehe 6 Novemba 2011 Jumapili ni sikukuu ya Eid El Haji sawa na mwezi 10 Dhul Hijja 1432.

Kwa mujibu wa Kaimu Mufti wa Tanzania, Sheikh Muhidini Mkoyongore, Swala ya Eid Kitaifa itaswaliwa katika Masjid Al Farouq iliyoko BAKWATA Makao Makuu, kuanzia saa 1.30 asubuhi ikifuatiwa na Baraza la Eid.

Serikali ya Jamhuri ya Muungano wa Tanzania inawatakia waumini wote wa dini ya Kiislam Eid njema na yenye upendo, amani na utuivu.

NHC yatiliana saini ya makubaliano ya mikopo ya nyumba na benki saba za hapa nchini

2011-10-31T16:56:00.005+03:00

Mkurugenzi Mtendaji wa Shirika la Nyumba nchini, Nehemiah Mchechu akitoa hotuba yake wakati wa hafla ya kutiliana saini ya makubaliano baina ya Shirika la Nyumba la Taifa (NHC) na Mabenki ili kuwezesha kutoa mikopo ya Nyumba kwa wananchi hapa nchini. Hafla hii imefanyika leo kwenye hoteli ya Hyatt Kilimanjaro, jijini Dar es Salaam.

Mwenyekiti wa Bodi wa Shirika la Nyumba Tanzania, Injinia Kesogukewele Msita akihutubia katika hafla hiyo.

Waziri wa Ardhi, Profesa Anna Tibaijuka akihutubia wakati wa hafla ya kutiliana saini ya makubaliano baina ya Shirika la Nyumba la Taifa (NHC) na Mabenki ili kuwezesha kutoa mikopo ya Nyumba kwa wananchi hapa nchini. Hafla hii imefanyika leo kwenye hoteli ya Hyatt Kilimanjaro, jijini Dar es Salaam.

Mkurugenzi Mtendaji wa Shirika la Nyumba Tanzania,Nehemiah Mchechu pamoja na Mkurugenzi Mtendaji wa Benki ya NMB,Mark Wiessing wakitiliana saini ya makubaliano kuwezesha kutoa mikopo ya Nyumba kwa wananchi hapa nchini .Waliosimama wakishuhudia tukio hilo ni Waziri wa Ardhi, Profesa Anna Tibaijuka na Mwenyekiti wa Bodi wa Shirika la Nyumba Tanzania,Eng Kesogukewele Msita. Hafla hii imefanyika leo kwenye hoteli ya Hyatt Kilimanjaro, jijini Dar es Salaam.

Mkurugenzi Mtendaji wa Benki ya NBC, Lawrence Mafuru akisoma hotuba yake fupi kwa niaba ya Mabenki ya hapa nchini wakati wa hafla ya kutiliana saini ya makubaliano baina ya Shirika la Nyumba la Taifa (NHC) na Mabenki ili kuwezesha kutoa mikopo ya Nyumba kwa wananchi hapa nchini .hafla hii imefanyika leo kwenye hoteli ya Hyatt Kilimanjaro,jijini Dar es Salaam.

Warioba amtembelea Pinda ofisini kwake

2011-10-31T15:21:00.001+03:00

Waziri Mkuu, Mizengo Pinda akisalimiana na Waziri Mkuu Mstaafu,Jaji Joseph Sinde Warioba kabla ya mazungumzo yao, Ofisini kwake jijini Dar es salaam Oktoba 31,2011. (Picha na Ofisi ya Waziri Mkuu)

APPOINTMENT OF DR. MARINA A. NJELEKELA AS EXECUTIVE DIRECTOR OF MUHIMBILI HOSPITAL

2011-10-31T13:18:00.001+03:00

DR. MARINA A. NJELEKELA

This is to inform the general public that the Muhimbili National Hospital Board of Trustees has appointed Dr. Marina Aloyce Njelekela as the Executive Director of the Hospital with immediate effect. Before her appointment, Dr. Njelekela was a Senior Lecturer and Head of the Department of Physiology at the Muhimbili University of Health and Allied Sciences (MUHAS).

Dr. Njelekela has worked with MUHAS since 2001 and prior to that, she had worked at Kisarawe District Hospital as a Medical Officer and at the Muhimbili Orthopaedic Institute (MOI) as a Registrar until 1998 when she went for further studies in Japan.

Dr. Marina Njelekela holds a Doctor of Medicine Degree from the Univeristy of Dar es Salaam, and a PhD in Human and Environmental Studies from Kyoto University, Japan. Her area of specialization was Pathogenesis of Lifestyle Related Diseases in Developing countries.

As a team player, Dr. Marina Njelekela led the Medical Women Association of Tanzania (MEWATA) for six years. During her two terms as a MEWATA leader, she was in the forefront of health awareness among women and the general public, especially on Breast Cancer Awareness and Screening Campaigns that were conducted in Dar es Salaam, Mwanza, Mbeya, Mtwara, Lindi, Dodoma, and Manyara.

She is also well known for her role in advocacy campaigns and has brought to light the real extent of the problem of breast and cervical cancers in Tanzania that led to significant improvement on the prevention and management of Cancers in the country.

Dr. Njelekela sits on various Boards, including the Aerial Glaser Paediatric AIDS Healthcare Initiatives (AGPAH) and Management Development for Health (MDH). She is a recipient of various awards in academia and social services, including the prestigious Martin Luther King Drum Major Award for Justice that was bestowed on her by the US Embassy in January 2010 for her efforts to improve women’s access to health care services.

Safari Miss Vodacom Tanzania 2011 katika Fainali za mrembo wa Dunia

2011-10-31T10:37:00.004+03:00

Miss Vodacom Tanzania 2011 Salha Israel wa Tatu kutoka kulia akifurahia kwa Shangwe wakati wa Highland Games kuelekea kinyang'anyiro cha Mrembo wa Dunia

Miss Vodacom Tanzania 2011 Salha Israel wa kwanza kushoto aliye simama akiwa katika picha ya pamoja na wenzake

Miss Vodacom Tanzania 2011 Salha Israel wa Pili kutoka kulia akiwa anapiga Chiazi na wenzake .. katika safari ya kuelekea kumtafuta Mrembo wa Dunia.

Miss Vodacom Tanzania 2011 Salha Israel wa pili kutoka kulia akiwa Edinburgh Castle hivi karibuni katika safari ya kuelekea katika mashindano ya kumsaka Mrembo wa Dunia.

Miss Vodacom Tanzia 2011 Salha Israel aliye vaa Nguo za Njano katika Mazoezi ya nguvu kabisa wakati wa maandalizi ya shindano la Miss World Tanzania

Miss Vodacom Tanzania 2011 Salha Israel wa Kumi kutoka kulia akiwa na wenzake katika Dina la nguvu Huko Scottish maeneo ya Scottish Hydro.

Hapa Miss Vodacom Tanzania 2011 Salha Israel wa kwanza kushoto akiwa katika Vazi la Ufukweni na Wenzake katika maonesho ya Mavazi hayo hapo jana.
Kwa picha zaidi Tembelea: www.fredynjeje.blogspot.com

HAJI RAMADHANI AKWAA USHINDI BSS, ANYAKUA MILIONI 40

2011-10-15T11:24:00.003+03:00

Mshindi wa shindano la Bongo Star Search Second Chance 2011, Haji Ramadhani (katikati), akipunga mkono kwa mashabiki zake mara baada ya kutangazwa mshindi kwenye kinyang'anyiro hicho (kushoto), ni Mratibu wa mashindano hayo Rita Paulsen 'Madame Rita' akiwa katika pozi mara baada ya kumtangaza mshindi huyo, kulia ni mwakilishi kutoka Tigo ambao walikuwa wadhamini wakuu wa shindano hilo.
Habari na picha zaidi hebu cheki hapo chini
http://uniqueentertz.blogspot.com/2011/10/haji-ramadhani-ndiye-mshindi-bss.html

UDSM campus assumes new name

2011-10-15T11:10:00.004+03:00

By Florence Mugarula
The Citizen Reporter

Dar es Salaam. The University of Dar es Salaam (UDSM) has decided to rename Mlimani Campus Mwalimu JK Nyerere in honour of Tanzania’s first PresidentThe move is a gesture to mark the 50th anniversary of the university, according to the UDSM vice chancellor, Prof Rwekaza Mukandala.

He said yesterday that the decision to rename Mlimani is also in recognition of Mwalimu Nyerere’s contribution towards the higher learning institution’s development. He told journalists in the city that it was the former president who selected the location of the UDSM way back in 1961.

Prof Mukandala said the new name will be officially used from October 21, this year, four days before marking the 50th birthday of the oldest university in the country.

“We are doing this in recognition of Mwalimu Nyerere’s contribution to the academic arena. This campus was known as Mlimani campus and now we have decided to rename it after the Father of the Nation, which brings more meaning to what he did,” said Prof Mukandala.

The university was established on October 25, 1961, two months before the country’s independence, starting with the faculty of law, as an affiliate of the University of London.It was later called the University College Dar es Salaam (UCD), as a constituent college of the University of East Africa (UEA). The UDSM was established in 1970.

Commenting on challenges facing it, Prof Mukandala said it was going to construct seven buildings that will have lecture rooms, offices and laboratories so that students may get quality education in a conducive environment. He said the UDSM would construct hostels capable of providing accommodation to 4,500 students and that their tenders have been already announced.

“We are planning to build hostels to minimize the problem of accommodation at the campus. The construction will be in three phases, and for each we will construct enough hostels to accommodate 1,500 students each,” said Professor Mukandala.

Meanwhile, the president of UDSM graduates, retired Judge Joseph Warioba, asked former UDSM students to attend a dinner which will be prepared by President Jakaya Kikwete next Tuesday to raise funds for the construction of a students’ centre at the campus.He said Uganda’s President Yoweri Museveni, who graduated from the UDSM in 1970, was also assisting to raise funds in his country. He asked members of the public to support the idea.

“I ask all wananchi to contribute to this University; we need to do more for the future of our children and Tanzania at large,” said Judge Warioba.He said the university was facing a lot of challenges, such as lack of enough lecture rooms, workers’ residential houses, students’ hostels and other important infrastructure.

Added Judge Warioba: “ The students’ centre is going to cost at least Sh17 billion. So far we have collected Sh5 billion and we look forward to reach all UDSM graduates through various means so that we succeed in this project.”

It was established that the number of students has increased from 14,000 to more than 20,000. Hostels at the campus accommodate less than 4,000 and the rest live outside it.

link

http://www.thecitizen.co.tz/news/4-national-news/16107-udsm-campus-assumes-new-name

Prince Charles Kutembelea Tanzania

2011-10-13T20:19:00.002+03:00

THE PRINCE OF WALES AND THE DUCHESS OF CORNWALL TO TOUR COMMONWEALTH AND GULF COUNTRIES
The British Government has asked The Prince of Wales and The Duchess of Cornwall to undertake official visits to South Africa and Tanzania from 2nd November to 9th November 2011 at the invitation of President Zuma and President Kikwete. The Prince of Wales will also visit Gulf countries on 31st October and 1st November. In Kuwait HRH will celebrate the 50th anniversary of Independence and 20th anniversary of liberation as the guest of the Amir and the Crown Prince. The Prince of Wales will stop briefly in Qatar for discussions with the Emir before departing for the Commonwealth countries.
Their Royal Highnesses’ Commonwealth tour will focus on trade and investment promotion to support Britain’s economic recovery and strengthen the economies of our partners; employment opportunities and development issues; education and practical support for disadvantaged young people; sustainability issues in the run-up to the Durban Climate Summit later in November; and shared heritage and conservation of traditional livelihoods and wildlife. In Tanzania the Royal visit will be part of the celebrations for the 50th anniversary of Independence. Bilateral ties including economic cooperation will also be to the fore in Kuwait and Qatar.
In both Commonwealth countries there will be a strong focus on The World Wildlife Fund’s (WWF) work to protect endangered species and fragile ecosystems. The Prince of Wales has recently become President of WWF UK. In South Africa Their Royal Highnesses will visit the Mandela Foundation in Johannesburg to see the legacy of former President Mandela.
The work of the Department for International Development (DFID) will assume particular prominence in South Africa and Tanzania given the UK Government’s commitment to the development of both countries.

JK aongoza mazishi ya Penza

2011-10-13T19:49:00.003+03:00

Mzee Athumani Janguo akimzika rafiki yake mzee Penza leo jioni

Mwenyekiti wa mkoa wa Shinyanga Khamisi Mgejja akimzika bwana Penza

Nape Nnauye akishiriki katika Mazishi ya Penza

Rais Kikwete akiweka mchanga katika kaburi la marehemu Juma Penza jioni hii

Waombolezaji wakiwasili kwenye makaburi ya kisutu kwaajili ya maziko ya mkongwe huyo

Rais Kikwete akiwa na wajukuu wa marehemu Juma Penda kwenye makaburi ya Kisutu jioni hii

********************

Rais wa Jamhuri ya Muungano wa Tanzania, Mheshimiwa Jakaya Mrisho Kikwete, jioni ya leo, Alhamisi, Oktoba 13, 2011 ameungana na waombolezaji kumzika mwanahabari mkongwe, Ndugu Juma Fugame Penza katika makaburi ya Kisutu, mjini Dar es Salaam.

Ndugu Juma Penza alifariki dunia usiku wa kuamkia leo kwenye Hospitali ya Hindu Mandal, Dar es Salaam akiwa na umri wa miaka 63.

Marehemu Penza ambaye amekuwa katika tasnia ya habari kwa karibu miongo minne iliyopita na miongoni mwa walioshiriki mazishi yake katika makaburi ya Kisutu, Dar es Salaam ni pamoja na viongozi waandamizi wa Chama cha Mapinduzi (CCM) alichokifanyia kazi kwa zaidi ya miaka 20.

Katika salamu za rambirambi ambazo Mheshimiwa Rais Kikwete amempelekea Katibu Mkuu wa CCM, Mheshimiwa Wilson Mukama na kupitia kwake kwa familia na ndugu wa marehemu, Mheshimiwa Rais amemwelezea Hayati Penza kama mwandishi wa habari aliyefanya kazi zake kwa weledi na uzalendo akiongozwa na misingi imara ya taaluma yake na uzalendo kwa nchi yake.

“Nilimfahamu binafsi Ndugu Penza wakati tulipofanya kazi pamoja katika Chama cha Mapinduzi. Hakuna shaka kuwa Marehemu Penza aliitumia taaluma yake ipasavyo, akiongozwa na weledi wa kazi hiyo na uzalendo kwa nchi yake. Kamwe, hakupata kutumia ujuzi wa kazi yake kugawa wananchi kwa misingi ya aina yoyote ile.”

Katika maisha yake, marehemu Juma Fugame alishikilia nafasi za uandamizi katika vyombo mbalimbali vya habari ikiwa ni pamoja na kuwa Kaimu Mhariri wa Mazageti ya Serikali ya Daily na Sunday News, Kaimu Mkuu wa Shirika la Habari Tanzania (SHIHATA) kabla ya kujiunga na utumishi wa CCM.

Katika utumishi huo, Marehemu Penza alipata kuwa Mwandishi wa Habari wa Katibu Mkuu wa CCM, Mzee Rashid Mfaume Kawawa ambaye pia ni marehemu, Mwandishi wa Habari wa Makamu Mwenyekiti wa CCM, Mzee John Malecela, Mkurugenzi wa Redio Uhuru na Afisa Mwandamizi wa masuala ya habari na vyombo vya habari katika makao makuu ya Chama.

Imetolewa na:

Kurugenzi ya Mawasiliano ya Rais,

Ikulu,DAR ES SALAAM.

13 Oktoba, 2011

JK, Museveni kuharakisha ujenzi wa reli ya Tanga-Musoma-Uganda

2011-10-03T19:03:00.004+03:00

Rais Jakaya Mrisho Kikwete na mgeni wake Rais Yoweri Kaguta Museveni muda mfupi kabla ya kuanza mazungumzo ikulu jijini Dare s Salaam leo mchana.Rais Museveni yupo nchini kwa ziara ya kikazi ya siku moja (Picha zote na Freddy Maro)

Rais Jakaya Mrisho Kikwete akimkaribisha Rais Yoweri Kaguta Museveni wa Uganda muda mfupi baada ya kuwasili katika uwanja wa ndege wa Kimataifa wa Mwalimu Julius Nyerere leo mchana kwa ziara ya kikazi ya siku moja.
************

TANZANIA na Uganda zimekubaliana kuharakisha ujenzi wa reli ya Tanga-Musoma-Uganda ili kuhitimisha ndoto ya miaka mingi ya Mwanzilishi wa Taifa la Tanzania Hayati Mwalimu Julius Kambarage Nyerere.

Taarifa iliyotolewa jana na Kurugenzi ya Mawasiliano ya Rais Ikulu ilieleza kuwa hayo ndiyo yalikuwa maamuzi makuu yaliyofikiwa jana, katika mkutano kati ya Rais, Jakaya Kikwete na Rais wa Uganda, Yoweri Kaguta uliofanyika Ikulu, Dar es Salaam.

Nchi hizo mbili pia zimekubaliana kupanua bandari za Tanga na Musoma katika Tanzania, na kujenga bandari mpya nchini Uganda ili kuhudumia reli hiyo mpya kati ya nchi hizo mbili.

Rais Museveni ambaye amefanya ziara ya kikazi ya siku moja nchini Tanzania aliwasili jana asubuhi na kupokea na mwenyeji wake Rais Kikwete kwenye Uwanja wa Ndege wa Kimataifa wa Julius Nyerere, Dar es Salaam. Kiongozi huyo wa Uganda ameondoka kurejea nyumbani baada ya mazungumzo na mwenyeji wake.

Wakati wa mazungumzo yao, viongozi hao wawili wamekubaliana kuharakisha ujenzi wa reli hiyo kama njia ya kufungua mlango wa tatu wa Uganda kupitishia bidhaa zake kutoka na kwenda kwenye Bahari ya Hindi. Milango mingine inayotumiwa na Uganda kusafirisha bidhaa kutoka na kwenda Bahari ya Hindi ni bandari za Dar es Salaam na Mombasa, Kenya.

Katika kuhakikisha uamuzi wake wa kuharakisha ujenzi huo unaanza katika muda mfupi iwezekanavyo, viongozi hao wawili wameunda kikosikazi cha kusimamisha suala hilo. Kikosi kazi hicho kitaundwa na mawaziri wa wizara za usafirishaji na uchukuzi, fedha na mambo ya nje kwa kila nchi.

Chini ya mpango huo, bidhaa zitasafirishwa kwa reli kutoka Bandari ya Tanga hadi Bandari ya Musoma na kuwekwa kwenye pantoni maalum ya (wagon ferry) reli kutoka Bandari ya Musoma hadi bandari mpya ya Uganda kwa kuvushwa Ziwa Victoria.

Viongozi hao wamefanya uamuzi wa kuharakisha ujenzi huo kwa sababu ya faida za reli hiyo kwa chumi za nchi zote mbili lakini pia kwa kujua kuwa bila usimamizi wa karibu wa Tanzania na Uganda itachukua miaka mingi zaidi kwa reli hiyo kuweza kujengwa.

Wazo la kujenga reli ya kuunganisha Uganda na Bandari ya Tanga kupitia Bandari ya Musoma liliasisiwa miaka mingi tokea awamu ya kwanza ya uongozi wa Tanzania, lakini kwa namna moja ama nyingine, utekelezaji wa wazo hilo umekumbana na changamoto mbalimbali.

Katika mkutano wao wa leo, viongozi hao pia wamejadili masuala mengine yanayohusu uhusiano kati ya nchi hizo mbili na masuala mengine ya kikanda na kimataifa.

SOURCE: IKULU

Kafumu atangazwa mshindi Igunga

2011-10-03T18:53:00.004+03:00

Msimamizi wa uchaguzi Protace Magayane akimpongeza Dk Dalaly Kafumu baada ya kumtangaza na kumkabidhi cheti cha ushindi wa ubunge wa Jimbo hilo.

Wanachama na wapenzi wa CCM, wakifurahia ushindi wa chama hicho katika Uwanja wa Sokoine Igunga jana baada ya msimamizi wa uchaguzi wa uchaguzi kumtangaza mgombea wa chama hicho kuwa ndiye mshindi wa uchaguzi mdogo wa jimbo la Igunga jana. Picha na Emmanuel Herman.

Tume ya Taifa ya Uchaguzi (NEC) imemtangaza mgombea wa Ubunge kupitia (CCM) Dk Dalaly Kafumu kuwa mshindi wa kiti cha Ubunge wa Jimbo la Igunga, kufuatia uchaguzi mdogo uliofanyika juzi Jumapili.

Kafumu ameshinda kiti hicho kwa kupata kura 26,484 kati ya kura 52,487 halali zilizopigwa, sawa na asilimia 50.4 ya kura hizo, akiwashinda wenzake saba wa vyama vingine ambao pia walishiriki uchaguzi huo.

Msimamizi wa uchaguzi huo, Protase Magayane alimtaja mshindi wa pili katia kinyang’anyiro hicho kuwa ni Joseph Kashindye wa Chadema aleyapata kura 23,260 sawa na asilimia 44.3 akifuatiwa na mgombea wa CUF, Leopold Mahona aliyepata kura 2,104 sawa na asilimia 4.

Wagombea wengine walioshiriki uchaguzi huo na vyama vyao kwenye mabano ni Steven Mahuyi (AFP) aliyepata kura 235, Hassan Rutegama (Chausta) aliyepata kura 182, Said Cheni DP kura 76 na Hemed Ramadhani (SAU) kura 63.

Hata hivyo, CCM kimefanya vibaya katika jimbo la Igunga ikilinganishwa na uchaguzi wa mwaka jana wakati mgombea wake aliyeshinda, Rostam Aziz alipopata ushindi wa kura 35,674 sawa na asilimia 72.7 ya kura halali zilizopigwa.

Rostam aliyejiuzulu nafasi ya ubunge na kutoa nafasi ya kufanyika kwa uchaguzi wa juzi, alimshinda aliyekuwa mgombea wa CUF, Mahona ambaye alipata kura 11, 321 sawa na asilimia 23.1 ya kura halali. Mahona mwaka huu kura zake zimeshuka kwa asilimia 19 ikilinganishwa na matokeo hayo ya mwaka jana.

Kampeni za helikopta Igunga za nini??

2011-09-28T10:45:00.002+03:00

Helkopta ya itakayotumiwa na mgombea wa Chama cha Wananchi (CUF) ikiwasili katika uwanja wa Barafu uliopo Igunga Mjini kwa ajili ya kampeni za mgombea ubunge katika jimbo hilo jana.

Helikopta iliyokodishwa Chadema, ikipita juu ya Anga ya Igunga baada ya kuwasili jana alasili kwa ajili ya mikutano ya mwisho ya kampeni ya chama hicho.

Helikopta ya iliyokodishwa na CCM ikitua katika uwanja wa Sabasaba mjini Igunga jana kwa ajili ya kampeni za mwisho za chama hicho.
Hivi resources zote hizi zinazotumika kukampeni huko jimbonio Igunga zingetumika kununulia madawa, kusaidia elimu, barabara na kadhalika katika kipindi cha kabla na baada ya kampeni si ingekuwa ni bora zaidi kuliko ilivyo sasa, hivi wananchi wa Igunga wanahitaji helikopta kweli, je wananchi wa Igunga ni washamba kiasi hicho?
Ni kweli baadhi ya maeneo yapo mbali sana na si rahisi kuyafikia,lakini maswali ni mengi mno kuliko majibu. Ujio wa helikota hizi unaonyesha kuna tatizo kubwa sana la kisiasa na kijamii nchi mwetu. Uongozi unatafutwa kwa fedha nyingi sana mpaka inatisha.

Chadema Igunga: Pepople's Powerrrrrrr

2011-09-27T08:38:00.002+03:00

Mwenyekiti wa Chama cha Chadema Freeman Mbowe akihutubia mkutano wa kampeni katika Kata ya Nkinga wa kuwania kiti cha Ubunge cha jimbo la Igunga baada ya kuwasili na Helkopta jana.Picha na Fidelis Felix

IGP Mwema apata ajali

2011-09-27T08:11:00.001+03:00

IGP Said Mwema ((Pichani aliyenyoosha mkono) amenusurika katika ajali ya gari iliyotokea jana (Pichani) iliyotokea barabara ya Kivukoni front mbele ya ofisi za takwimu na wizara ya mambo ya nje na ushirikiano wa kimataifa majira ya saa 8 mchana. Gari ya IGP ilikuwa inatokea magogoni iligongana na gari dogo (Saloon) T 960 AYK gari ya IGP iliumia sana upande wa mbele kushoto.
Picha na: DEUSDEDIT MOSHI WA DM.PHOTO SOLUTIONS (TZ)

Rais Kikwete arejea nchini

2011-09-26T17:52:00.003+03:00

Rais Jakaya Mrisho Kikwete akisalimiana na Waziri Mkuu Mizengo Pinda muda mfupi baada ya kuwasili kutoka New York Marekani ambapo pamoja na mambo mengine alihutubia baraza la Umoja wa Mataifa. Kushoto no Mkuu wa mkoa wa Dar es Salaam Said Meck Sadick
(picha na Freddy Maro).

Michael Sata ni Rais mpya wa Zambia

2011-09-23T22:53:00.001+03:00

Kiongozi wa upinzani Micheal Sata ametangazwa kuwa rais mpya wa Zambia mapema hii leo baada ya uchaguzi uliokumbwa na vurugu zilizosababisha vifo vya watu wawili.

Tume ya taifa ya uchaguzi nchini humo ilisema Sata alishinda asilimia 43 ya kura dhidi ya asilimia 36 za rais anayeondoka Rupiah Banda licha ya kuwa vituo 7 kati ya 150 vya upigaji kura nchini humo vilikuwa bado vinaendelea kuhesabu kura hizo.

Tume hiyo ya uchaguzi ilisema kuwa idadi ya wapiga kura katika maeneo hayo ni ndogo ikilinganishwa na kura laki moja elfu 88 zilizo watofautisha wagombea hao wawili. Wagombea wengine 8 waligawanya kura zilizosalia.

Jaji mkuu Ernest Sakala alimtangaza Micheal Chilufya Sata kuwa rais aliyechaguliwa wa jamhuri ya Zambia.

Mabango ya kampeni ya Urais nchini Zambia

Punde baada ya kutolewa tangazo hilo muda mfupi baada ya saa sita usiku kuamkia leo, wafuasi wa Sata walimiminika barabarani katika mji wa Lusaka wakisherehekea huku wakipiga honi za magari.

Polisi ya kupambana na fujo ilikuwepo ikitazama wafuasi hao wakisherehekea.

Ilisema kuwa watu wawili waliuawa hapo jana katika vurugu zilizozuka baada ya wafuasi wa Sata kulalamikia utaratibu na udanganyifu katika zoezi la kuhesabu kura hizo.

Waangalizi wanasema hawajapata ushahidi wa kuthibitisha tuhuma hizo za udanganyifu huku waangalizi wa Umoja wa Ulaya wamekilaumu chama cha Banda MMD, kwa kutumia vibaya rasilimali za serikali, zikiwemo vyombo vya habari na magari wakati wa kampeni.

Hii ilikuwa ni mara ya nne kwa Sata kugombea wadhifa wa rais na ushindi wake unakifanya chama chake cha Patriotic Front kuwa chama cha tatu pekee kuingia uongozini tangu nchi hiyo kujinyakulia uhuru kutoka kwa Uingereza mnamo mwaka 1964.

Chama cha Banda ambacho Sata alikuwa mwanachama hadi mwaka 2001 kufuatia mzozo wa uongozi, umekuwa uongozini kwa miongo miwili.

Licha ya kuwa kiongozi huyo mpya ni mwenye umri wa miaka 74, mvuto wake ulikuwa zaidi kwa vijana nchini humo na watu wasiokuwa na ajira, wanaoona kuwa wametengwa kutoka biashara ya uchimbaji madini ya shaba nchini humo iliyoufanya uchumi wa nchi hiyo kuwa mojawapo ya unaofanya kazi vizuri Afrika.Biashara hiyo imesaidia kuundwa nafasi laki moja za ajira nchini Zambia na serikali imejenga madaraja, viwanja vya ndege hospitali kutoka fedha zinazopatikana kwa uchimbaji madini ya shaba.

Sata alikuwa gavana wa jimbo na waziri bungeni, alishindwa kwenye uchaguzi mnamo mwaka 2001 na pia mwaka 2006 kwa Levy Mwanawasa wa chama hicho cha MMD. Na baadaye mwaka 2008 wakati Mwanawasa alipofariki kutokana na kiharusi, Sata alishindwa na Banda ambaye aliyekuwa makamu wa rais wa Mwanawasa, kwa tofauti ndogo ya kura kwenye uchaguzi maalum uliofanyika.

Rais Kikwete akisalimiana na kiongozi wa serikali ya mpito ya Libya Bw. Mustafa Abdel-Jalil

2011-09-23T22:26:00.003+03:00

Rais Jakaya Mrisho Kikwete akiwa katika maongezi mafupi na kiongozi wa serikali ya mpito ya Libya Bw. Mustafa Abdel-Jalil

Rais Jakaya Mrisho Kikwete akisalimiana na kiongozi wa serikali ya mpito ya Libya Bw. Mustafa Abdel-Jalil

Rais Jakaya Mrisho Kikwete akisalimiana na kiongozi wa serikali ya mpito ya Libya Bw. Mustafa Abdel-Jalil jijini New York ambako wote wanahudhuria mkutano wa 66 wa Umoja wa Mataifa

Rais Jakaya Mrisho Kikwete akimtabulisha Balozi wa Kudumu wa Tanzania Umoja wa Mataifa Mh Ombeni Sefue kwa kiongozi wa serikali ya mpito ya Libya Bw. Mustafa Abdel-Jalil

kwa kina hebu watembelee
http://mawasilianoikulu.blogspot.com/2011/09/rais-kikwete-akisalimiana-na-kiongozi.html

Ubalozi wa Marekani wadhamini wasanii washiriki wa tamasha la Mtemi Milambo

2011-09-21T13:33:00.002+03:00

Wasanii wa muziki wa asili walioshiriki Tamasha la tatu ta Mtemi Milambo mwaka huu lililofanyika Julai 8-10,201 katika viwanja vya Uyui sekondari Tabora na kufunguliwa na aliyekuwa mkuu wa mkoa huo Mhe.Abeid Mwinyimussa wamepata udhamini wa kurekodi nyimbo za muziki wa asili za makabila ya Kisukuma na Kinyamwezi.
Wasanii waliofanya vizuri mwaka huu Ali Mango,Asha Kaombwe,Hamis Mpiga,Paulina Muhala,Paul Magadala wataungana na wasanii wengine wa miaka iliyopita na kuunda bendi ya muziki wa asili iitwayo Mwana Milambo ambayo itakuwa inapiga muziki huo katika mahoteli,maharusi na kumbi mbalimbali za burudani.
Nyimbo zitakazorekodiwa ni Kamnyagara kane, Usoga wi kuwa, Kushoke kukaya, kana nabuta, Sensema malunde, Ng,ombe yalala, Wela wa kulya, Nzagamba ya Sukuma na Miaka hamsini ya Uhuru
Lengo kuu ni kuzihifadhi nyimbo mbalimbali zilizotumiwa na wazee wetu wa kale katika vita, kilimo, harusi,na mazishi.
Nyimbo hizi nyingi huimbwa sehemu mbalimbali lakini ni muhimu kuzirekodi kwa ajiri ya faida ya vizazi vya baadae.
Nyimbo hizo zote zitarekodiwa katika studio ya Aegies chini ya muandaaji maarufu Peter John a.k.a Nice P.
Aksanteni kwa kunisikiliza.
Amon Mkoga
Mkurugenzi Mtendaji wa Chief Promotions.
www.chiefpromotions.or.tz
0755 638 004/0655 638 004

MAGONJWA YASIYO AMBUKIZI YANAONGEZA UMASKINI-TANZANIA

2011-09-21T10:29:00.001+03:00

Jamhuri ya Muungano wa Tanzania imeungana na mataifa mengine duniani katika majadiliano ya kufatufa njia muafaka na zenye gharama nafuu za kuudhibiti na kutibu magonjwa yasiyo ambukizi.
Akizungumza kwa niaba ya Rais wa Jamhuri ya Muungano wa Tanzania, Mhe. Jakaya Kikwete. Waziri wa Afya na maendeleo ya jamii kutoka Serikali ya mapinduzi Zanzibar, Mhe. Juma Duni Haji, amesema , magonjwa yasiyo ambukizi yanaendelea kuwa mzigo mkubwa hususani kwa familia maskini.
Wakuu wa Nchi na Serikali kutoka nchi 193 wanachama wa Umoja wa Mataifa, wamekutana kwa siku(jumatatu na jumanne) mbili kujadiliana na kubadilishana uzoefu kuhusu magonjwa manne ambayo si ambukizi. Magonjwa hayo ni Kansa, Kisukari, Ugonjwa wa Moyo na Ugonjwa wa Mapafu.
“Gharama za kutibu magonjwa haya ni mkubwa mno. Karibu kila familia ambayo imeathirika na moja ya magonjwa haya inatumia asilimia 40 ya kipato chao kugharamia matibabu. Haya ni magonjwa yanayosababisha familia nyingi kuwa maskini” akasema Waziri Duni ambaye ni kati ya mawaziri watatu walioambatana na Mhe. Rais Kikwete kuhudhuria Mkutano Mkuu wa 66 wa Umoja wa Mataifa ambao unaanza siku ya jumatano..
Mkutano wa Kilele kuhusu magonjwa yasiyo ambukizi ni kati ya mikutano kadhaa ya kilele ambayo inafanyika kabla ya Mkutano Mkuu.
Kutoka na gharama kubwa ya kutibu magonjwa hayo, Waziri Juma Duni amesema, Tanzania inasisitiza umuhimu wa magonjwa hayo kuingizwa katika ajenda za Kimataifa za Maendeleo.
Akasisita kuwa ongezeko la magonjwa yasiyo ambukizi kumesababisha changamoto kubwa katika mfumo uliopo wa utoaji wa huduma za afya.
Akizungumzia uzoefu wa Tanzania , Waziri amesema serikali ilizindua mwaka 2009 mkakati wa kitaifa kuhusu magonjwa yasiyo ambukizi. Mkakati huo unalenga pamoja na mambo mengine kuhakikisha upatikanaji wa huduma za afya pamoja na utudhibiti wa magonjwa hayo.
Aidha akaainisha kwamba kama nchi, Tanzania inakabiliwa na changamoto mbili kwa pamoja. Changamoto hizo ni kukabiliana kwanza, na magonjwa yasiyo ambukizi na ya pili ni kukabiliana na magonjwa ambukizi.
Kutokana na changamozo hizo, Waziri Duni anasema kuwa si vema basi aina moja ya ugonjwa ikatiliwa mkazo na kupewa kipaumbele dhidi ya ugonjwa mwingine kwa kuwa yote yanashabihiana.
Aidha amezitaja changamoto nyingine zinazoikabili Tanzania kuwa ni ongezeko la kansa ya shingo ya uzazi, ongezeko la wagonjwa wa kisukari wa asilimia tano, uvutaji wa sigara kwa asilimia 10, ongezeko la watu wenye utizo wa kupita kiasi, unywaji wa pombe na maelfu ya watoto wanaozaliwa wakiwa na matatizo ya sickle –cell kila mwaka.
Mwishoni wa Mkutano huo, viongozi wa kuu wa nchi na serikali walipitisha tamkio la kisiasa ambalo licha ya kukiri kwamba magonjwa hayo manne ni changamoto ya katika karne ya 21.Pia wamemtaka Katibu Mkuu wa Umoja wa Mataifa kwa kushirikiana na Mtendaji Mkuu wa Shirika la Afya Duniani ( WHO)na wadau wengine kuandaa taarifa itakayowasilishwa kwa viongozi hao katika Mkutano Mkuu wa 67 wa Umoja wa Mataifa.
mwisho

Rais Kikwete apata tuzo,pia ashiriki shughuli mbalimbali New York

2011-09-20T19:46:00.001+03:00

Rais Dkt Jakaya Mrisho Kikwete akiikabidhi tuzo hiyo kwa Waziri wa Mambo ya Nje na Ushirikiano wa Kimataifa Mh. Bernard Membe baada ya kuipokea. Nyuma ya Mh. Membe ni Balozi wa Kudumu katika Umoja wa Mataifa Mh Ombeni Sefue (kushoto) na Balozi wa Tanzania nchini Marekani Mh Mwanaidi Maajar

Rais Dkt. Jakaya Mrisho Kikwete akipewa tuzo na Waziri Mkuu wa Antigua and Barbuda Mh. Winston Baldwin Spencer kwa mchango wake mkubwa katika sekta ya afya, teknolojia na maendeleo kwenye hafla ya chakula cha usiku iliyoandaliwa na taasisi ya South-South katika hoteli ya Waldorf Astoria jijini New York Jumatatu usiku. (Picha kwa hisani ya Ikulu)

Dk Kafumu akikampeni Igunga

2011-09-20T19:04:00.001+03:00

Mgombea ubunge jimbo la Igunga mkoani Tabora, kwa tiketi ya CCM, Dk Dalaly Peter Kafumu akihutubia mkutano wa kampeni jana katika kata ya Mwisi jimboni humo.

Chadema wawashabikia waliomvamia DC

2011-09-20T18:48:00.000+03:00

Wanachama wa CHADEMA mjini Igunga, jana walijawa na furaha kubwa wakati wakiwapokea wabunge wao waliokamatwa hivi karibuni na kuwekwa rumande mjini Igunga na baadae kuhamishiwa kituo cha polisi mkoani Tabora kwa kosa la kumsukasuka mkuu wa Wilaya ya Igunga, Fatuma Kimario. Wabunge hao ni Sylivester Kasulumbai, mbunge wa Maswa Mashariki, Suzani Kiwanga, ambae ni mbunge wa viti maalumu.

Rais Ali Mohammed Shein awapa pole Mtambwe

2011-09-19T19:20:00.002+03:00

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akizungumza na wananchi wa familia 70 wa Kisiwani Piki na Mzambaun Takao,waliofiliwa na jamaa zao katika ajali ya Meli ya Mv Spice Islander,hivi karibuni, akiwa katika ziara maalum ya kuwapa pole wananchi waliofili na jamaa zao katika kisiwa cha Pemba.

Waziri wa Ardhi,Makaazi,maji na Nishati Mhe Ali Juma Shamuhuna,akiwapa pole wananchi wa Mtambwe Daya waliofiliwa na jamaa zao katika ajali ya Meli ya Mv Spice Islander,iliyozama katika mkondo wa Nungwi kaskazini Unguja ikielekea Pemba,hivi karibuni

Mke wa Rais wa Zanzibar Mama Mwamamwema Shein,akiwapa pole wananchi wa Mtambwe Daya waliofiliwa na jamaa zao katika ajali ya Meli ya Mv Spice Islander,iliyozama katika mkondo wa Nungwi kaskazini Unguja ikielekea Pemba,hivi karibuni.

ATUHUMIWA KESI YA MELI WAPEWA DHAMANA BILA KUJUA TAREHE YA KWENDA TENA KORTINI

2011-09-19T19:15:00.004+03:00

Watuhumiwa wa kesi ya mauajia ya meli ya Mv Spice iliyotokea Septemba 10 mwaka huu katika eneo la Nungwi Kisiwani Unguja Mjini Zanzibar na kuuwa watu zaidi ya 200,wakifikishwa Mahakama Kuu ya Zanzibar,wa mbele ni Nahodha Msaidizi wa meli hiyo Abdalla Moh'd Ali (30) katikati ni Yusufu Suleiman Jussa (47) ambaye ni mmiliki wa meli hiyo na mwisho ni Simai Nyange Simai (27) ni msimamizi wa bandari ya Malindi .Picha na Jackson Odoyo

****************************
Watuhumiwa watatu kati ya wanne waliofikishwa kwenye Mahakama Kuu Mjini Zanzibar wiki iliyopita wakikabiliwa na kosa la uzembe na kusababisha vifo vya watu 203 waliokuwa wakisafiri kwa Meli ya MV Spice Islander na kuzama katika bahari ya Hindi, Septemba 10 2011, wamepewa dhana na haikutaja siku ya kurejea tena Mahakamani hapo.

Watuhumiwa waliopewa dhamana ni Abdallah Mohammed Ali(30) mkazi wa Bububu, ambaye ni Afisa Mkuu wa Meli ya MV Spice Islander, Yussuf Suleiman Jussa(47), mkazi wa Kikwajuni ambaye pia ni Mmoja wa Wamiliki wa Meli na Msimamizi Mkuu wa Mizigo katika meli hiyo na Simai Nyange Simai(27) mkazi wa Mkele, ambaye ni Mfanyakazi wa Mamlaka ya Mamlaka ya Usafiri Baharini anayehusika na usalama wa abiria melini.

Watuhumiwa hao, Ijumaa iliyopita walirejeshwa rumande baada ya kuzuka mabishano ya kisheria ya kutaka wapewe dhama ama wasipewe, ambapo Mrajisi wa Mahakama Kuu Zanzibar Mh. George Kazi, aliamuru warejeshwe rumande hadi leo Jumatatu atakapotoa uwamuzi wake.

Walipofikishwa Mahakamani hapo hii leo, Wakili wa Utetezi Bw. Hamidi Ali Saidi Mbwezeleni aliiomba Mahakama iwaachie huru watuhumiwa hao ili tume iliyoteuliwa na Rais kuchunguza chanzo cha kuzama kwa meli hiyo iendelee na kazi yake la sivyo tume isitishe kazi yake hadi pale kesi itakapomalizika.

Wakili huyo amesema kuwa kutakuwa na utata kama watuhumiwa wataendelea kubaki rumande kwani watakosa haki yao ya msingi katika tume iliyoundwa na Rais wa Zanzibar wakati ikiendelea na kazi yake endepo itataka kupata taarifa ama maoni kutoka kwa watuhumiwa hao hivyo wakiwa mahabusu watakosa haki yao ya kujieleza mbele ya tume hiyo.

Amesema hivi sasa inaonekana kuna makundi mawili yanayofanya kazi moja kwa maana ya Mahakama na Tume jambo ambalo alisema litakuwa na utata na lenye makusudio ya kuwalinda baadhi ya watu fulani.

Waziri Maghembe afanya ziara ya ghafla sokoni

2011-09-19T19:12:00.001+03:00

Waziri wa Kilimo Chakula na Ushirika, Profesa Jumanne Maghembe akinunua sukari ya kilombero katika Soko la Kipati, Mbagala Jijini Dar es Salaam leo. Sukari hiyo ilikuwa ikiuzwa Shilingi 1,900 kwa kilo moja.

Waziri wa Kilimo Chakula na Ushirika, Profesa Jumanne Maghembe akipata maelezo kutoka kwa Bwana Harshid Chavda mwakilishi wa Kiwanda cha Sukari Kilombero kuhusu kiwango cha uzalishaji kwa siku na kiasi kinachouzwa kwa wasambazaji katika Mkoa wa Dar es Salaam kwa kila siku wakati Waziri alipofanya ziara ya dharura katika ofisi za kiwanda hicho, Gerezani Jijini Dar es Salaam.

Soko jingine laungua Mbeya

2011-09-18T16:28:00.002+03:00

Soko hilo likiungua kwa moto ambao bado haujafahamika chanzo chake.

SOKO dogo lililopo eneo la Forest ya zamani, karibu na Chuo Kikuu cha Mzumbe na Chuo Kikuu Huria jijini Mbeya, limeteketea kwa moto jana usiku. Inadaiwa moto huo ulianza majira ya saa 3 za usiku na kudhibitiwa na zimamoto kabla ya kuleta madhara zaidi.

Tukio hili limetokea ikiwa ni siku moja kutoka soko lingine la Mwanjelwa eneo la SIDO kuteketea kwa moto na kusababisha hasara kubwa. Matukio haya yanayotokea jijini Mbeya yanaacha maswali mengi kwa wananchi kiasi cha kuhoji 'KUNANI MBEYA ?'

Picha kwa hisani ya Mbeya Yetu Blog

Dua wa kuwaombea wahanga wa Mv Spice Island

2011-09-18T16:16:00.001+03:00

Viongozi wa madhehebu mbalimbali ya dini wilayani Arusha wakiwa katika dua ya pamoja katika ukumbi wa CCM mkoa wa Arusha ili kuwaombea marehemu na waathirika wa ajali ya meli ya MV Spice Island iliyotokea mjini Zanzibar wiki iliyopita na kusababisha vifo vya watu 204 na kujeruhi zaidi ya 500,katika dua hiyo pia jumla ya shilingi milioni 3.6 ilichangishwa kama rambirambi ya ajali hiyo(Picha na Happy Lazaro).

Mambo ya vurugu Igunga

2011-09-18T16:15:00.002+03:00

Mjumbe wa Halmashauri kuu ya CCM (NEC) ambaye pia ni mbunge wa Mtera, Livingstone Lusinde akimuonyesha afisa wa polisi kioo cha nyuma cha gari aina ya Toyota Prado T 888 ALL lililorushiwa mawe jana katika kijiji cha Nkinga kati na vijana wanaodhaniwa ni wafuasi wa Chadema. (Picha na Daniel Mjema)

Wakuu wa mikoa wapishwa

2011-09-16T17:24:00.002+03:00

Daniel Ole Njoolay na Stella Manyanya

Rais Kikwete akimkabidhi buku Mkuu wa Mkoa wa Tabora, Fatma Mwassa

Rais Kikwete akimkabidhi buku Mkuu wa Mkoa wa Mbeya, Abbas Kandoro

Picha ya Rais Kikwete pamoja na wakuu wa mikoa ya Tanzania bara

RAIS Jakaya Kikwete jana aliwaapisha wakuu wa mikoa 21 huku kila mmoja akieleza namna alivyopata mstuko kufuatia uteuzi huo.
Wakuu wa mikoa walioapishwa

Wakuu wa mikoa walioapishwa ni mikoa yao kwenye mabano ni Mwantumu Mahiza (Pwani), Ludovick Mwananzila (Shinyanga) na Joel Bendera (Morogoro).

Wengine ni Parseko Kone (Singida), John Tupa (Mara), Said Mwambungu (Ruvuma), Chiku Galawa (Tanga), Leonidas Gama (Kilimanjaro) na Dk Rehema Nchimbi (Dodoma)

Wengine walioapishwa ni Erasto Mbwilo (Manyara), Kanali Fabian Massawe (Kagera), Fatuma Mwasa (Tabora), Ali Rufunga (Lindi), Ernest Ndikilo (Mwanza) na Magesa Mulongo (Arusha).

Wengine ni Abbas Kandoro (Mbeya) Issa Machibya (Kigoma), Joseph Simbakalia (Mtwara).

Soko la Mwanjelwa-2 lateketea kwa moto

2011-09-16T16:47:00.001+03:00

SOKO la Sido lililojengwa na kutumika baada ya kuungua moto kwa Soko kuu la Mwanjelwa jijini Mbeya mwaka 2006, nalo limeteketea kwa moto, kujeruhi watu 20 na kusababisha upotevu mkubwa mali.

Tukio hilo lililosababisha vilio, simanzi na hofu kwa wafanyabishara sokoni hapo limekuja takriban miaka minne na nusu tangu soko la Mwanjelwa liungue moto Desemba, 2006.

Habari zimeeleza kuwa tukio hilo lilitokea majira ya saa 3 asubuhi baada ya eneo la katikati ya soko kulipuka na kuwaka moto katika kipindi ambacho tayari wafanya biashara wameanza kufungua bidhaa zao.

Mashuhuda wa tukio hilo waliklieleza gazeti hili kuwa waliona moto huo katikati ya soko na wafanyabiashara wakijitahidi kuuzima bila mafanikio.

“Kwa kweli moto ni mkubwa na hatujui chanzo chake nini kwani ghafla tumeona moto ukiwaka eneo la soko upande wa katikatika wa soko hilo hivyo kila mtu anashangaa ulikoanzia moto huu,”alisema mmoja aliyejitambulisha kwa jina la Francis James

Alisema kuwa magari ya zimamoto ya halmashauri ya jiji la mbeya yamefika eneo la tukio lakini yameshindwa kuuzima moto huo baada ya kuonesha kuongezeka kwa kasi kuwa mkubwa na badala yake wananchi kufanya juhudi ya kuokoa mali zao.

“Kwa sasa tayari jeshi la polisi limefika hapa kwa ajili ya kuwasaidia wananchi kuokoa mali zao ikiwa ni pamoja na kuzuia vibaka kuiba mali za watu kwani hali ni mbaya wafanyabiashara na wananchi wengi wamechanginikiwa kutokana na magari hayo kushindwa kuzima moto huo,”alisema

Akizungumza na Mwanachi Katibu wa soko kuu la zamani la Mwanjelwa Godfrey Haule alisema kuwa uwezekano wa kuuzima moto ni mgumu kutokana na moto kuendelea kuongezeka kwa kasi na kwamba gari la zimamoto limeondoka eneo la tukio baada ya kuishiwa maji na kwenda kuongeza maji.

Haule alisema kuwa moto huo ulianza kuwaka katika ya soko katika vibanda vya wakina mama lishe (mama ntilie) ambapo moto huo ungeweza kuzimwa mapema lakini walishindwa kufanya hivyo kutokana na kukosa maji kwa sababu mabomba ya yaliyopo katika soko hilo hayatoi maji na hivyo kusubiria magari ya ziamoto ambayo pia yameshindwa kuuzima moto huo.

“Mabomba ya soko yangekuwa yanatio maji tungefanikiwa kuuzima moto mapema lakini tulishindwa baada ya kwenda kungulia mabomba hayo yakakawa hayatoki maji na lilikuja hapa gari la zimamoto pia limeshindwa kuuzima moto huo kutokana na kuwa mkubwa walivhoambulia na kiushiwa maji katioka gari na kwenda kuongeza mengine,”alisema

Meli zingine mbili zazima injini zikitokea bara na Zanzibar

2011-09-15T18:21:00.003+03:00

Boti zazimika baharini

Boti ya Sea Star iliyokuwa imebeba abiria 134 na kuanza safari ya kutoka Unguja kuelekea Pemba, ilitumia dakika 20 tu baharini kabla injini yake moja kuzimika muda mfupi kabla ya kufika eneo la Chumbe.

Mkuu wa gati ya abiria ya Malindi Zanzibar, Basha Haji Salehe alisema baada ya kutokea kwa hitilafu hiyo, nahodha wa boti hiyo alipiga simu bandarini na akamriwa akatishe safari.

Afisa wa usafirishaji wa boti hiyo, Mussa Salum Ali alisema hitilafu ilitokana na mafuta yaliyotumika siku hiyo ambayo baadaye walibaini kuwa yalikuwa yamechanganywa na maji.

Alisema tayari wametoa taarifa katika kituo ambacho wamechukua mafuta hayo na uchunguzi unaendelea na kwamba ikithibitika watarejeshewa gharama zao.

Kwa upande wake, Boti ya Sea Bus II iliyokuwa inatoka kisiwani Pemba kuelekea Unguja, ililazimika kukatisha safari kutokana na injini yake moja pia kuzimika.

Boti hiyo iliyokuwa na abiria 138, ilikatisha safari katika kisiwa cha Matumbini na kulazimika kurudi Mkoani ambako iliagizwa boti nyingine ya kampuni hiyo ya Sea Bus III kwa ajili ya kuwasafirisha abiria waliokwama.

Jiji la Dar es Salaam

2011-09-15T16:45:00.002+03:00

Hapo ni eneo la katikati ya jiji

Posta ya zamani eneo la kihistoria pengine hii ndo alama pekee ukiacha St Joseph na Azania Front zinazoitambulisha Dar es Salaam.

Hapo ni eneo la Wizara ya Ardhi na kwa nyuma yake jengo la wizara ya Ardhi

Ferry Kigamboni

Jiji la Dar es Salaam linakua kwa kasi ni miongoni ma majiji 10 yanayokua kwa kasi duniani, Dar ni ya tisa,
Kukua kwa jiji hili kumeongeza changamoto kila kukicha

Dr Hawa Juma Ngasongwa off to US

2011-09-14T20:30:00.000+03:00

Kenneth LuePhang, Contracting Officer for USAID at the U.S. embassy in Dar es Salaam presents a ticket to an International Visitors Leadership Program (IVLP) participant Dr. Hawa Juma Ngasongwa, a Medical Officer at the Department of Internal Medicine and member of the Tanzanian People's Defense Force who will participate in the Public Health and Infectious Disease Education and Prevention Program in the United States of America.

Kampeni za CCM Igunga

2011-09-14T20:22:00.001+03:00

Wananchi wa Ziba Igunga Mkoani Tabora wakimsikiliza mgombea wa ccm Dk Dalaly Peter Kafumu kwenye mkutano wa kampeni za CCM za uchaguzi mdogo jimbo la Igunga. picha na Fidelis Felix

kampeni za Chadema Igunga

2011-09-14T20:19:00.001+03:00

Katibu Mkuu wa Chama cha Demokrasia na Maendeleo (CHADEMA), Dk. Willibrod Slaa akiwahutubia wananchi wa kijiji cha Kinungu, katika mkutano wa kampeni za ubunge wa jimbo la Igunga jana.

Mbunge wa Jimbo la Maswa Mashariki, Sylvester Kasulumbai akiwahutubia wananchi wa kijiji cha Kinungu, ikiwa ni sehemu wa kampeni za ubunge wa jimbo la Igunga jana.

Rais Jakaya Kikwete afanya mabadiliko ya Wakuu wa Mikoa nchini

2011-09-13T12:09:00.002+03:00

RAIS Jakaya Kikwete amefanya mabadiliko ya Wakuu wa Mikoa nchini.
Katika mabadiliko hayo, amewateua Wakuu wa Mikoa wapya 15, kuwabadilisha vituo vya kazi Wakuu wa Mikoa watano na wengine saba wamestaafu kwa mujibu wa taratibu. Mkuu wa Mkoa wa Singida amebaki kwenye kituo chake cha kazi wakati Wakuu wa Mikoa wengine wanne watapangiwa kazi nyingine.

Aidha, Wakuu wa Mikoa mipya minne ya Simiyu, Geita, Katavi na Njombe itakayoundwa baada ya taratibu kukamilika watatangazwa baadaye.

Kwa mujibu wa mabadiliko hayo, Wakuu wa Wilaya 11 wamepandishwa Vyeo na kuwa Wakuu wa Mikoa kama ifuatavyo: Bw. John Gabriel Tupa ambaye anakuwa Mkuu wa Mkoa wa Mara; Bw. Saidi Thabit Mwambungu (Ruvuma); Bi. Chiku S. Gallawa (Tanga); Bw. Leonidas T. Gama (Kilimanjaro); Dk. Rehema Nchimbi (Dodoma); Bw. Elaston Mbwillo (Manyara); Kanali Fabian Massawe (Kagera); na Bibi. Fatma Abubakar Mwassa (Tabora). Wakuu wa Wilaya wengine walioteuliwa ni Bw. Ali Nassoro Rufunga, (Lindi); Eng. Ernest Welle Ndikillo, (Mwanza); na Bw. Magesa Stanslaus Mulongo Mkuu wa Mkoa (Arusha).

Walioteuliwa nje ya nafasi hizo ni Eng. Stella Manyanya (Rukwa); Bibi Mwantumu Mahiza, (Pwani); Bw. Joel Nkaya Bendera (Morogoro) na Bw. Ludovick Mwananzila (Shinyanga).

Waliobadilishwa vituo vya kazi ni Bw. Abbas Kandoro anayekwenda Mbeya akitokea Mwanza; Bw. Said Mecki Sadiki anayekwenda Dar es Salaam akitokea Lindi; Bibi Christine Ishengoma anayekwenda Iringa akitokea Ruvuma; Lt. Kanali Issa Machibya anayekwenda Kigoma akitokea Morogoro; na Kanali Joseph Simbakalia anayekwenda Mtwara akitokea Kigoma. Dk. Parseko Ole Kone ataendelea kuwa Mkuu wa Mkoa wa Singida.

Waliostaafu ni Bw. Mohammed Babu, aliyekuwa Mkuu wa Mkoa wa Kagera; Bw. Isidore Shirima aliyekuwa Arusha; Kanali (mst.) Anatory Tarimo aliyekuwa Mtwara; Bw. John Mwakipesile, aliyekuwa Mbeya. Wengine ni Kanali Enos Mfuru aliyekuwa Mara; Brig. Jen. Dk. Johanes Balele aliyekuwa Shinyanga; na Meja Jen. Mst. Said S. Kalembo aliyekuwa Tanga.

Wakuu wa Mikoa wanne waliostaafu ambao watapangiwa vituo vingine vya kazi ni Bibi Amina Mrisho aliyekuwa Mkuu wa Mkoa wa Pwani; Dk. James Msekela aliyekuwa Dodoma; Bw. Abeid Mwinyimusa aliyekuwa Tabora na Bw. Daniel Ole Njoolay aliyekuwa Rukwa.

Wakuu wote wa Mikoa waliopo sasa wameagizwa kuandaa Hati za Makabidhiano (Handing Over Notes) katika muda wa siku 14 kuanzia siku ya kuapishwa kwa Wakuu wapya wa Mikoa. Aidha Wakuu wa Wilaya ambao wamepandishwa vyeo kuwa Wakuu wa Mikoa nao wanapaswa kufanya hivyo hivyo kwa ajili ya Wakuu wa Wilaya watakaopangiwa vituo vitakavyokuwa vimeachwa wazi kutokana na uteuzi wao.

Wakuu wa Mikoa ile minne mipya na Wakuu wa Wilaya watakaoteuliwa hapo baadaye nao watatakiwa kuandaa Hati za Makabidhiano ndani ya siku 14 tangu kuapishwa.

Makabidhiano hayo lazima yahusishe pia kutembelea kwa pamoja baadhi ya maeneo na miradi ambayo ni muhimu kama sehemu ya makabidhiano yao.

Wakuu wote wa Mikoa walioteuliwa na Wakuu wa Mikoa minne mipya wakaoteuliwa pamoja na Wakuu wote wa Wilaya watakaoteuliwa baada ya zoezi kukamilika watatakiwa kuhudhuria mafunzo ya wiki tatu kwenye Chuo cha Serikali za Mitaa Hombolo, Dodoma kwa lengo la kuwajengea uwezo zaidi wa kiuongozi na kiutendaji.

Wakuu hao wapya wa mikoa wataapishwa siku ya Ijumaa, Septemba 16, 2011 saa 4.00 asubuhi kwenye viwanja vya Ikulu jijini Dar es Salaam.
Wakuu hao wapya wa mikoa; vituo wanavyokwenda na vituo walivyotoka ni kama ifuatavyo:

Na.	JINA LA MKUU WA MKOA	KITUO AENDAKO	KITUO ATOKAKO
1.	Bw. Saidi Mecki Sadiki	DAR ES SALAAM	RC - Lindi
2.	Bw. John Gabriel Tupa	MARA	DC - Dodoma
3.	Bw. Saidi Thabit Mwambungu	RUVUMA	DC - Morogoro
4.	Kanali Joseph Simbakalia	MTWARA	RC Kigoma
5.	Bi. Chiku S. Gallawa	TANGA	DC - Temeke
6.	Bw. Abbas Kandoro	MBEYA	RC Mwanza
7.	Bw. Leonidas T. Gama	KILIMANJARO	DC – Ilala
8.	Dkt. Parseko Ole Kone	SINGIDA	RC Singida
9.	Eng. Stella Manyanya	RUKWA	Mbunge V/Maalum
10.	Bibi Christine Ishengoma	IRINGA	RC Ruvuma
11.	Dk. Rehema Nchimbi	DODOMA	DC - Newala
12.	Bw. Elaston John Mbwillo	MANYARA	DC – Mtwara
13.	Col. Fabian I. Massawe	KAGERA	DC - Karagwe
14.	Bibi. Mwantumu Mahiza	PWANI	Mbunge/NW Mstaafu
15.	Bibi. Fatma A. Mwassa	TABORA	DC - Mvomero
16.	Bw. Ali Nassoro Rufunga	LINDI	DC - Manyoni
17.	Eng. Ernest Welle Ndikillo	MWANZA	DC - Kilombero
18.	Lt. Col. Issa Machibya	KIGOMA	RC Morogoro
19.	Bw. Magesa S. Mulongo	ARUSHA	DC - Bagamoyo
20.	Bw. Joel Nkaya Bendera	MOROGORO	Mbunge/NW Mstaafu
21.	Bw. Ludovick Mwananzila	SHINYANGA	Mbunge/NW Mstaafu

Maafa ya Zanzibar

2011-09-13T10:39:00.002+03:00

Katibu Mkuu kiongozi Philemon Luhanjo akitoa tamko la serikali kuhusiana na ajali ya meli ya Spice Islander iliyotokea mwishoni mwa wiki.
Rais Dkt.Jakaya mrisho Kikwete akitoa salamu zake za pole mara baada ya kumalizikia kwa dua ya pamoja iliyokuwa maalumu kuwaombea marehemu waliofariki katika ajali ya meli iliyotokea Unguja mwishoni mwa wiki.

Baadhi ya wananchi wa Zanzibar wakiswali wkati wa dua maalumu ya kuwaombea marehemu waliofariki katika ajali ya meli ya Spice Islander iliyotokea mwishoni mwa wiki eneo la Nungwi, Unguja. Swala hiyo ya pamoja ilifanyika jana Septemba 12 katika viwanja vya Maisara.

Balozi wa Marekani nchi Tanzania Alfonso Leinhardt akimfariji Rais Dkt.Jakaya Mrisho Kikwete kufuatia ajali ya meli ya Spice Islanders iliyotokea huko Nungwi, Unguja juzi usiku ambapo watu zaidi 200 wamepoteza maisha na wengine 602 kuokolewa wakiwa hai.Picha na Freddy Maro

Rais Jakaya Mrisho Kikwete akiwafariji na kuwapongeza wananchi wa kijiji cha Nungwi kufuatia juhudi zao za kujitolea kuwaokoa watu waliopata ajali katika meli ya MV Spice Islanders iliyotokea juzi usiku.Meli hiyo ilikuwa ikitokea Unguja kwenda Pemba amapo watu zaidi ya 200 wanahofiwa kufa maji.

Salha Is New Miss Tanzania

2011-09-12T09:04:00.003+03:00

REDDS Miss Ilala Salha Israel bested other 30 ladies to win the 2011 Vodacom Miss Tanzania Pageant during the national finale staged at Mlimani City Conference Centre in Dar es Salaam Saturday night.

In the 18th anniversary of the prestigious beauty pageant, stunning Salha dazzled judges and beauty pageant lovers with her poise and looks and didn't miss a beat during the Q&A session.

The Dar City Centre queen follows Genevieve Emmanuel and will represent Tanzania at the Miss World 2011 in London, England on November 6.

The new Miss Tanzania received a brand new American car model of jeep, a 72m/- Jeep Patriot courtesy of CFAO motors and 8m/- in cash.

The jeep is worth more than seven times in comparison with the value of the Hyundai i10 car awarded to the 2010 winner, Genevieve.

Tracy Sospeter from Shinyanga finished first runner-up, while the second runner-up spot went to Alexia William from Dar City Centre.

The Miss Photogenic, Tracy, received 6.2m/- with Alexia, the winner of Miss Personality, taking home 4m/-.

Fourth and fifth slots were respectively won by Jeniffer Kakolaki, also from Dar City Centre, and Loveness Flavian from Lindi.

They were awarded 3m/- and 2.4m/- respectively. A total of 30 contestants from across the country were involved in the neck to neck battle to succeed Genevieve.

The show was accompanied by rousing performances from among others, Twanga Pepeta, Akili ze Brain, fast-rising "Bongo flava" star Bob Junior and Nasib Abdul Juma, known by his stage name as Diamond and Ugandan songbird Juliana Kanyomozi.

It was another landmark for Ilala, which has been performing well in the national beauty finals, in which the municipality's contestants have either been winning or finishing as runners-up on several occasions.

The municipality last won the Miss Tanzania crown in 2002 through Angela Damas.

In 2003, Miss Ilala, Nargis Mohamed, grabbed the second runner- up spot while the following year saw Miss Ilala, Verdiana Kamugisha, grabbed the first runner- up position.

Ilala impressed again in 2008 by taking the first runner-up position through Sylvia Mashuda, while Juliet Lugembe and Sylvia Shally came second and fourth respectively the following year and Consolata Lukosi finished as second runner-up last year.

Hebu wasome Mmiliki wa Kempiski na Lisa katika sakata la Wiki Leaks JK kununuliwa suti

2011-09-07T07:38:00.001+03:00

Ukitaka kupata habari hizi kwa kina hebu mtembelee ankal Michuzi

http://issamichuzi.blogspot.com/2011/09/albwardy-investment-hits-back-at.html

Rais Kikwete akutana na Nizar Khalfan

2011-09-07T07:14:00.002+03:00

Mtanzania anayecheza Soka ya kulipwa katika timu ya White Caps ya jijini Vancouver Canada Nizar Khalfan akimkabidhi Rais Dkt.Jakaya Kikwete jezi ya timu yake wakati alipokwenda kumsalimu na kumshukuru ikulu jijini Dar es Salaam jana jioni.(picha na Freddy Maro)

Mchezaji maarufu wa soka wa kimataifa wa Tanzania, Nizar khalfan, ameishukuru Serikali ya Rais Jakaya Mrisho Kikwete kwa misaada mingi ambayo Serikali hiyo imekuwa inatoa kwa wanamichezo, wakiwemo wanasoka na hatua nyingine za Serikali hiyo kuunga mkono jitihada za wanamichezo wa Tanzania.

Aidha, Nizar Khalfan amemshukuru Rais Kikwete kwa jitihada binafsi ambazo hatimaye zimechangia katika mafanikio ya Nizar Khalfan katika soka. Mwanasoka huyo wa Tanzania sasa anacheza soka ya kulipwa katika timu ya Whitecaps ya Canada.

Mwanamichezo huyo alimmwagia sifa Rais Kikwete na Serikali yake wakati alipokutana na kufanya naye mazungumzo ya ana kwa ana jioni ya jana, Jumatatu, Septemba 5, 2011, Ikulu, Dar es salaam.

Mwanamichezo huyo pia alimkabidhi Mheshimiwa Rais Kikwete jezi ya timu ya Whitecaps – Jezi Nambari Nne (04) – ikiashiria kuwa Mheshimiwa Jakaya Mrisho Kikwete ni Rais wanne wa Tanzania.

Katika mkutano wake na Mheshimiwa Rais, mwanasoka huyo aliandamana na wafadhili wengine wa soka akiwamo Bwana Rahim Kangezi na Bwana Robert Slavik ambaye pia ni Rais na Mkurugenzi Mtendaji wa kampuni za uchimbaji madini ya Ruby Creek Resources yenye shughuli zake katika wilaya ya Nachingwea, Mkoa wa Lindi.
Katika mazungumzo hayo, Nizar Khalfan, mbali na kumshukuru Rais Kikwete na Serikali yake, pia amemwelezea kiongozi huyo kuhusu maendeleo yake ya soka katika medani ya soka ya kulipwa nchini Canada na matumaini yake ya baadaye.

“Mheshimiwa Rais, sasa Mungu ananisaidia kwa sababu napata nafasi zaidi ya kucheza katika timu yangu,” Nizar Khalfan alimwambia Mheshimiwa Rais na kuongeza kuwa shabaha na nia yake hasa ni kupata nafasi ya kucheza katika ligi kubwa na ngumu zaidi za Ulaya.”

Vodacom Tamzania yapata MD mpya.

2011-09-06T10:10:00.001+03:00

Kampuni ya simu za mkononi ya Vodacom leo imemtangaza Rene Meza kuwa Mkurugenzi
Mtendaji mpya wa kampuni hiyo hapa nchini.

Rene ambae kwa sasa ni Mkurugenzi Mtendaji wa kampuni ya Bharti Airtel Kenya ana uzoefu mpana wa kimataifa katika sekta ya mawasiliano ya simu wa zaidi ya miaka kumi na miwili akiwa ameshafanya kazi barani Afrika, Asia na Larin-Amerika.

Akizungumzia uteuzi huo, Afisa Mtendaji Mkuu wa Vodacom Johan Dennelind amesema:

“Tunayo furaha kubwa kwa Rene kujiunga nasi. Rene analeta uzoefu mpana kutoka nchi
alizowahi kufanyia kazi ikiwemo Paraguay, Pakistan na Kenya na amewahi pia kuwa Afisa Mtendaji Mkuu wa Kampuni ya Millicom’s (Tigo) nchini Tanzania hivyo basi ni wazi majukumu yake mapya katika Vodacom hayatokuwa na ugumu na atayamudu ndani ya muda mfupi.”

Rene anachukua nafasi ya Dietlof Mare ambae ameomba kupangiwa kazi nyengine baada ya kuwa katika nafasi hiyo kwa kipindi cha miaka minne na nusu na hilo linafanyika kama sehemu ya programu ya Vodacom ya maendeleo ya uongozi. Taarifa ya kazi mpya atakayopangiwa itatolewa baadae.

“Napenda kumshukuru Dietlof,chini ya uongozi wake Vodacom Tanzania imepiga hatua kubwa, kwa sasa ni kampuni ya pili kwa ukubwa Afrika ikiwa na wateja zaidi ya milioni tisa ukiacha Vodacom Afrika Kusini. Amekuwa ni kiongozi wa kuhusudiwa na wengine, uendeshwaji wa huduma ya M-Pesa na nyengine zilizobuniwa na kusimamiwa nae zinaiweka Vodacom mahala pazuri kibiashara katika siku za usoni.”Alisema Dennelind.

Dennilend amesema Vodacom itautumia ujuzi wa Dietlof popote katika kundi la makampuni ya Vodacom.

Imetolewa na:
Mwamvita Makamba
Ofisa Mkuu wa Masoko na Mahusiano
Vodacom Tanzania.

Mgombea aenda kuchukua fomu na baiskeli

2011-09-06T09:36:00.002+03:00

Ningelikuwa mimi ningemchagua huyu

Mgombea ubunge kwa tiketi ya UMD, Ndegeya Lazaro akitoka kuchukua fomu ya kuwania nafasi hiyo kwa baiskeri katika ofisi ya Msimamizi wa Uchaguzi Jimbo la Igunga, mkoani Tabora jana. Uchaguzi mdogo unaotarajiwa kufanyika jimboni humo hivi karibuni.Picha na Joseph Zablon.

******************************************************

"Watu wengi ni maskini wa kutupwa ingawa wana raslimali nyingi na mifugo na upande mwingine wanazo fursa za kilimo lakini maenndeleo yao ni ya mwendo wa kinyonga," anasema Lazarous Ndegeya mgombea Ubunge jimbo la Igunga kwa tiketi ya chama cha UMD na kuongeza kuwa hali hhiyo imechangiwa kwa kiasi kikubwa na wanasiasa ambao si wa kweli kwa wapiga kura wao.

"Mimi nataka ubunge Igunga sio kwenda kuwaahidi kuwa eti nitawajengea hiki au kile au sijui nitawaffannyyia nini sijui, mimi si wa namna hiyo isipokuwa nitawaambia ukweli na kushirikiana nao kujeiletea maendeleoe," anasema na kuongeza kuwa serikali haina fedha

Rais Kikwete katika sherehe za Idd Dar, baraza la Iddi Dodoma

2011-08-31T23:41:00.002+03:00

Sheikh Mkuu na mufti wa Tanzania Issa bin Shabaan Simba akimkaribisha katika baraza la Iddi Rais Jakaya Mrisho Kikwete lililofanyika katika msikiti wa Gaddafi Mkoani Dodoma (picha na Freddy Maro).

Rais Jakaya Mrisho Kikwete akiwapa mkono wa Iddi baadhi ya waumini waliohudhuria swala ya Iddi katika msikiti wa Kichangani uliopo Magomeni Mapipa jijini Dar es Salaam leo asubuhi(picha na Freddy Maro)

Rais Jakaya Mrisho Kikwete akiwasalimu waumini waliohudhuria swala ya Iddi katika msikiti wa Kichangani uliopo Magomeni Mapipa jijini Dar es Salaam leo asubuhi.

Futari kwa Makamu wa Rais Dk Bilal

2011-08-28T16:28:00.002+03:00

Makamu wa Rais wa Jamhuri ya Muungano wa Tanzania, Dk Mohammed Gharib Bilal, akiagana na Sheikh Mkuu wa Tanzania, Issa Shaaban Simba, baada ya kumalizika kwa hafla ya futari iliyoandaliwa na Makamu katika makazi yake Oysterbay Dar es Salaam

Rais Dk Jakaya Kikwete, Makamu wake Dk Mohammed Gharib Bilal, Kaimu Mkuu wa Mkoa wa Dar es Salaam, Said Meck Sadick, wakiomba dua kwa pamoja baada ya kupata futari iliyoandaliwa na mwenyeji wao. Picha ya VPO.

Maelfu ya watu wakwama Kilombero, Ulanga

2011-08-28T15:02:00.002+03:00

MV Kilombero (ii), MV Kilombero - II, MV kilombero II, MV Kilombero

Baadhi ya abiria wakitoka katika kivuko cha MV Kilombero II upande wa wilaya ya Kilombero wakitokea upande wa wilaya ya Ulanga. (Picha zote na Venance George)

MAELFU ya watu na zaidi ya magari 300 yamekwama kwenye kivuko cha mto Kilombero, mkoani Morogoro, kwa siku tatu sasa kufuatia vivuko viwili vinavyotoa huduma mtoni hapo cha Mv Kilombero I na Mv Kilombero II kupata hitilafu.
Mkuu wa Wilaya ya Kilombero, Evarist Ndikilo, alisema vivuko hivyo vimepata hitilafu kufuatia kina cha maji kupungua na kusababisha kukita chini kwenye gati ya upande wa Wilaya ya Ulanga.
Ingawa jitihada za kufukua mchanga hufanywa mara kwa mara kuviwezesha vivuko hivyo kuengeshwa, lakini hatua hiyo imetafsiriwa kuchangia vivuko hivyo kugonga kwenye gati na kusababisha hitilafu.
Ndikilo alisema kivuko cha Mv Kilombero II kilipata hitilafu ya kupasuka moja ya injini zake Agosti 26, hivyo kulazimika kusitisha safari.
Alisema kwa vile mto huo kuna vivuko viwili, Katibu Mkuu wa Wizara ya Uchukuzi, Omar Chambo, aliagiza kivuko cha zamani cha Mv Kilombero I kuanza kufanya kazi mara moja, huku Wakala wa Ufundi na Umeme (Tamesa) akiagizwa kuanza kukifanyia matengenezo kivuko kilichoharibika.
Hata hivyo, Ndikilo alisema kivuko cha zamani nacho jana kilipata hitilafu ya kutoboka moja ya matangi ya hewa na kuanza kuingiza maji, hali aliyodai ingeweza kuleta hatari kwa abiria na mali zao.
“Pia, tuliona kivuko hicho nacho kisimamishwe ili kifanyiwe matengenezo hayo ya dharura, ikiwamo kurekebisha mbao zilizojengwa kwenye kivuko hicho, ambazo zimekuwa zikileta usumbufu na kuhatarisha maisha ya abiria,” alisema.
Ndikilo alisisitiza kuwa Tamesa chini ya Chambo ambaye alifika eneo la tukio jana, imechukua hatua za dharura kufungua injini iliyopasuka ya Mv Kilombero II na inatarajiwa kupelekwa Mang’ula ili kuchomelewa.
Pia, alisema Serikali imejipanga kuleta injini mpya inayotarajiwa kuwasili Kilombero kati ya wiki moja au mbili zijazo, ili kuziba pengo la injini iliyoharibika.
“Matengenezo tutakayoyafanya pale Mang’ula ni ya dharura tu, kuwezesha huduma zisisimame kwa muda mrefu, tuna matumaini baada ya injini hiyo kurekebishwa itarejeshwa na kufungwa kwenye kivuko ndani ya siku chache zijazo,” alisema.

Aliwaomba wananchi na wasafiri wanaotumia vivuko vya mto huo kuwa wavumilivu kwa madai kuwa, kutokea kwa hitilafu kama hiyo ni jambo la kawaida kutokana na vifaa hivyo kuwa ni vyombo vya moto. Habari hii imeandikwa na
Venance George wa Mwananchi Morogoro

Mbunge Silima aliyenusurika jana afariki dunia

2011-08-23T14:30:00.002+03:00

Marehemu mbunge Silima

MBUNGE mteule kutoka Baraza la Wawakilishi Zanzibar, Mussa Khamis Silima, ambaye alipata ajali juzi katika aneo la Nzuguni, Dodoma, amefariki dunia leo. Pichani juu: Marehemu akiwa katika machela baada ya kushushwa kwenye gari juzi katika Hospitali ya Taifa Muhimbili, akitokea Uwanja wa Ndege wa Kimataifa wa Dar es Salaam, alikoletwa na ndege kutoka Dodoma pamoja na gari alilopata nalo ajali. Mke wa marehemu, Mwanaheri Fahari nae alifariki katika ajali hiyo na kuzikwa jana na dereva wao Chezani Sebunga alijeruhiwa.

Mwanawe Gaddafi aapa kupambana na waasi

2011-08-23T09:33:00.003+03:00

Mwanawe Gaddafi Saif al-Islam

Mtoto wa kiume wa Kanali Muammar Gaddafi, Saif al-Islam, ambaye awali waasi walidai kuwa wamemkamata, amejitokeza katika hoteli moja inayoshikiliwa na wafuasi wa Kanali Gaddafi.

Mwandishi wa BBC Matthew Price amezungumza na Saif al-islam na kusema kuwa anaonekana kuwa mchangamfu na shauku kuu.

Saif al-Islam amesema waasi wameingia kwenye ''mtego'' mjini Tripoli na kwamba wanajeshi wanaomuunga mkoni Kanali Gaddafi walikuwa ''wamevunja uti wa mgogo wa waasi hao''.

Waasi wanaopigana kuudhibiti mji mkuu wa LibyaTripoli , wamerudishwa nyuma na wanajeshi wanaomuunga mkono Kanali Muammar Gaddafi.

Lakini wakati mapigano yanapoendelea katika maeneo mbalimbali ya mji, msafara wa waasi kutoka mashariki mwa nchi ulirudishwa nyuma.

Bado hajulikani alipo Kanali Gaddafi

Jumapili iliyopita waasi walidai kuwa walikuwa wamemkamata Saif al-Islam, pamoja na familia yake.

Hata hivyo, bado Kanali Gaddafi hajulikani alipo. Nyumba yake inalindwa na wapiganaji wanaomtii.

Waasi hao walioingia mjini Tripoli jumamosi iliyopita walikaribishwa watu waliokuwa wakisheherekea katika bustani ya Green Square wakati walipowasili siku ya jumapili.

Waasi hao wamesema kuwa wameweka vizuizi katika sehemu mbalimbali za mji lakini wanakabiliwa na upinzani mkali katika baadhi ya maeneo.

Kamanda wa waasi amesema wanadhibiti asilimia 90 ya mji wa Tripoli.

Kiongozi wa Baraza la Mpito la kitaifa (NTC), Mustafa Abdel Jalil, amesema wakati wa ushindi halisi utakuwa pale watakapo mkamata Kanali Gaddafi.

Rais Obama apongeza watu wa Libya

Rais Barrack Obama amewapongeza watu wa Libya kwa kile alichokitaja kama ''kujitolea mhanga kusipokuwa kwa kawaida''. Obama amesema watu wa Libya wanakaribia kupata kile wanachohitaji.

Katibu mkuu wa Umoja wa mataifa, Ban Ki-Moon naye amewakumbusha wanachama wa Umoja huo kuwa, wanajukumu la kuheshimu mahakama ya kimataifa ya jinai, ambayo imetoa hati za kuwakamata Kanali Gaddafi, mtoto wake wa kiume Saif al Islam na mkuu wake wa idara ya ujasusi.

Baadhi ya viongozi wa waasi wanasema afadhali wafunguliwe mashtaka nchini Libya na sio katika mahakama ya kimataifa ya ICC, mjini The Hague.

Attachments Dwight Howard wa Orlando Magic akutana na Rais Kikwete Ikulu

2011-08-23T09:26:00.004+03:00

Rais Dkt.Jakaya Mrisho Kikwete(kulia), Balozi wa Marekani nchini Tanzania Alfonso Lenhardt (kushoto) wakiwa katika picha ya pamoja na nyota wa mchezo wa kikapu nchini Marekani Dwight Howard(Katikati)wakati nyota huyo alipomtembelea Rais ikulu jijini Dar es Salaam jana.Nyota huyo anachezea klabu ya Orlando Magic.(picha zote na Freddy Maro)

Nyota mchezo wa kikapu nchini Marekani Dwight Howard akimwangalia Simba aliyekaushwa kitaalamu na kupamba lango la ikulu jijini Dar es Salaam huku akifurahia jambo na Rais Jakaya Mrisho Kikwete wakati nyota huyo alipokwenda ikulu kumsalimia Rais na kutoa ahadi ya kutoa msaada ili kukuza vipaji vya mchezo huo nchini.

Mchezaji maarufu wa mpira wa Kikapu duniani Dwight Howard akimkabidhi Rais Jakaya Mrisho Kikwete zawadi ya jezi wakati nyota huyo alipomtembelea Rais ikulu jijini Dar es Salaam jana. Dwight Howard ni mchezaji nyota wa timu ya kikapu ya Orlando Magic ya nchini Marekani.

Grand Malt yazindua chupa ya mililita 330

2011-08-18T18:18:00.000+03:00

KAMPUNI ya Bia Tanzania (TBL) kupitia kinywaji chake cha Grand Malt imezindua chupa mpya ya aina yake yenye ujazo wa mililita 330 katika kiwanda chake cha Dar es Salaam jana.

Kinywaji hicho, ambacho hakina kilevi kwa sasa kinauzwa kwenye kopo zenye ujazo wa mililita 330 lakini kuanzia leo kitapatikana kwenye chupa mpya itakayouzwa Sh1,000 kwa chupa na Sh 20,000 kwa kasha kwa bei ya reja reja.

“Chupa hii mpya itaziba pengo katika soko na kukifanya kinywaji hiki kupatikana kwa urahisi,” alisema Mkurugenzi wa Masoko wa TBL David Minja huku akisisitiza kuwa kinwaji hicho bado kitapatikana kwenye kopo pia.

Alisema Grand Malt ilizinduliwa Aprili mwaka jana lakini kwa sasa ni kinywaji namba moja kisichokuwa na kilevi Tanzania. “Tunawashukuru sana wateja wetu na umma kwa ujumla kwa kukikubali kinywaji hiki na kukifanya kiwe namba moja. Tunawahakikishia kuwa kitakuwepo sokoni muda wote ili kuendelea kuwaburudisha watanzania,” alisema Minja.

“Tunapozindua kinywaji hiki leo, tunapenda kuwahakikishia wateja wetu kuwa kinywaji kitakachouzwa kwenye chupa ni sawa na kile ambacho kinauzwa kwenye kopo, ambacho kina vitamini na mchanganyiko wa maziwa ya aina yake,” alisema Minja.

Meneja wa Grand Malt Consolata Adam alisema, “Grand Malt ilizinduliwa Tanzania mwaka jana na leo tunapozindua chupa hii mpya, tunawashukuru wateja wetu kwa kutuunga mkono.”

Alisema kinywaji hicho kimetokea kuwa bora kwa sababu ya ladha yake nzuri inayoifanya inyweke kirahisi kwa kuwa ina vitamini, laktosi yenye ladha nzuri, inayoitofautisha na malt zingine sokoni.

“Kinywaji hiki kinawafaa wafanyakazi wenye shughuli nyingi lakini pia kinafaa kwa matumizi ya nyumbani, wafanyakazi wa usiku, wanafunzi, vikao vya kibiashara na sherehe nyinginezo,” alisema Bi Consolata.

Alisema TBL itaendelea kukitangaza na kusambaza kinwaji hiki na kuhakikisha kinawafikia watanzania wengi zaidi popote walipo.

Dk Shein atembelea wizara mbalimbali

2011-08-17T14:41:00.003+03:00

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akizungumza na Uongozi wa Wizara ya Habari, Utalii, Utamaduni na Michezo, katika ukumbi wa Ikulu Mjini Zanzibar, akiwa katika mfululizo wa ratiba zake za kuzungumza na kila Wizara, katika kuhakikisha kila taasisi za wizara hiyo inatekeleza majukumu yake.

Rais wa Zabziar na Mwenyekiti wa Baraza la Mapinduzi Alhaj Dk Ali Mohamed Shein,akizungumza na uongozi wa Wizara ya Habari,Utalii,Utamaduni na Michezo,katika mkutano uliojadili mambo ya utekelezaji wa majukumu ya wizara hiyo ambayo yataweza kukuza uchumi wetu na kuwaletea maendeleo wananchi,(kushoto) Makamo wa Pili wa Rais Balozi Seif Ali Iddi.

Rais wa Zabziar na Mwenyekiti wa Baraza la Mapinduzi Alhaj Dk Ali Mohamed Shein,akifuatari na Uongozi wa Benki ya watu wa Zanzibar,PBZ,uliomualika Rais katika futari iliyowashirikisha baadhi ya wananchi mbali mbali katika Hoteli ya Zanzibar Beach Resort leo.

Baadhi ya Wananchi na wafanya biashara mbali mbali wakifutari kwa pamoja pia akiwemo Rais wa Zanzibar na Mwenyekiti wa Baraza la Mapinduzi Alhaj Dk Ali Mohamed Shein,pamoja na Uongozi wa Benki ya watu wa Zanzibar,PBZ,ulioyarisha futari hiyo ikiwa ni kila mwaka huwaalika watu mbali mbali katika Hoteli ya Zanzibar Beach Resort.

Rais wa Zabziar na Mwenyekiti wa Baraza la Mapinduzi Alhaj Dk Ali Mohamed Shein, akitia chakula cha futari iliyoandaliwa na Uongozi wa Benki ya watu wa Zanzibar, PBZ, wakati aliposhiriki pamoja na viongozi wengine pia wakiwemo wafanya biashara mbali nbali, katika Hoteli ya Zanzibar Beach Resort leo. Picha na Ramadhan Othman Ikulu.

Watoto yatima wa Don Bosco Kimara Suka wapata boost

2011-08-15T12:24:00.002+03:00

Wafanyakazi wa kitengo cha fedha ya benki ya Stanbic wakicheza ngoma ya mduara na watoto yatima wa Don Bosco Kimara Suka wakati wa hafla fupi ambapo wafanyikazi hao walitoa msaada wenye thamani ya wa Tsh milioni 2 wa fedha na vyakula mbali mbali.

Wafanyakazi wa Kitengo cha Fedha cha Benki ya Stanbic, wakiongozwa na Mkuu wa kitengo hicho Lydia Kukugonza (wa mwisho kulia) wakipiga picha ya pamoja na watoto yatima wa kituo cha Don Bosco kilichopo Kimara Suka jijini Dar es Salaam. Wafanyakazi hao walitoa msaada wa vyakula, vitu mbali mbali na fedha taslim vyenye thamani ya Tshs milioni 2 kwa kituo hicho.

Mkuu wa kitengo cha Fedha benki ya Stanbic, Lydia Kokugonza (mwisho kulia) akikabidhi hundi ya kwa Bw. Moses Ngenzi, Afisa ya elimu nyumba ya watoto yatima ya Don Bosco iliyo Kimara Suka. Benki ya Stanbic ilota msaada wenye thamani ya Tsh milioni 2 wa fedha na vyakula mbali mbali

Wafanyakazi wa kitengo cha fedha benki ya Stanbic, wakikabidhi msaada wa vyakula mbali mballi kwa viongozi wa nyumba ya watoto yatima ya Don Bosco Kimara Suka. Benki ya Stanbic wenye thamani ya milioni 2 wa fedha and vyakula mbali mbali. Picha kwa hisani ya Stanbic.

Mafuta bei juu tena

2011-08-14T15:34:00.003+03:00

Meneja wa Biashara wa Mamlaka ya udhibiti wa nishati na maji(EWURA)Mhandisi Godwin Samweli akizungumza na waandishi wa habari jijini Dar es Salaam leo,alipotangaza bei mpya ya mafuta,kulia ni Mkuu wa Idara ya Mawasaliano na Uhusiano Titus Kaguo. Picha na Michael Jamson

&&&&&&&&&&&&&&&&&&&&&&&

Kama ilivyo ada, na kulingana na Kanuni ya Kukokotoa bei za
bidhaa za mafuta ya petroli bei zimekuwa zikikokotolewa na kutangazwa na
Mamlaka ya Udhibiti wa Huduma za Nishati na Maji (EWURA) kila baada ya wiki mbili.
EWURA inatangaza bei elekezi/kikomo za mafuta ya petroli nchini zitakazoanza kutumika
kuanzia Jumatatu, Tarehe 15 Agosti 2011.
Bei hizi zimekokotolewa kwa kuzingatia kanuni mpya
iliyoanza kutumika mwanzoni mwa mwezi huu. Pamoja na kutambua bei elekezi/kikomo za bidhaa
mbalimbali za petroli nchi nzima, ni muhimu kuzingatia yafuatayo:

(a) Bei za jumla na rejareja kwa aina zote za mafuta zimepanda ikilinganishwa na bei zilizokokotolewa kwa ajili ya kuanza kutumika tarehe 1 Agosti 2011 ambazo zilitangazwa tarehe 3 Agosti 2011. Katika toleo hili bei zimepanda kama ifuatavyo: Petroli TZS 100.34 sawa na asilimia 5.51, Dizeli TZS 120.47, sawa na asilimia 6.30 na Mafuta ya taa TZS 100.87, sawa na asilimia 5.30. Mabadiliko haya ya bei za mafuta nchini yametokana na kupanda sana kwa bei ya mafuta katika soko la dunia na kuendelea kushuka kwa thamani ya Shilingi ya Tanzania ikilinganishwa na dola ya Marekani (sarafu ambayo hutumika katika manunuzi ya bidhaa za mafuta kwenye soko la dunia).

Kwa mfano, kwa viwango vya bei zilizotumika katika chapisho hili, bei katika soko la dunia zimepanda kwa wastani wa asilimia 5.42 na thamani ya shillingi ya Tanzania imeshuka kwa shilingi 47.12 (asilimia 2.96) kwa dola moja ya Marekani. Bei za jumla kwa kulinganisha matoleo haya mawili zimepanda kama ifuatavyo: Petroli TZS 110.34 sawa na asilimia 5.70; Dizeli TZS 120.47 sawa na asilimia 6.54; na Mafuta ya Taa TZS 100.87 sawa na asilimia 5.49.

(b) Bei za rejareja na za jumla zingepanda zaidi endapo formula ya zamani ingeendelea kutumika. Kwa kulinganisha vigezo vilivyo katika fomula ya zamani na fomula mpya, bei za mafuta zingekuwa kama ifuatavyo: SOURCE: EWURA

Pinda azindua ujenzi wa nyumba NHC

2011-08-14T13:16:00.003+03:00

Waziri Mkuu, Mizengo Pinda akikata utepe alipokuwa akizindua ujenzi wa nyumba za makazi za Medeli, mjini Dodoma juzi. Kushoto ni Waziri wa Ardhi, Nyumba na Maendeleo ya Makazi, Prof Anna Tibaijuka.
Waziri Mkuu, Mizengo Pinda akizungumza na Waziri wa Ardhi, Nyumba na Maendeleo ya Makazi, Prof Anna Tibaijika (kulia kwake) Naibu Waziri wa Ardhi, Goodluck Ole Medeye (aliyevaa kofia), Mkurugenzi Mkuu wa Shirika la Nyumba la Taifa, Nehemia Mchechu (kushoto) baada ya kutoka kutazama nyumba mpya zilizojengwa na shirika hilo katika uzinduzi wa wa ujenzi wa nyumba za makazi za Medeli, mjini Dodoma juzi. Kulia ni Spika wa Bunge Mama Anne Makinda.

VODACOM MISS TANZANIA WAELEKEA MOSHI

2011-08-14T13:12:00.002+03:00

Warembo wa Vodacom Miss Tanzania 2011, wakipiga picha katika daraja la mto Wami, Wilaya ya Bagamoyo Mkoani Pwani jana wakati wakiwa safarini kuelekea mikoa ya Kanda ya Kaskazini kutembelea Mbuga za wanyama ikiwa ni sehemu ya kuhamasisha utalii wa ndani nchini.

Mbowe: Tutakwenda sote Ofisi za Manispaa na tutalala pale

2011-08-11T09:06:00.000+03:00

Jioni ya leo hapa jijini Arusha ambapo Mweyekiti wa Chama cha Demokrasia na Maendeleo Freeman Mbowe amesema kuwepo madarakani hadi 2015 kwa Serikali ya Rais Jakaya Kikwete ni haki kikatiba, lakini akaonya kuwa umma unaweza kuamua vinginevyo iwapo Serikali itashindwa kuongoza kwa kujibu mahitaji na maslahi ya jamii.

Akihutubia mkutano mkubwa wa hadhara uliofanyika katika Viwanja vya NMC eneo la Unga Ltd mjini hapa alisema chama chake kinataka amani na ufumbuzi wa kudumu kuhusu tatizo la umeya Arusha ili kuruhusu shughuli za maendeleo na kiuchumi ziendelee kwa kufanyika mazungumzo ya haki na yenye nia njema kwa maslahi ya umma badala ya vyama kama ambavyo CCM kimekuwa ikifanya kuhusu mgogoro huo.

“Amani itapatikana kwa kutenda haki. Amani haiwezi kupatikana kwa kauli za viongozi au vitisho. Tumekubaliana na Waziri Mkuu siku 30 kumaliza mgogoro wa Umeya Arusha, baada hapo tutakwenda sote Ofisi za Manispaa na tutalala pale hadi kieleweke,” alisema Mbowe.

Alisema uamuzi wa kuwatimua madiwani ulikuwa mgumu na ulifikiwa usiku wa manane katika kikao kilichoanza Saa 3:00 asubuhi baada ya wahusika kukataa kusikiliza ushauri wa watu mbalimbali wakiwamo viongozi wa dini waliowataka kutekeleza maagizo ya Kamati Kuu.

Naye Katibu Mkuu wa Chadema, Dk Willbrod Slaa alisema yeye na chama chake wapo tayari kufanya maandamano nchi nzima kutoka Mwanza hadi Ikulu ya Magogoni Dar es Salaam kumuomba Rais Jakaya Kikwete kuachia madaraka, iwapo ameshindwa kuhimili nguvu ya umma inayotaka mabadiliko na utatuzi wa matatizo kadhaa yanayoikabili taifa.

Tishio hilo la Dk Slaa linakuja miezi michache baada ya Rais Kikwete kuhutubia taifa mnamo mwezi na kueleza kwambaba, maandamano ya Chadema katika kona mbalimbali nchini yalikuwa na dhamira ya kutaka kuingia madarakani kwa mabavu licha ya kumalizika uchaguzi mkuu wa Oktoba mwaka jana.

Alitishia kufanya maandamano ya nchi nzima ambayo atayaongoza kuanzia Mwanza hadi Ikulu ya Magogoni Dar es Salaam kumuomba Rais Kikwete kuachia madaraka kutokana na taifa kukabiliwa na matatizo mengi huku yeye akiwa ameshindwa kuyatatua.

Wenje

Mbunge wa Nyamagana, Ezekia Wenje na mwenzake wa Iringa Mjini, Mchungaji Peter Msigwa walisema wananchi wa majimbo yao wanaunga mkono uamuzi wa kuwatimua madiwani wasaliti huku Msigwa akienda mbali zaidi kwa kusema kila mapinduzi hutengeneza mashujaa na wasaliti wake.

Mwenyekiti wa Halmashauri ya Karatu, Lazaro Maasai alimuonya Mkurugenzi wa Manispaa ya Arusha kuwa ataongoza wananchi wa Arusha kumfungia nje iwapo ataendelea kuwatambua na kuwaruhusu madiwani waliofukuzwa uanachama.

Wasomalia hawawezi kusubiri tena

2011-08-11T08:11:00.002+03:00

Mwandishi Maalum, New York

Balozi Augustine Mahiga, Mwakilishi Maalum wa Katibu Mkuu wa Umoja wa Mataifa nchini Somalia, ameliambia Baraza Kuu la Usalama kwamba wananchi wa Somalia ambao wanakabiliwa na baa la njaa na ukame hawawezi kuendelea kusubiri tena.

Akizungumza kwa njia ya video teleconference kutokea Mogadishu jana Mahiga alisema zinahitajika dola za kimarekani Bilioni Moja ili kukabiliana na janga hilo la njaa na ukame.

Mahiga aliwataka wajumbe wa Baraza hilo, kuzichagiza serikali zao zichangie kwa haraka na kwa kiwango cha kuridhisha misaada ya kibinadamu kwa mamilioni ya wananchi wa Somalia.

Hata hivyo anasema, hadi wakati anazungumza na Baraza hilo, fedha au michango ambayo imekwisha tolewa na jumuia ya kimataifa ilikuwa haijafikia hata nusu ya mahitajio halisi.

“ Ninawaomba nyie wajumbe wa Baraza Kuu la Usalama, mzihamasishe serikali zenu zichangie kwa haraka na kuokoa maisha ya wasomali. Kwa ujumla niseme wasomali hawawezi kuendelea kusubiri zaidi” akasema Mahiga.
Balozi Mahiga anasema hali ni ya kutisha, watu wanapoteza maisha kwa idadi kubwa na hasa watoto wadogo.
Akizungumzia hali ya kisiasa na kiusalama na hasa baada ya wapiganaji wa Al Shabaab kuondoka mjini Mogadishu. Mahiga anasema kuondoka kwa kundi hilo kumetoa fursa lakini na changamoto pia.
“Kuondoka kwao kwa kweli ni mshango mkubwa kwetu sote. Na kumetoa changamoto na fursa pia. Fursa ya kwamba sasa Serikali ya Mpito ( TFG) kwa kushirikiana na Vikosi ya Kulinda Amani ( AMISOM)sasa wanashikilia asilimia 95 ya mji wa Mogadishu kwa mara ya kwanza. Changamoto ni namna ya kuendelea kuyashikilia maeneo hayo yaliyoachwa na kundi hilo”. anasisitiza Mahiga.
Anasema, kwa kuimarisha eneo lililoachwa na Al Shabaab kutasaida pia katika kulizuia kundi hilo lisireje tena katika maeneo ambako limeondoka.
Akabainisha kuwa baada ya kundi hilo kurudi nyuma na kutokomea katika maeneo tofauti na likiwa limegawanyika katika mkundi mawili, kumeongeza kasi ya usambazaji wa misaada ya kibanadamu kwa waathirika.
Na kwamba wananchi wengi waliokuwa wakiishi maeneo yaliyokuwa yakishikiliwa na kundi hilo, sasa wanakimbili mjini Mogadishu kutafuta chakula.
Akasema Ofisi ya kisiasa ambayo pia iko chini yake inaendelea kujipanga kwa kufanya tathmini na uchambuzi wa mahitaji halisi ambayo siyo tu yataviwezesha AMISOM na TFG kukalia maeneo yaliyoachwa na Al-Shabaab , bali kuchukua maeneo mengine zaidi na hivyo kupanua wigo wake.
Wakati huo huo Balozi wa Marekani katika Umoja wa Mataifa, Bi Susan Rice amesema serikali yake inaunga mkono kazi kubwa inayofanywa na Mwakilishi Maalum wa Katibu Mkuu nchini Somalia, Balozi Augustine Mahiga.
Akizungumza na waandishi wa habari mara baada ya mkutano wa Baraza Kuu. Susan Rice alisema serikali yake imekuwa ikifuatilia kwa karibu kazi nzuri na kubwa inayofanywa na Balozi Mahiga nchini Somalia . Pamoja na vikosi vya kulinda amani vya Afrika na kwamba inaunga mkono kila hatua ya juhudi hizo.
Akabainisha kuwa Marekani, nchi ambayo kwa sasa ndiyo inayoongoza kwa kutoka misaada katika Pembe ya Afrika.Itaendelea kuchangia kwa hali na mali ikiwamo misaada ya kibinadamu kwa wananchi wa Somalia. Pamoja na jitihada za kurejesha amani ya kudumu katika taifa hilo.

Mwili wa Jenerali Mayunga waagwa leo Lugalo

2011-08-10T10:56:00.000+03:00

Rais wa Mstaafu wa awamu ya tatu, Benjamin Mkapa, akitoa heshima za mwisho mbele ya Jeneza lenye mwili wa Marehemu Luteni Jenerali mstaafu, Silas Peter Mayunga, wakati wa shughuli ya kuaga iliyofanyika kwenye Kambi ya Jeshi Lugalo jijini Dar es Salaam leo Agost 10.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akitoa mkono wa pole kwa familia ya marehemu Luteni Jenerali, Silas Peter Mayunga, wakati wa shughuli ya kuaga iliyofanyika kwenye Kambi ya Jeshi Lugalo jijini Dar es Salaam leo Agost 10.
Rais wa Jamhuri ya Muungano wa Tanzania, Dkt. Jakaya Kikwete, akitoa heshima za mwisho mbele ya Jeneza lenye mwili wa Marehemu Luteni Jenerali mstaafu, Silas Peter Mayunga, wakati wa shughuli ya kuaga iliyofanyika kwenye Kambi ya Jeshi Lugalo jijini Dar es Salaam leo Agost 10.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, Mkuu wa Majeshi, Davis Mwamunyange, Waziri wa Ulinzi, Hussein Mwiny, Mnadhimu Mkuu wa Jeshi, Shimbo na Jaji Mkuu Mstaafu, Agustino Ramadhan, wakiwa katika shughuli ya mazishi kuaga mwili wa marehemu Luteni Jenerali mstaafu, Silas Mayungi kwenye Viwanja vya Kambi ya Jeshi Lugalo leo Agost 10.
Rais wa Jamhuri ya Muungano wa Tanzania, Dkt. Jakaya Kikwete, akisaini katika kitabu cha maombolezo ya kifo cha Luteni Jenerali mstaafu, Silas Peter Mayunga, aliyefariki hivi karibuni. Shughuli ya kugwa kwa mwili ya marehemu Mayunga imefanyika leo Agost 10, katika Kambi ya Jeshi Lugalo jijini Dar es Salaam. Picha zote na Muhidin Sufiani-OMR

Shida kubwa ya maji

2011-08-10T09:33:00.002+03:00

Mkazi wa Migoli, Wilayani Iringa akitoka kuchota maji katika bwawa la Mtera. Maji hayo huuzwa ndoo sh 500 kutokana na uhaba wa maji unaokikabili kijiji cha Kigoli. Picha na Tumaini Msowoya.

Mama wa mapacha watatu aomba msaada kwa wadau

2011-08-10T09:00:00.003+03:00

Mapacha watatu na mama yao.
Mapacha wakiwa katika picha ya pamoja.

NEEMA ya kupata watoto mapacha watatu kwa mpigo aliyoipata mkazi wa Manzese, Dar es Salaam, Amina Abubakar, imegeuka balaa na sasa mwanamke huyo anaomba msaada wa kuwasomesha.
Akizungumza ofisi za gazeti hili jana, Amina alisema sababu ya kuomba msaada huo ni kutokana na mapacha hao kufikisha umri wa kwenda shule wakati maandalizi aliyojitahidi kufanya hayajazaa matunda, huku muda unazidi kusogea.
Alisema hatua hiyo inatokana na mwanaume aliyekuwa na uhusiano naye kumkimbia tangu kuzaliwa kwa watoto hao miaka minne iliyopita.
Amina alisema alikuwa na uhusiano wa mapenzi na mwanaume ambaye alikuwa mfanyabiashara eneo la Mabibo, ambaye alikuwa anafika Dar es Salaam kutoka mkoani na kuondoka wakati yeye akiwa mamalishe.
Alisema baada ya kupata ujauzito, mwanaume huyo hakuonekana tena hadi anajifungua hajui alipo.
“Nilipokuja hapa wakati wanangu wakiwa na miezi minane nilipata msaada mkubwa baada ya Kampuni hii kunitoa kwenye gazeti nawashukuru sana, kwa hiyo nimerudi tena ili nione kama nitapata msaada wa kuwalipia ada,” alisema Amina.
Alisema hivi sasa anaendelea na biashara ya mamalishe, lakini kutokana na maisha kuwa magumu hata mahitaji muhimu ya watoto anashindwa kuyatimiza.
Kwa yeyote atakayeguswa anaomba awasiliane naye kupitia namba zifuatazo: 0718 263 968. Au Pia waweza kumpigia simu mwandishi wa habari hizi 0655 110 105

Habari hii imendikwa na Gedius Rwiza: SOURCE: MWANANCHI

Kizaazaa cha mafuta: Serikali yatoa tamko rasmi, BP, Engen, Oilcom na Camel Oil matatani

2011-08-10T08:01:00.004+03:00

Mkurugenzi wa Mamlaka ya udhibiti wa Nishati ya maji na mafuta(EWURA) Haruna Masebo akizungumza na waandishi wa habari jijini Dar es Salaam jana kuhusu maamuzi ya serikali yaliyofikia katika kutatua tatizo la mgomo wa wauuzaji wa mafuta.Picha na Fidelis Felix

EWURA imetoa Compliance Order ( amri ya kutii amri) kwa makampuni manne ambayo ni BP, Engen, Oilcom na Camel Oil, ambapo wanatakiwa watekeleze hatua zifuatazo:

1. Mara moja wanatakiwa kuanza kutoa huduma katika maghala yao ikiwa ni pamoja na kuanza kuuza mafuta katika vituo vya rejareja ikiwemo vituo vilivyo chini ya miliki zao;
2. Waache mara moja kitendo chochote kitakachosababisha upungufu wa makusudi wa mafuta ya petroli katika soko la Tanzania; na
3. katika kipindi cha masaa 24 wajieleze kwa nini wasichukuliwe hatua za kisheria dhidi yao kwa kukiuka matakwa ya Sheria ya Mafuta pamoja na Sheria ya EWURA.
Hebu cheki http://michuzi-matukio.blogspot.com/2011/08/tamko-la-waziri-wa-nishati-na-madini.html#links

Dk Migiro azindua ripoti ya utafiti na mpango wa kitaifa wa kushughulikia ukatili kwa watoto

2011-08-09T19:41:00.002+03:00

Naibu Katibu Mkuu wa Umoja wa Mataifa,Dk Asha Rose Migiro akizungumzia umuhimu wa Taifa kusimamia haki ya mtoto ya kuishi kwa amani na furaha bila kufanyiwa Ukatili wa aina yoyote katika Kilele cha uzinduzi wa ripoti ya Utafiti na Mpango wa Kitaifa wa kushughulikia “Ukatili kwa Watoto” na mpango wa Udhibiti wa Taifa.

Katikati ni Naibu Katibu Mkuu Umoja Mataifa Dr. Asha Rose Migiro, wa pili kushoto ni Waziri wa Maendeleo ya jamii, Jinsia na Watoto Sophia Simba, wa kwanza kushoto Waziri wa Elimu na mafunzo ya ufundi Dr. Shukuru Kawambwa, wa Pili Kulia ni Naibu Waziri Ofisi ya Waziri Mkuu -TAMISEMI (Elimu) Mh. Majaliwa Majaaliwa na wa Kwanza Kulia ni Waziri wa Afya na Ustawi wa Jamii Dk Haji Mponda kwa pamoja wakikaribisha maandamano yaliyokuwa yakiingia katika viwanja vya Karimjee jana.

Waziri Mkuu Pinda akiteta na mtoto

2011-08-09T15:21:00.000+03:00

Waziri Mkuu, Mizengo Pinda akimsikiliza mtoto Oliver Stephene (9) akimwambia jambo Waziri Mkuu, Mizengo Pinda wakati alipokuwa akitembelea mabanda kwenye Kilele cha Maonyesho ya Wakulima Nanenane wa Mwalimu J. K. Nyerere Mjini Morogoro Augost 8, 2011.(Picha na Ofisi ya Waziri Mkuu)

Mkurugenzi wa Uhamiaji Rwanda azuru Tanzania

2011-08-09T08:24:00.002+03:00

Kamishna Mkuu wa Uhamiaji Tanzania, Mgnus Ulungi (kushoto) akizungumza na Mkurugenzi wa Uhamiaji Rwanda Kalibata Anaclet (Katikati) kuhusu masuala mbali ya uhamiaji wakati mkurugenzi huyo aliptembelea Makao Makuu ya Idara ya Uhamiaji, Kurasini, Dar es Salaam jana. (Picha na Uhamiaji)

Kila la Kheri Miss Universe Tanzania 2011 Nelly Kamwelu

2011-08-09T07:48:00.005+03:00

Unayemuona pichani ni Nelly Kamwelu, Miss Universe Tanzania 2011. Nelly ndiye atakayebeba bendera yetu akituwakilisha katika mashindano ya dunia ya Miss Universe ambayo kwa mwaka huu yatafanyikia huko Sao Paulo, Brazil ndani ya Credicard Hall kunako tarehe 12 September, 2011. Tunamtakia kila la kheri Nelly katika maandalizi yake. Picha zimepigwa na Mdau Moiz Hussein.
Hebu cheki hapa kwa taarifa zaidi http://www.hakingowi.com/2011/08/kila-la-kheri-miss-universe-tanzania.html

Suala la mafuta bado shida kubwa

2011-08-08T20:41:00.004+03:00

Foleni katika kituo cha mafuta GBP Sinza. Picha zote za Jackson Odoyo.

Wamiliki wa vituo mbalimbali vya mafuta jijini Dar es Salaam wamepuuza onyo la serikali la kushusha bei ya mafuta baada ya kuendelea na mgomo.

Vurugu katika soko la mafuta zilianza Agosti 4 baada ya Ewura kushusha bei ya petroli kwa Sh202.37 kwa lita ambayo ni sawa na asimilia 9.17, dizeli kwa Sh173.49 ambayo ni sawa na asilimia 8.32 na mafuta ya taa kwa 181.37, sawa na asilimia 8.70.

Hata hivyo, wakati baadhi ya makampuni yakificha bidhaa hiyo, taarifa zinasema wamekuwa wakipanga na kuzungumza kuhusu kufanya mgomo huo baridi.

Kutokana na idadi kubwa ya wafanyabiashara kusitisha kuuza mafuta, vituo vichache vilivyotii agizo la Serikali jana vilikuwa na misururu mirefu kiasi cha kuweka ‘kanuni’ za uuzaji.

Kwa mfano katika Kituo cha Big Bon, Sinza hakuna aliyeruhusiwa kununua mafuta ya Sh 10,000 ili na wengine wapate. Pia kuna kituo kingine cha mafuta cha GBP ambako kulionekana kuna misururu mirefu ya wateja.

Hali katika kituo hicho ilikuwa tete kwani foleni ilikuwa kubwa na kufanya watumiaji wengine wa njia hiyo kushindwa kupita.

Foleni kutoka katika kituo hicho kilichopo Sinza Mori ilifika mpaka Palestina hadi mchana baada ya wahudumu kusitisha uuzaji kutokana na ghasia ambazo zilisababishwa na watu waliokuwa wakilazimisha kununua mafuta kwa kutumia ‘vidumu’.
Vituo vingi katika maeneo ya Tabata vilikuwa vikiuza mafuta ya taa na dizeli tu bila ya petroli.

Tamko la Taomac

Hata hivyo, Mkurugenzi Mtendaji wa Toamac, Salum Bisalala alikanusha kuhusu suala la wafanyabiashara kupanga bei akisisitiza vikao vya Ewura ndivyo vinavyowakutanisha katika kujadili mipango ya serikali kwenye uagizaji wa bidhaa hizo.

Bisarara alilalamika kwamba wakiuza kwa kutumia bei elekezi ziliyotolewa na Ewura, wafanyabishara wanapata hasara ya Sh150 mpaka 250 kwa kila lita ya mafuta wanayouza.

Msemaji wa umoja huo Salum Bisalala alisema jijini Dar es Salaam jana kuwa, sheria inakataza wanachama wa umoja huo kukaa pamoja na kujadili masuala ya bei za mafuta na kwa hivyo isingiwezekana kwa wao kukaa kwani kitendo hicho ni kinyume na sheria.

Bisalala alisema kuwa, kufuatia utekelezaji wa bei mpya za mafuta zilizoanza kutumika mwanzoni mwa mwezi huu, makampuni yalijikuta yakiuza katika bei ya hasara jambo ambalo hata hivyo lilipokekelewa kwa mtizamo tofauti kutoka kampuni moja hadi nyingine.

“Baada ya kutangazwa kwa bei mpya kampuni zilijikuta zikipata hasara ya kati ya shilingi 150/- na 250/- kwa kila lita. Baadaye makampuni yalikuwa na mkutano kati ya Katibu Mkuu wa Wizara ya Nishati na Madini pamoja na EWURA kwa ajili ya kujadili suala hili. Katibu Mkuu aliyaomba yaendelee kuuza kwa bei ya hasara wakati suala hilo likitafutiwa ufumbuzi,” alieleza.

Kwa mujibu wa Bisalala wawakilishi wa makampuni walimwomba Katibu Mkuu awape muda ili waweze kuwasiliana na wakubwa zao kabla ya kutoa jibu la ndiyo au hapana kuhusiana na pendekezo hilo.

“Baada ya hapo kila mwakilishi aliwasiliana na wakuu zake. Mwakilishi wa Engen aliambiwa na wakuu wake anaweza kuuza kwa bei ya hasara kwa masaa 24. Lakini baadhi ya vyombo vya habari viliripoti vibaya kuwa aliipa serikali masaa 24 kurekebisha bei jambo ambalo siyo la kweli hata kidogo.

Baadhi ya vyombo vya habari vilikwenda mbali zaidi na kusema kuwa mwakilishi wa Engen likaidi agizo la serikali na pia aliyashawishi makampuni mengine kugoma kuuza mafuta. Hili nalo si kweli kwani sheria kama nilivyosema hapo awali hairuhusu makampuni haya kujadili suala la bei za mafuta,” alifafanua

Alifafanua kwamba, kuna tofauti kutoka kwa kampuni moja ya mafuta hadi nyingine na kuongeza kuwa yapo makubwa na madogo na hata uwezo wao pia unatofautiana na ndiyo sababu kila kampuni lilipokea suala la bei kwa mtazamo wake.

Kwa upande wake mwakilishi wa Engen Seelen Naidoo, anayetuhumiwa kuipa serikali saa 24 iwe imefidia hasara yao, alisema kuwa kilichotokea ni kuwa yeye kama msimamizi wa utendaji wa kampuni hiyo katika kazi za kila siku alipewa ruhusa ya kuuza kwa bei ya hasara kwa saa 24 tu na huo ulikuwa ni msimamo wa kampuni yake akisisitiza haukuwa na uhusiano wowote na makampuni nyingine.

“Hasara ya kati ya 150/- hadi 250/- kwa lita siyo ndogo. Wakubwa zangu walisema uwezo wetu wa kuuza kwa hasara ni saa 24 kwa sababu tungeedelea zaidi ya hapo tungeweza kupata hasara kubwa zaidi na hata kulazimika kufunga biashara maana tungekuwa tunakula mtaji,” alifafanua.

Mtatiro anusurika ajalini Moro

2011-08-08T18:33:00.003+03:00

NAIBU Katibu Mkuu wa Chama cha Wananchi (CUF), Julius Mtatiro na abiria wengine watano waliokuwa wakisafiri kutoka Igunga walikofanya maandalizi ya uchaguzi mdogo kuelekea Dar es Salaam wamenusurika kifo katika ajali mbaya ya gari.

Ajali hiyo ilitokea jana jioni kilomita karibu 10 kutoka mjini Morogoro barabara ya kuelekea Dar es Salaam na kumsababishia majeraha kiongozi huyo na abiria wenzake.

Akizungumza na Mwananchi jana jioni katika eneo la ajali Mtatiro alisema kuwa gari waliyokuwa nayo aina ya Toyota Land Cruiser lilikatika ‘stadi’ za tairi moja la nyuma na kusababisha gari hilo kuyumba na kukosa welekeo hali iliyosababisha dereva kulipeleka upande wa kulia ambapo lilipinduka.

Hata hivyo akizungumza baadaye Ofisa Habari na Mawasiliano wa CUF, Silas Bwire alisema hali ya Naibu Katibu huyo ilikuwa ikiendelea vizuri na walikuwa wamepelekwa Hospitali ya Mkoa wa Morogoro kwa ajili ya matibabu na kuwa walioumia ni watu wawili kati ya watano waliokuwa naye.

Kamanda wa Polisi wa Mkoa wa Morogoro, Adolfina Chialo hakuweza kupatikana mara moja kwa maelezo kuwa alikuwa na ugeni katika maadhimisho ya sherehe za Nane Nane.

Sita wauawa Singida

Wakati huohuo Mwandishi Gaspar Andrew kutoka Singida anaripoti kwamba watu sita wameuawa kwa tuhuma za kuteka magari kwenye Mlima Sekenke Barabara Kuu ya Singida kwenda Igunga jana saa 12 jioni.
Ofisa upelelezi wa mkoa, Ayub Kenge alithibitisha tukio hilo na kusisitiza kwamba Kamanda wa Polisi Mkoa huo atatoa taarifa zaidi leo asubuhi.
Waliouawa hawakujulikana majina yao, lakini miili yao ilifikishwa Hospitali ya Mkoa wa Singida na kwamba katika tukio hilo walikutwa na bunduki pamoja na magazine tano zenye risasi 105 pamoja na mabomu saba ya kutupa kwa mikono.

Ajali yaua diwani

2011-08-08T18:24:00.002+03:00

ALIYEKUWA Diwani wa kata ya Hai Mjini Mkoani Kilimanjaro Ombaeli Lema (37) pamoja na mkewe Rachel Uronu (35) wamefariki dunia katika ajali ya gari.

Ajali hiyo iliyotokea katika barabara kuu ya Sanya Juu, Bomang’ombe katika maeneo ya Kwa Mose kijiji cha Mungushi ilihusisha magari mawili aina ya Fuso na Toyota Pick up yaliyogongana uso kwa uso.

Kwa mujibu wa taarifa kutoka kwa kamanda wa polisi mkoani Kilimanjaro, Absalomu Mwakyoma ajali hiyo ilitokea Agosti saba mwaka huu, majira ya saa tatu usiku katika kijiji cha Mungushi Wilayani Hai Mkoani Kilimanjaro.

Alisema katika ajali hiyo lori la mizigo aina ya Fuso lenye namba T 279 ACL lilikuwa likiendeshwa na Hezekieli Mwafifi liligongana na gari dogo aina ya Toyota Pick Up lenye namba za usajili T954 AFU lililokuwa likiendeshwa na marehemu Ombaeli Lema.

Alisema gari hilo dogo, lililokuwa na Diwani pamoja na mkewe waliokuwa wametoka nyumbani kwa wazazi wao katika kijiji cha Ivaeny maeneo ya Kibong’oto na walikuwa wakirejea nyumbani kwao maeneo ya Bomang’ombe Wilayani Hai.

Alisema gari aina Fuso lililokuwa likielekea Sanya Juu lilipofika eneo la tukio ndipo lilipogongana na gari hilo dogo na kusababisha vifo vya wanafamilia hao.

Kwa mujibu wa taarifa toka kwa Kamanda alisema Ombaeli Lema alifia papo hapo na mkewe alifariki mara baada ya kufikishwa katika hospitali ya Rufaa ya KCMC ya mjini Moshi

Hata hivyo kamanda huyo alisema kuwa dereva wa lori anashikiliwa na Jeshi na polisi huku upelelezi zaidi ukiendelea na mwili wa marehemu Ombaeli Lema umehifadhiwa katika hospitali Kibong’oto huku mwili wa mkewe Rachel umehifadhiwa katika hospitali ya KCMC. SOURCE: MWANANCHI

Warembo Miss Tanzania waanza kambi rasmi

2011-08-08T17:11:00.002+03:00

Warembo wanaowania taji la Vodacom Miss Tanzania 2011, wakiwa katika picha ya pamoja baada ya kuwasili katika kambi yao iliyopo Hotel ya Giraffe Ocean View Mbezi Beach jijini Dar es Salaam jana. (Picha na Mpigapicha Wetu).

Mkuu wa Udhamini wa Vodacom Tanzania, George Rwehumbiza akizungumza na warembo wanaowania taji la Miss Tanzania 2011, baada ya kuwasili katika kambi yao iliyopo Hotel ya Giraffe Ocean View Mbezi Beach jijini Dar es Salaam jana. (Picha na Mpigapicha Wetu).

Mwandishi Wetu

JUMLA ya warembo 30 kutoka kanda tofauti nchini leo wameanza rasmi kambi ya Vodacom Miss Tanzania 2011 yaliyopangwa kufanyika Septemba 10 kwenye ukumbi wa Mlimani City kwa mfumo tofauti na ule uliozoeleka miaka ya nyuma ambapo warembo walikuwa wakikaa kambini katika Hotel ya Giraffe iliyopo jijini Dar es Salaam.

Vodacom Tanzania ambao ndio wadhamamini wakuu wa shindano la Vodacom Miss Tanzania kwa miaka kadhaa mfululizo safari hii wamebadilisha kabisa muundo wa awali na hivyo walimbwende hao watakaa ndani ya jumba maalum lililopewa jina ‘Vodacom House’.

Mkuu wa Udhamini wa kampuni hiyo George Rwehumbiza amesema jijini Dar es Salaam kuwa lengo la kufikiwa kwa mabadiliko hayo ni kulifanya shindano hilo liwe na muonekano tofauti kama ilivyo kwa Vodacom ambayo imebadili muonekano wake na kasi ya utoaji huduma.

“Safari hii warembo 30 wanaoshiriki shindano hili la Vodacom Miss Tanzania wataishi kwenye jumba maalum ‘Vodacom House’ na humo watafundishwa vitu mbalimbali ikiwemo jinsi ya kukabiliana na vishawishi hususan katika masuala ya kimapenzi,” alisema Rwehumbiza.

Akitaja malengo mengine ya kuwaweka washiriki hao ndani ya jumba hilo Mkuu huyo wa udhamini alisema kampuni yake kwa sasa inatoa huduma kwa teknolojia yenye kasi zaidi hivyo warembo hawana budi kuendana nayo kwa kufundishwa aina ya kula, kuondoa ulimbukeni mara wanapopata umaarufu.

Mabadiliko haya yatalifanya shindano hili kuwa bora na linaloenda na wakati kama zilivyo huduma zetu yaliyotokana na mabadiliko ya nembo yetu. Wakiwa ndani ya jumba warembo watakaa kwa wiki tatu wakijifunza masuala ya kijamii, alisema Rwehumbiza.

Kwa upande wake Mkurugenzi wa Lino Agency waandaaji wa shindano hilo Hashim Lundenga amesema kwa mwaka huu wanataka warembo wenye sifa ikiwemo elimu, muonekano na tabia nzuri ili mshindi atakayepatikana aweze kutuwakilisha vema katika medani za kimataifa.

“Sisi hatuangalii mshiriki ametoka wapi iwe kijijini au mjini, tunachozingatia ni mrembo kukidhi viwango vya shindano ikiwemo sifa tunazozitaka ili mwisho wa siku kila mtu ajivunie mafanikio aliyoyapata akiwa ndani ya jumba la Vodacom House na atumie kigezo hicho kufanikiwa kimaisha,” alisema Lundenga.

Lundenga alisema kuwa mfumo wa mashindano ya mwaka huu, umebadilika ambapo jumla ya warembo 15 wataingia hatua ya nusu fainali baadala ya 10 kama ilivyokuwa miaka ya nyuma.

Alisema kuwa kati ya warembo hao 10, watano watapatikana katika mashindano maalum wakiwa katika Vodacom House. Kwa mujibu wa Lundenga, kutakuwa na mashindano ya Top Model ambayo yatafanyika leo na baadaye kufuatiwa na mashindano ya Vipaji (Talent), Mrembo bora wa muonekano katika picha (Miss Photogenic), Mrembo bora wa michezo (Top Sports Woman) na mrembo atakayeonyesha ushirikiano mkubwa na uchangamfu katika kambi, Miss Personality.

Ili kuishirikisha jamii, maisha ya washiriki hao wa Vodacom Miss Tanzania 2011 ndani ya Vodacom House yatakuwa yakioneshwa moja kwa moja ‘Live’ na vituo vya Startv pamoja na Clouds TV ili kutoa nafasi kwa watazamaji kumpigia kura mrembo anayefaa kuvikwa taji hilo na kumrithi Genevieve Mpangala mshindi anayemaliza muda wake.

Kilele cha Nane Nane

2011-08-08T12:10:00.002+03:00

Waziri wa Kilimo Chakula na Ushirika, Profesa Jumanne Maghembe akipata maelezo kutoka kwa Mwakilishi wa Kampuni ya Jain Irrigation System ya India kuhusu umwagiliaji wa matone wenya gharama nafuu kwenye Maadhimisho ya Sikukuu ya Wakulima, Nane Nane katika viwanja vya Nzuguni, Manispaa ya Dodoma leo (Picha na Issa Sabuni, WKCU)

Maonyesho ya Nane nane Moro

2011-08-07T18:02:00.002+03:00

Wakazi wa Manispaa ya Morogoro wakiangalia ndege aina ya mbuni katika banda la Halmashauri ya mji mdogo wa Kibaha katika maonyesho ya wakulima kanda ya mashariki uwanja wa Mwalimu Julius Nyerere Nanenane ambayo yanafikia kilele chake leo mkoani hapa. Picha za Juma Mtanda

Chadema yawatimua madiwani wake watano

2011-08-07T18:00:00.000+03:00

KAMATI kuu ya chadema jana imetangaza kuwatimua uanachama madiwani watano wa chama hicho katika halmashauri ya jiji la Arusha, akiwepo Naibu Meya, Estomih Mallah kwa tuhuma za kudharau maamuzi ya chama hicho.

Madiwani hao, Mallah wa kata ya Kimandolu, John Bayo(Elerai), Reuben Ngoi(Themi) Charles Mpanda(Kaloleni) na Diwani wa viti maalum,Rehema Mohamed, kutokana na kufukuzwa uanachama kisheria sasa wamepoteza nafasi zao za udiwani.

Akizungumza na waandishi wa habari jana, Mwenyekiti wa chadema, Freema Mbowe, alisema kamati kuu ya chadema imefikia maamuzi hayo magumu baada ya jitihada zote za kumaliza mgogoro huo kukwama.

“kwa masikitiko makubwa kamati kuu ya chadema kutokana na mamlaka kikatiba imewafukuza uanachama madiwani watano kwa kukataa kutekeleza maamuzi halali ya chama”alisema Mbowe.

Hata hivyo, jana wakizungumza na mwananchi katika hoteli ya Darban waliyokuwa wamefikia madiwani, hao, walieleza kupinga uamuzi huo na wameahidi kukata rufani katika baraza kuu la chadema.

“tulikuja Dodoma tukijua tunakuja kufukuzwa lakini, tuliamini huenda busara zingetumika na kutambua kuwa maamuzi yetu ya kuingia katika muafaka yalikuwa ni sahihi kwa manufaa ya mji wa Arusha”alisema Mwenyekiti wa madiwani hao, Mallah.

Hata hivyo, walisema wanatarajia kukutana na wananchi waliowachagua na kueleza kilichotokea hapa Dodoma.

Akizungumzia maamuzi hayo, Mbowe alisema kamati kuu ilipokea taarifa ya utekelezaji wa maagizo yaliyotolewa julai 17 mwaka huu, iliyowataka madiwani hao, baada ya kusaini muafaka huo,kujiuzuru.

Mbowe alisema madiwani hao, pia waliagizwa kuomba radhi kwa makosa waliyokuwa wamefanya kutokana na mwafaka uliofikiwa baina yao na madiwani wa CCM na TLP bila ridhaa ya chama.

Walemavu wachangiwa mamilioni katika hafla

2011-08-07T11:37:00.004+03:00

Mgeni rasmi katika hafla hiyo, Fatma Kharoos akipokea shati kwaajili ya mkurugenzi wa taasisi ya walemavu wa macho nchini, James Shimwenye kutoka kwa Mrembo.
Msanii TID kitumbuiza katika onyesho hilo
Mkurugenzi wa taasisi ya walemavu wa macho nchini, James Shimwenye akipokea mojawapo ya hundi ambapo walemavu nchini walichangiwa zaidi ya shilingi milioni 100 kwa ajili ya kununulia vifaa vya kuwasaidia.
Michango hiyo ilitolewa kwenye hafla iliyoandaliwa na kampuni ya Allure International na kufanyika katika Hoteli ya Moven Pick, jijini Dar es Salaam. Katika hafla hiyo mkurugenzi wa RBP, Rahma Al-kharoos ambaye alikuwa mgeni rasmi aliahidi kutoa shilingi milioni 100 kuwasaidia walemavu wenye matatizo ya macho nchini.

Asia Idarous na Mama Kharoos

Mgeni rasmi katika hafla hiyo, Fatma Kharoos

Baa la njaa laanza kusumbua nchini

2011-08-07T11:27:00.002+03:00

Msije mkala mkasaza na kisha mkamwaga mjue kuna wenzenu huko Tanzania hii hii wanakabilia na njaa kali hebu angali wakazi wa Kitongoji cha Kilimahewa Kata ya Endiamtu Wilayani Simanjiro mkoani Manyara wenye upungufu wa chakula wakipokea mahindi ya msaada kutoka Serikalini. Picha na Joseph Lyimo.

Maonyesho ya nane nane Nzunguni

2011-08-07T11:11:00.003+03:00

Mkulima akiwa na Punda wake ambaye amesheheni mzigo kwenye mkokoteni akiingia katika viwanja vya maonyesho ya nane nane Nzuguni Mjini Dodoma jana. Picha na Habel Chidawali

Azam FC ziarani Uganda & Rwanda

2011-08-05T16:53:00.005+03:00

Mshambuliaji wa timu ya Azam Mrisho Ngassa (juu) kifungia timu yake bao la tatu kwa tikitaka wakati wa mechi ya kirafiki dhidi ya JKT Ruvu kwenye Uwanja wa Azam uliopo Chamazi nje kidogo ya jiji la Dar es Salaam jana Azam ilishinda bao 3-2, Picha na Jackson Odoyo

&&&&&&&&&&&&&&&&&&&&&&&&&&&&&&&&&&&&&

Mshambuliaji wa timu ya Azam Mrisho Ngassa kifungia timu yake bao la tatu kwa tikitaka wakati wa mechi ya kirafiki dhidi ya JKT Ruvu kwenye Uwanja wa Azam uliopo Chamazi nje kidogo ya jiji la Dar es Salaam jana Azam ilishinda bao 3-2,Picha na Jackson Odoyo

BAADA ya kumalizia mechi za kilafiki na timu za hapa nyumbani hapo kesho jumamosi tarehe 6/8/2011, ambapo itacheza na Polisi Dodoma kwenye uwanja wa Azam Stadium, Azam FC inatarajiwa kuondoka siku ya Jumatatu machana na shirika la ndege la (Uganda Air Uganda) kuelekea nchini Uganda na Rwanda kukamilisha ziara yake ya maandalizi ya ligi kuu VPL inayotarajiwa kuanza August 20 mwaka huu.
Azam FC wataondoka kuelekea Uganda August 8 mwaka huu, wakiwa huko watacheza mechi nne za kujipima dhidi ya timu zinazoongoza katika ligi kuu ya Uganda.
Kikosi kamili cha Azam kitawasili nchini jijini Kampala, Uganda siku hiyo hiyo na kucheza mchezo wake wa kwanza August 9 dhidi ya mabingwa wa ligi ya Uganda Bunamwanya FC mchezo utakaochezwa katika uwanja wa Nakivubo.
Baada ya mechi hiyo siku inayofata timu itakuwa mapumziko na kufanya ziara katika ofisi za ubalozi wa Tanzania nchi Uganda ‘Tanzania High Commission’.
Siku ya Alhamis ya tarehe 11 August, Azam FC watacheza dhidi ya Sport Club Villa ya nchini humu na siku ya Ijumaa itacheza na KCC FC mechi zote zitachezwa katika uwanja wa Nakivubo.
Timu itapumzika siku moja kabla ya kucheza na Victors FC ambao ndiyo wenyeji wa Azam FC nchini Unganda siku ya Jumamosi ya tarehe 14 August, huo utakuwa mchezo wao wa mwisho kukamilisha ziara ya nchini Uganda, Azam FC itapumzika siku inaofata kwa maandalizi ya kuelekea nchini Rwanda siku ya Jumanne tarehe 16/08/2011 na kucheza na Polisi Rwanda siku inayofuata tarehe 17/08/2011. Azam FC watarejea Tanzania tarehe 18/08/2011 tayari kuanza ligi kuu ya Vodacom.
Baada ya kukamilika ziara hiyo timu itarejea katika mazoezi ya siku mbili kwa ajili ya mechi ya yake ya kwanza ya ligi kuu ya Vodacom VPL, dhidi ya Moro United itakayofanyika Azam Stadium jijini Dar es Salaam.

Afrika Mashariki watakiwa kuchukua hatua biashara ya mihadarati

2011-08-05T16:33:00.003+03:00

NAIBU katibu Mkuu wa Jumuiya ya Afrika Mashariki(EAC) anayeshughulikia shirikisho la kisiasa, Beatrice Kiraso (pichani), ametaka nchi wanachama kuchukua hatua za haraka kukabiliana na biashara haramu ya mihadarati na usafirishaji wa binadamu.
Ametoa kauli hiyo kufuatia kuongezeka kwa takwimu zinazoashiria kuwa nchi za Afrika Mashariki zimeanza kuwa njia kuu za kufanikisha biashara hizo.
Akiwahutubia wakuu wa majeshi ya polisi kutoka nchi wanachama wa Jumuiya ya Afrika Mashariki (EAC), ofisa mwandamizi huyo wa EAC alisema nchi wanachama lazima zichukue hatua za makusudi kukabiliana na uhalifu huo.
Alisema kwa kukabiliana na uhalifu huo nchi wanachama zitakuwa zimebaki kuwa salama kwa maendeleo ya kiuchumi na uwekezaji.
"Biashara hii ya mihadarati na binadamu haituweki katika nafasi nzuri kama kweli tunataka kushawishi uwekezaji zaidi katika utalii na shughuli nyingine za uzalishaji,’’ alisema wakati akifungua mkutano huo Juzi mjini Arusha.
Alizitaka nchi wanachama kuunganisha nguvu zao kukabiliana na uhalifu huo unaotishia amani.
Ili kufanikisha uchunguzi wa kisayansi , ofisa huyo mtendaji wa ngazi za juu ameshauri kuanzishwa kwa kituo kikubwa cha maabara ya uchunguzi katika jumuiya ya Afrika Mashariki.
Wataalamu kutoka Ujerumani, alisema, wapo tayari kutia shime katika juhudi hizo.
Ofisa huyo pia amesema kwamba ni vyema kukamilisha mkataba kati ya wanachama wa Jumuiya ya Afrika Mashariki ya kubadilishana wafungwa na wahalifu kwa manufaa ya EAC.
"Shambulio la kigaidi lililotokea Kampala Julai 2010 ni funzo kubwa kwetu, hali ambayo inatukumbusha haja ya kuwa na mkataba huo," alisema Kiraso katika hotuba yake ambayo Shirika la Huru la Habari la Afrika Mashariki (EANA) inayo.

Mambo mapya teknolojia ya mawasiliano

2011-08-05T16:09:00.002+03:00

Information lost through the loss of a mobile phone handset, will now be easily recovered, following a new service to be provided by Jupiter Solutions Limited. Above, The Tanzania Communications Regulatory Authority (TCRA) Director General Prof. John S. Nkoma presents a National Application Service Licence to the Operations Director Mwenge Kabinda , at Mawasiliano Towers in Dar es Salaam yesterday. Jupiter Solutions Ltd increases number licencees in this category to 73. (Photo by Courtesy of TCRA)

Overcrowding of communication towers at a single place, will be history in the country, in the near future: Above, The Tanzania Communications Regulatory Authority (TCRA) Director General Prof. John S. Nkoma presents a Licence to the Chief Executive Officer of HTT Infraco Limited Simom Horner a National Network Facilities licence, at Mawasiliano Towers in Dar es Salaam yesterday. HTT Infraco Ltd increases number of licensees in this category to 16. (Photo by Courtesy of TCRA)

Mahalu awataja Mkapa, Kikwete mahakamani

2011-08-04T19:28:00.002+03:00

Aliyekuwa Balozi wa Tanzania nchini Italia Prof Costa Mahalu akiangalia vielelezo vyake vya ushahidi katika mahakama ya Hakimu Mkazi Kisutu jijini Dar es Salaam jana,kabla ya kutoa ushahidi na kesi yake ya kuhujumu uchumi na kuisababishia hasara Serikali zaidi ya sh Bilioni 2,kuahilishwa hadi tarehe 26 mwezi huu.Picha na Michael Jamson

ALIYEKUWA Balozi wa Tanzania nchini Italia, Profesa Costa Mahalu ameieleza Mahakama kuwa alimtaarifu Rais Mstaafu, Benjamin Mkapa kuhusu hali ya ofisi ya ubalozi ilivyokuwa mbaya.

Mahalu na aliyekuwa Ofisa Utawala wa ubalozi huo, Grace Martin, wanakabiliwa na kesi ya kuhujumu uchumi na kuisababishia Serikali, hasara ya zaidi ya Sh2bilioni wakati wa ununuzi wa jengo la ofisi za ubalozi wa Tanzania mjini Rome, Italia.

Jana katika Mahakama ya Hakimu Mkazi Kisutu, Mahalu alitumia zaidi ya saa tatu kujitetea huku baadhi ya utetezi wake ukitawaliwa na kukataliwa kwa baadhi ya nyaraka alizoziwalisha kama ushahidi.

Akiongozwa na wakili wake, Mabere Marando, Mahalu alidai kuwa mwaka 2001 wakati Mkapa alipokwenda Brussels nchini Ubelgiji, alionana naye na kumtaarifu kuhusu hali ya ofisi za ubalozi huo kuwa mbaya.

“Mwezi Mei mwaka 2001, nilitaarifiwa kuwa Mkapa atakwenda Ubelgiji na mimi nilimwomba Katibu Mkuu wangu, Balozi Kibelo aniruhusu nikamweleze juu ya matatizo yaliyokuwa kwenye ofisi yetu,"alidai Mahalu na kuongeza:

“Nilionana na Rais Mkapa na aliniambia anafahamu suala hilo kwa kuwa ofisi za ubalozi huo, zilikuwa zimefungwa kwa muda mrefu hivyo aliniambia atajitahidi kupata fedha za kujenga ama kununua jengo lenye hadhi za ofisi za ubalozi.”

Mkapa ni mmoja wa mashahidi wa upande wa utetezi ambaye tayari aliwasilisha utetezi wake wa maandishi ulioandaliwa kwa njia ya kiapo kumtetea Profesa Mahalu.
Kwa mujibu wa kiapo chake kilichowasilishwa mahakamani hapo, Mkapa anadai kuwa jengo la ofisi ya ubalozi mjini Rome, lilinunuliwa wakati ambao yeye akiwa Rais wa Jamhuri ya Muungano wa Tanzania.

Alidai kwamba ununuzi wa jengo hilo ulifanyika kwa mujibu wa sera ya Serikali ya kumiliki au kujenga ofisi za kudumu na makazi kwa mabalozi nje ya Tanzania ikiwa ni njia mojawapo ya kupunguza gharama kwa Serikali.

Maelezo zaidi ya Mahalu
Mahalu alidai kuwa baada ya kuonana na Mkapa, alimjulisha Balozi Kibelo juu ya mazungumzo yao na kwamba alimuahidi kuwa atalifuatilia na kulipeleka katika bajeti ya wizara husika.
Alidai kuwa masuala yote ya fedha yalikuwa yakiletwa kwake, lakini alikuwa hayashughulikii moja kwa moja kwa sababu chini yake kulikuwa na mhasibu.
SOURCE :MWANANCHI

mke wa rais wa burundi aanza ziara ya siku sita nchini leo

2011-08-04T19:21:00.001+03:00

Mke wa Rais wa Burundi Mama Denise Bucumi (kushoto) akiongea na waandishi wa habari katika Ofisi za Taasisi ya WAMA jijini Dar es Salaam leo baada ya kufanya mazugumzo na Mwenyeji wake mke wa Rais na Mwenyekiti wa Taasisi ya WAMA Mama Salma Kikwete (kulia), Mke huyo wa Rais wa Burundi atakuwa na ziara ya siku sita nchini. Picha zote za Mwanakombo Jumaa wa MAELEZO

Kanikumbusha mbali saana jamaa

2011-08-04T19:17:00.002+03:00

Huyu jamaa ananikumbusha mbaaali saana aina yake ya ukinyozi anaoufanya ni long time ago hakika imenikumbusha miaka ileeee chini ya mwembe ambapo mzee wangu alikuwakinipeleka chini ya Mwembe mambo yamebadilika saana siku hizi tuna vijibanda au fremu zinazoitwa saloon kinafanyika kila kitu , lakini mzee wangu huyu yeye anasonga mbele na kazi yake. Kazi inayompatia kipato halali, hadhulumu, wala kukaba wala kufisadi ya mtu yeye anakula vichwa tuuu.

Wingu zito lazidi kutanda UDA

2011-08-03T13:48:00.002+03:00

Makamu Mwenyekiti wa Kamati ya Bunge ya Hesabu za Mashirika ya Umma, Deo Filikunjombe akiwaonyesha waandishi wa habari jinsi Idi Simba alivyoingiziwa Sh 250milioni katika akaunti yake ikiwa malipo ya kuuza hisa za Shirika la Usafirishaji Dar es Salaam (UDA), mjini Dodoma jana.

Habel Chidawali, Dodoma
WINGU zito bado limeugubika mkataba wa uuzwaji wa hisa za Serikali ndani ya Shirila la Usafiri Dar es Salaam (Uda), kufuatia wanaodai kuwa wamiliki wake kujitokeza hadharani tangu kuanza kwa mvutano ambao umekuwa ukizihusisha pande tofauti.

Wamiliki hao ni Kampuni ya Simon Group Ltd ambao jana waliwambia waandishi wa habari mjini Dodoma kuwa umiliki wake umekidhi vigezo vyote katika kumiliki Hisa kwa asilimia 52.53.

Hata hivyo, Kamati ya Bunge ya Hesabu za Mashirika ya Umma (POAC) jana hiyohiyo ilirusha kombora na kusema kuwa mkataba huo ni batili na kwamba fedha zote zipo kwenye akaunti ya kada wa Chama Cha Mapinduzi na mwanasiasa wa siku nyingi (jina tunalihifadhi kwa sasa).

Mwenyekiti wa bodi ya wakurugenzi wa Simon Group, Robert Kisera alisema kampuni yake ilifuata vigezo vyote vilivyotakiwa na kwamba imejidhatiti kuliendesha Uda bila wasiwasi.

Kisera alisema kuwa hadi sasa kampuni yake imekwishawekeza kiasi cha Sh760 milioni na kwamba kiasi kilichobaki cha Sh500 kinatarajia kulipwa kabla ya mwisho wa mwezi huu.

Msimamo wa POAC
Kwa upande wake, Mwenyekiti POAC, Zitto Kabwe aliitisha mkutano wa Waandishi wa habari katika Viwanja vya Bunge na kueleza kuwa mkataba wa Uda na Simon ni kizungumkuti na kutahadharisha kuwa aliyeingia mkataba huo amejiingiza matatani mwenyewe.

Zitto alisema kuwa kilichofanyika ndani ya mkataba huo ni ufisadi mtupu na akaeleza kuwa tayari kamati yake ilishabaini kuwa yako madudu makubwa hivyo ikaomba Mkaguzi na Mdhibiti Mkuu wa Hesabu za Serikali kuingilia kati kwa ajili ya kufanya ukaguzi kwa kina.
“Taratibu hazikufuatwa,na uamuzi wowote utakaofanyika ni batili kwa kuwa tayari sisi tumeshaanza mchakato wa kubaini kilichopo ndani ya mkataba huo ikiwa ni pamoja kumuagiza CAG na tayari Spika ana taarifa hizo,’’alisema Zitto.

“Kutokana na hilo, hapa jamaa kaingia choo cha kike na kwa vyovyote vile lazima ametapeliwa na wajanja kwa kuwa kamati ilishamwambia mapema lakini anashindwa kuelewa kuwa Kamati ya Hesabu za Mashirika ya Umma ndiyo yenye jukumu la kubinafsisha mashirika zaidi ya hapo ni hakuna.’’

Kwa upande wake Makamu mwenyekiti wa kamati hiyo, Deo Filikunjombe (Ludewa-CCM) alisema kuwa kinachoyatafuna mashirika ya umma ni Msajili wa Hazina ambaye ameshindwa kutimiza wajibu wake kwa zaidi ya miaka 10.

Filikunjombe alisema kuwa kwa zaidi ya Miaka 10 Msajili ameshindwa kuteua bodi jambo linaloonyesha kuwa uwezo wake ni mdogo sana ambao hata kwa dawa asingeweza kujinusuru zaidi ya kusababisha migogoro kila kunapokucha.

Alisema kutokuwapo kwa bodi kulifanya uamuzi kufanyika kiholela holela jambo ambalo limeifanya Kamati hiyo kuwa na shaka.Mbunge huyo alisema kuwa kuna uzembe ndani ya serikali ambao umekuwa ukisababisha baadhi ya wachache kuendelea kutafuna mali za umma wakati nchi ikibaki maskini.

“Kwa mfano angalieni tarehe hizi 2/9/2009 ziliingia Sh 250,00 milioni ziliingia Benki M’, Makambako tarehe 26/11/2009 ziliingizwa Sh 20 milioni Benk M’ Songea kabla ya tarehe 9/12/2009 kuingizwa kiasi cha Sh 30 milioni katika tawi la Mlimani City zote zikiwa ni akaunti za (anamtaja mwanasiasa huyo),".

Alisema kumekuwapo maneno ya kuichafua kamati hiyo kwamba inafanya kazi chini ya mwamvuli wa vigogo walioko ndani ya Serikali jambo alilokanusha.

“Kwanza Watanzania naomba watambue kuwa Simon haijanunua Uda, bali kilichopo ni kwamba Simon ilinunua zile hisa ambazo hazikuwa zimelipiwa na kuwa hakuna kigogo yeyote nyuma ya kampuni hii na huyo wanayemtaja mimi simfahamu," alisema Kisera.

Shutuma nyingi alizirusha kwa Mbunge wa Ubungo, John Mnyika ambaye alisema kuwa kuwa ndiye amekuwa akiichafua Simon Group na kumtaka mbunge huyo kufunga mdomo ili asiingilie mambo yoyote kuhusu mkataba huo.Kwa mujibu wa Kisera, kitendo cha Mnyika kuandika barua kwenye ukusara wa ‘face book’ akielekeza shutuma kwa Simon ni kitendo cha uonevu na manyanyaso kwa mwekezaji mzawa.

Mnyika aliingilia kati mvutano ulioko kati ya Meya wa Halmashauri ya Jiji la Dar es Salaam, Dk Didas Masaburi na Meneja wa Uda, Victor Milanzi, akisema hakuna mwenye haki ya kumnyooshea mwingine kidole, kwani wote wawili ni sehemu ya matatizo yanayolikabili shirika hilo.

“…Wote wawili wameshiriki kwa kiwango kikubwa katika kukiuka sheria, kanuni na taratibu kwenye uendeshaji wa Uda bila kuzingatia kwa ukamilifu maslahi ya wasafiri na walipa kodi,” alisema Mnyika katika taarifa yake kwa vyombo vya habari aliyoitoa kupitia mtandao wa face book.

SOURCE:Mwananchi

Mwanamama wa Uingereza kizimbani kutumikisha binti wa kitanzania

2011-08-02T13:33:00.005+03:00

MWANAMAMA Mtafiti wa masuala ya kisayansi wa nchini Uingereza amebainika kumtumikisha binti wa kitanzania wa miaka 21 pasipo ujira wa aina yoyote ile kwa takribani nusu mwaka mzima.

Hayo yamefahamika leo hii asubuhi katika mahakama Southwark ambapo Mwanamama huyo Rebecca Balira anadaiwa kumtumikisha kimabavu binti Methodia Mathias kumpikia, kumwosha pia akimtumia kama yaya wa watoto wake watatu.

Binti huyo wa kitanzania aliingia mkenge huo baada kulaghaiwa na mama huyo kwamba angemlipa ujira wa pauni 96 kwa mwezi takribani Sh 300,000 za kitanzania, lakini hakuwahi kulipwa ujira huo katu. Majaji wameelezwa kuwa binti huyo amepokea kipigo mara kadhaa alipokuwa akihoji kuhusu ujira wake huo.

Mahakama pia imeelezwa kuwa binti huyo amenyang’anywa hati yake ya kusafiria na kupigwa marufuku kuwasiliana na ndugu na familia yake aliyoiacha Tanzania. Manyanyaso hayo yaliyodumu kwa miezi sita yalifikia kikomo baada ya binti huyo kufanikiwa kumweleza rafikiye ambaye alipiga simu Polisi na hatimaye suala hilo likaanza kuchunguzwa.